其實女仔係咪真係信有男仔唔睇AV？
女仔 Friend Whatsapp咗張相嚟，話呢單新聞好好笑，台灣有人郵購女明星吹氣公仔，但收到貨之後係咁嘅樣。
「畀你擺去你個Page吖，不過我唔知邊個嚟架，你實識啦！😂😂」
「呢個拍AV架，叫波多野結衣，唔係識唔識嘅問題，常識嚟架。」
「AV？唔怪得我頭先問我男朋友，佢話唔識啦，仲估係唔知邊個台灣啲明星。」
「你，肯定，你，男朋友，唔識？」
「佢都唔睇AV嘅，你哋班友就成日睇，哈哈😂」
「你點知佢唔睇？」
「佢話唔會睇呢啲架！頭先我Send呢段新聞畀佢，仲要畀佢話我，好似覺得我好壞咁，又問我點解識吹氣公仔呢啲嘢😜😜」
「你地拍左拖幾耐？」
「兩個禮拜囉，做咩啫，佢真係未睇過架，追我嗰陣已經同我講左啦！」
「分手啦，佢呃你架。」
「😡😡佢唔會呃我架，佢真係唔識呢啲嘢，好純架佢！」
「連睇過AV都唔敢認嘅男人，唔係真男人。」
「你痴線架，早知唔Send畀你🤬」
然後我Whatsapp再Send Message畀佢，已經得返單剔，佢個頭像幅相都冇咗，好明顯，佢Block ed 左我。
唔緊要啦，唔阻佢同條仔返屋企睇灰太狼與喜洋洋。
原圖：爆廢公社
