ViuTV《無限斜楝有限公司》第一集,太保感動登場
~自從二月初播完《太平紋身店》後,等了兩個月ViuTV才有新劇,真係等了很久,關於始終未能做到有一線港劇一至五播這問題,唯有靜待ViuTV改善。《無限斜楝有限公司》是ViuTV經常見的一組主角,加上不同單元故事組成的劇集,如《詭探》系列、《VR驅魔人》、《身後事務所》、《太平紋身店》…等,都是相同設定,這形式的好處是題材可以多元化,節奏快唔拖拉,又容易邀請有份量演員客串,不過,單元有時影響劇情連續性和追看性,但相信此劇不會,因為單單是MIRROR的Ian陳卓賢首次擔正主角已經夠追看性。
~ 相信三位主角的三角關係是一個追看位,可是現實中Ian和女主角盧慧敏正在蜜運中,搞到黃定謙點睇都似第三者。
~ 第一集主要是透過外星人事件,介紹三位主角如何認識,鋪排未來如何變成拍檔,再加上來自電影《叔.叔》的最佳男主角太保和最佳女配角歐嘉雯有份參演,演員上已經好夠睇。Ian是劇中的真正斜棟青年,擁有多重事業及多個身份,與女主角的多重學歷,是現代年輕人寫照,而「好仔唔當差」的黃定軒,應該在第二集脫離警隊,做番個好人。三位主角演出自然,無乜生硬感覺,相對上黃定謙演技上較好,不過Ian唱生日歌一幕肯定冧死唔少人。
~ 太保與亡妻的感情是全晚重點,人生都是浪費時間,但最重要有所愛的人,和你一起浪費,是個感人位,一個簡單的承諾,都可以拖延四十年,這個男人會明白,因為以為還有明天,結果變成遺憾,大家記得珍惜當下。看了太保這麼多年,好似第一次聽他唱英文歌,原來也不錯,唔知結他是否他真人彈,幸好不是唱《叔、叔》那首《微風細雨》。
~ 整體上喜歡這集,瑕疵是人死了7天,應該有味和屍斑了,另外那場外星show也太簡陋了,對真正外星人迷來說,有點搵笨。
#無限斜楝有限公司 #盧慧敏 #MIRROR陳卓賢Ian #黃定軒 #太保 #歐嘉雯 #張建聲
同時也有1部Youtube影片,追蹤數超過7,780的網紅蝦愛橘子,也在其Youtube影片中提到,------------------------------------------------------------------------------------------------------------- ➤蝦愛橘子 YouTube 頻道:遊戲攻略/實況VOD:https://reu...
vr驅魔人 在 講劇時辰到 Facebook 的精選貼文
《把砒霜留給自己》離奇加荒謬可笑的香港故事
這套一共十集的網劇於去年11月在hmvod上架,每集只有25分鐘,可以好怏看完。故事改編自同名短篇小說,作者是以《紅Van》聞名的Pizza。這劇集改編了其中十個故事,由劉翁導演,這是他繼《VR驅魔人》、《陽關道》和《黑市》後第四套作品,和先前作品最大不同是編劇不再是王貽興。這十個單元故事包括社團、犯罪、荒謬、粗俗、鬼怪、浪漫、懸疑推理、驚慄、穿越…,即係個個單元都唔同味道,不過,一切都是基於作者Pizza,對香港社會的觀察,再配合天馬行空的想像,創作出來的。
根據大家對劉翁前作的印象,會問是否有很多驚嚇和血腥場面,答案係嗜血的觀眾會失望,全劇風格不似《黑市》,反而似hmvod的另一套綢劇《向西聞記》,亦因為劉翁一直有幫彭浩翔度故事,這些單元中亦充滿低俗喜劇式味遒,尤其第三集《睡房暗殺者》的Shake Shake槍,鍾意這類型喜劇的會狂笑,保守些少的觀眾會頂唔順咁癲!在瘋狂與小小甜中,失驚無神又會有個好浪漫的《看雲的日子》,講古惑仔的天文台與天氣報告女郎的浪漫邂逅。
在10個故事中,最喜歡陳漢娜的「交易」和達哥的「豆花的故事」,Hanna在「交易」中飾演個靠把口呃鈑食的女騙徒,對白和局中局都寫得唔錯。「豆花的故事」達哥、唐浩然和陳子豐,無端端變咗黑社會收樓佬,千方百計收樓又失敗幾好笑外,最夠疆是黑社會大佬白衫白褲,仲揸住條打孖長滕條去收樓,唔知地點是否元朗呢?另外還有敏感對白「遍地開花」,不過係指「豆腐花」呀,這集也是看得幾開心。其他的故事,有興趣自己去Netflix或者hmvod看吧。
整體上故事取向較通俗、部分甚至低俗、男性向和娛樂性,所以適合在網上播多於電視,25分鐘一集,節奏上較簡單直接,而對比前作,導演在掌握節奏方面漸趨成熟,應繼續發展鬼故驚慄加喜劇這風格,雖然未必有國內市場,但專攻網劇,面向世界未必無生路,保持創作自由始終最重要!對比導演前作《黑市》,由於有44分鐘一集,《黑市》在深度上比這劇好,如《偽善若水》、《失眠夢》、《神功戲》…都是演得出色及有話題之作,所以整體上,個人較喜歡前者。唔喜歡沉重驚慄的,想輕鬆一下的,可以一看。昨天在Netflix本地搜尋榜已經升上第三位,支持一下愈來愈罕有的港劇吧!
#把砒霜留給自己 #Netflix #hmvod #港劇 #Pizza #柳瑩 #劉翁 #劉浩龍 #陳漢娜 #小肥 #蘇皓兒 #達哥 #唐浩然 #陳子豐
vr驅魔人 在 Facebook 的最佳貼文
【 2018年舊文重推/Locker本來唔係叫Locker?】
MeWe版本:http://bit.ly/3aeu5WO
MIRROR成員呂爵安(Edan)的第一首單飛廣東歌《E先生連環不幸事件》周三(27/1)在各大音樂串流平台上架後,獲得不俗迴響,獲得多個點播排名第一,而由Sheng Wong與Maggie Leung聯合執導的MV (https://bit.ly/2KY9KfI) ,亦迅即成為YouTube瀏覽熱門,首播後不足兩天,至今(29/1)下午5時半已累積近25萬點擊率,走勢凌厲,連帶MV裏的劇情和演員亦成為網民和Edan粉絲的討論焦點,fb專頁「我睇咗啲乜嘢」更順勢推出MV「走女版」 (https://bit.ly/39sD1Zg) ,笑到反艇。
MV呼應「連環錯愛,有誰夠我不幸?」這句由填詞人黃偉文刻在旋律上的主題鋪展劇情── 我愛你你愛他他愛我,三個人都愛別人,偏偏沒有兩情相悅,剩下三顆受傷的心,相當慘情。呂爵安暗戀譚旻萱,譚旻萱只對林家熙有感覺,但去到最後天台示愛一幕,眼利的網民留意到,林家熙暗暗喜歡的其實是好兄弟呂爵安,他哭,並非因為遭人兜頭淋水,而是他明白,就算自己有多愛呂爵安,也不會開花結果,角色頗有發揮,很多幕都感受到林家熙的用心。
林家熙,這個名字你未必知道他是誰,但如果講「試當真」裏「Locker周圍都係」的那個男生呢?有印象吧!他是新晉演員,現時跟胡子彤、吳肇軒、朱鑑然等都是「Triple S Artiste Management」的旗下藝人。大概因為ViuTV劇集《地產仔》,與岑珈其飾演「文英武傑」,以及「試當真」的短片 (如槍王之王2021: https://bit.ly/2Yp8Goj ),Locker都會令人覺得他走搞笑路綫,但我知道,他一直都渴望可以獲得更多演正劇的機會。在書架上翻開2018年在《100毛》(第247期)撰寫他的專訪稿,才記起他為何當初想入行,又驚覺,原來他本來不是叫Locker!
#######
林家熙,原本有個洋名叫Matthew,後來參演陳志發執導的《點五步》(2016),在戲中飾演沙燕隊成員之一「Locker豪」,由於呢個名易讀易記,台前幕後叫慣叫熟,所以後來當他決定入行做演員後,便以Locker取代Matthew「行走江湖」。過去一年,先後演出三套劇集,包括港台電視《獅子山下2017 ─ 當獅子山遇上陽明山》、ViuTV《VR驅魔人》以及網劇《蝕日風暴》。
Q:你幾時決定入做演員?係咪拍完《點五步》之後?
L:係,拍完套戲之後,去咗澳洲玩3、4個月,本來諗住返來香港考消防員,其實之前考過一次,Pass咗體能,但筆試肥咗,所以返來香港之後就諗,應該考多次消防員,定入行呢?都未諗定,之後就連續兩三個月幫《點五步》宣傳,上映期間又要出去謝票,覺得謝票嘅感覺好正,企喺度,觀眾會拍手掌,呢個感覺好好,身邊嘅朋友岑珈其就話,你做呢行,OK呀,你都啱呀,咪試下囉,於是就決定入行。
Q:過去一年你拍咗3套劇,有長有短,你自己嘅感覺係點?
L:開初拍第一套,就係《獅子山下2017》,喺〈當獅子山遇上陽明山〉入面就係做子樂嘅學徒,所以我一直都抱住一個學野的心態去拍,咩都唔識就問,好用心去問。《VR》就做返學生,之前拍學生作品都有演過學生。
但喺《蝕日風暴》入面扮警察就難喇,首先我個造型係個蛋撻頭,好小白臉,但佢哋同我講,話呢個角色係重案組,咁話死喇,咁樣邊似重案組,點拉人?我有個Partner叫陳少邦,佢就話,冇㗎,你咪諗你由學堂出嚟囉,勇探囉,你係好硬淨嘅,咁我覺得OK嘅,但開頭拍頭半段嘅時候,成日都諗住呢個感覺,所以開始時,無論我做咩戲,都係用同一種方法講對白,冇咩變化,開始慣咗舒服啲呢,阿邦好好,佢就話,會唔會試下拍其他唔同戲嘅時候,或者你唔係對住Madam嘅時候,咪放鬆啲囉,咁個角色先會多啲變化。
同埋呢個劇好玩嘅係,有得試下開真槍,亦有得試反應彈爆炸,Overall嚟講好快完,雖然開頭話要拍3個月,但係好快就完咗,諗返轉頭,覺得蝕咗啲,原因就係自己做得唔夠好,中間諗得太多嘢,應該一早就入咗個角色度。
Q:你自己都話,拍劇嘅時候,好容易畀人干擾到,拍《蝕日風暴》嘅時候,你有冇一啲好深刻嘅例子?
L:有一次就係,我嘅對白只係得一句,但嗰場戲,就講張智霖、薛凱琪企喺度,佢哋準備宣布啲好緊要嘅事,另一個演員就要好遠咁跑入來,衝入來講一段對白,但佢嘅對白係有啲難讀,佢又要講得好急,於是就NG咗幾次,但我望住佢講,我就會好心急,我個心就一直跳,我又替佢緊張埋一份,我又驚佢到佢講完之後到我講我會瀨野,呢件事就令我知道,我會畀人影響到。
Q:咁你平日有冇睇咩電視劇?平日點樣鑽研演技?
L:電視劇我睇Netflix多,剛睇完《Stranger Things 2》,又睇一套叫《Atypical》,講自閉症,我覺得男主角Keir Gilchrist好勁,首先佢唔係自閉,但佢畀我嘅感覺係,佢每一下小動作,諗嘢時啲皺眉呢,都好真,我望咗好耐,我不斷重覆咁樣睇實佢嘅演出。
至於鑽研演技,我真係冇受過專業演戲訓練,其實初初接觸拍學生作品嘅時候,已經發現演技原來有好多方式去演,我有諗過去上堂,但費用太貴,Afford唔起,惟有睇多啲戲、睇多啲書,我自己唔係好習慣睇書,因為吸收得慢,但都要迫自己睇,每日拍嘢都要帶本書出去,喺屋企都要睇,近來睇咗兩本,《演員的挑戰》、《表演技術與表演教程》,前者講修養,後者係講點樣理解劇本同分析角色。
(30012021)
#游大東 #游大東影視筆記 #呂爵安 #E先生連環不幸事件 #黃偉文 #EDANLUI #MIRROR #廣東歌 #林家熙 #譚旻萱 #試當真 #電視框外 Triple S Artiste Management 林家𤋮 Locker Edan Lui 呂爵安 快樂的 論盡音樂 Stupid Music 做乜膠睇電視 我睇咗啲乜嘢 Music Picks 港女講劇 MIRROR 我歌故我樂 試當真 Trial & Error 認真毛群組
vr驅魔人 在 蝦愛橘子 Youtube 的最讚貼文
-------------------------------------------------------------------------------------------------------------
➤蝦愛橘子 YouTube 頻道:遊戲攻略/實況VOD:https://reurl.cc/O0Xa83
遊戲主題/推薦:https://reurl.cc/YOW520
➤蝦愛橘子 Twitch 實況:https://www.twitch.tv/shuteye_orange/
➤蝦愛橘子FB 粉專:https://www.facebook.com/ShuteyeOrange/
➤蝦愛橘子 Discord 群組:https://discord.gg/UNUCxZ
➤蝦愛橘子IG 頁面:https://www.instagram.com/shuteye_orange/?hl=zh-tw
-------------------------------------------------------------------------------------------------------------
【Twitch實況】天天開台,每週六、日固定抽獎,獎品豐富,歡迎有興趣的觀眾來參予!
【YouTube】不定期上傳影片,喜歡的話可以訂閱、按讚、分享!
【FaceBook】第一時間獲得抽獎資訊通知,按讚、分享讓你比別人更早接受到訊息!
![post-title](https://i.ytimg.com/vi/PsMf3AySYkg/hqdefault.jpg)