關於 yancomic的美食小報告 ，我們在網路上蒐集到這些相關的討論、資訊與評價

#非業配 #純放毒 哈哈～食過返尋味，我又訂武松殿肉鬆餅 (之前有分享過)～然後順便試多幾款台灣嘢😛同大家分享兼放毒先～(無得出遊真係好慘，所以要食多啲香港無得賣嘅嘢補償下心靈😭)

*****
#青鳥旅行手工蛋捲(花生粒粒)
一直想試海邊走走，但上年喺台灣見到都覺得太貴唔捨得買... 同埋有朋友話一般，所以試咗近年一樣大熱的青鳥旅行。
蛋捲本身好厚實(順豐到香港都完整無缺🙊)再填滿花生醬，OK好味～雖然唔平，但因為夠實在，唔會似陣風咁，食2條已經飽～下次會試肉鬆口味😋

代購價HK$108(1盒12條)
CP值：❤️❤️❤️🤍🤍
美味值：❤️❤️❤️🤍🤍
*****

#聖保羅Q餅
麻糬！紅豆！咸蛋黃！肉鬆！芝麻！🤤全部都係我嘅最愛，名副其實ALL IN!!! 第一口驚喜度爆燈～武松殿肉鬆餅都要比下去(點解台灣人可以咁有創意，識得將肉鬆、紅豆、咸蛋黃mix埋一齊？)因為我好貪心，有時想食鹹又想食甜，呢款鹹甜交織～每次食一個已經好滿足，好味又抵食！(如果紅豆蓉口感再濕潤少少會更完美)

代購價HK$150(1盒10個)
CP值：❤️❤️❤️❤️❤️
美味值：❤️❤️❤️❤️🤍
*****

#幸福張蛋捲
跟結實的青鳥旅行不同，幸福張是走酥脆路線～品牌強調用上頂級材料，吃起來濃濃牛油酥香。但由於太酥脆，就算本身已有紙外盒+間隔+泡泡紙+獨立包裝，寄到香港有一半碎到不行... (就算沒碎，吃的時候也要很小心...)
偏甜的蛋捲皮配搭鹹香海苔肉鬆，真的讓人忍不住吃完一塊又一塊，但一塊HK$11.3(代購價)，CP值真的太低了！(覺得未值這個價錢)至於花生醬口味，因為花生醬很結實，我個人覺得跟酥脆的外皮好像不太match...(但老公說不錯)

代購價HK$68(1盒6件)
CP值：❤️❤️🤍🤍🤍
美味值(海苔肉鬆)：❤️❤️❤️🤍🤍
美味值(花生醬)：❤️❤️ 🤍🤍🤍
*****

呢堆食晒，再訂第二轉又會試更多新嘢，大家有乜推薦？大家交流下，一齊放毒🤣🤣🤣

#yancomic的美食小報告

終於食到最近好似好紅(究竟係咪呢？)的 #武松殿肉鬆餅 ！
肉鬆滿滿好結實但咬落口又好鬆化，真係好好味但好貴😭未計運費香港好多間(現貨)都賣$175-$179，一盒得十件，好細一件差不多廿蚊幾啖食完😭

另外仲想分享下中祥嘅牛軋餅乾，鹹鹹地嘅香蔥梳打餅夾住甜嘅鳥結糖，三十幾蚊一大包，CP值勁高😋，仲要不少街舖都買到，已經係第二次回購～(朋友話上年好紅，當時香港賣炒價貴好多🤪)

至於最後個鹹蛋黃麥芽餅，因為個包裝實在太流～以為個鹹蛋黃味會好假，食落又幾真咁喎！都Ok但食過一次就算，唔會令人有再買嘅衝動。(餡ok，主要係個餅乾唔太好味)

其實好想試埋簡單李個花生肉鬆夾心餅 ，不過買武松殿時，簡單李sold out😭然後第二日收到盒肉鬆餅，簡單李佢又返咗貨🤦‍♀️

***
P.S.最近十分熱衷研究台灣零食，為咗令自己 #食咗當去咗旅行 ，我會繼續發掘不同地道美食/手信零食，再同大家報告🤣🤣🤣

#yancomic的美食小報告

有人話「好難食，但唔係唔好食果啲難食，係好黐好難食，難食但好好食...即係好食但好難食...(下略）」🤣🤣🤣

話說屋企附近新開來自大阪的蕨餅茶店。同朋友都勁鍾意食蕨餅，即刻去試～不過無堂食，天氣又太熱，無可能企喺街齋食蕨餅🤦‍♀️
朋友買咗抹茶蕨餅，我就order加咗紅豆、蕨餅嘅抹茶刨冰🍧($58有少少貴，同埋個底竟然係穀物早餐嗰啲可可球...勁唔match😅)至於淨蕨餅我覺得可Encore，但下次會賣返屋企，加淨茶或黑咖啡慢慢嘆😋
走前再買埋大福最鐘意嘅烤醬油丸子🍡，佢話勁好味😋❤️

Mel Pot HK
#yancomic的美食小報告