《點止冧巴咁簡單》最終回
本來呢一篇係最後一篇喺《蘋果日報》嘅見報文章,我專登好早交稿,方便編輯工作,可惜都係要抽起,因為特殊情況,明日嘅蘋果財經只會出一版新聞,專欄全部抽起.......預咗明日份蘋果會薄啲,但印數目標係100萬份,大家一齊買爆佢.......寫到呢度,我唔識寫落去喇.......各位蘋果工作人員,珍重!
缸湖再見 ‧ 後會有期
《點止冧巴咁簡單》呢個專欄印刷版係由舊年11月開始,由於當時正好幫蘋果財經做咗一段時間直播節目《午市急call》,有幸拍住蘋果朱千雪—Willa BB同埋唐牛,得到唔少讀者捧場,編輯部唔嫌我文筆拙劣,我亦樂意每星期一次為印刷版蘋果專欄供稿。
雖然我過去曾從事新聞工作14年,但從未做過一日蘋果人;不過自蘋果1995年創刊之後,一直係蘋果讀者,其後因為工作關係,更加要日日刨晒成份蘋果財經,因為知己知彼百戰百,所以對蘋果一直有一份莫明嘅親切感。而財經版行家亦一直保持良好關係,即使同行如敵國,但新聞呢一行跟其他行業好唔同,行家之間競爭嘅同時,總會有守望相助精神。呢個專欄誔生未夠一年時間,估唔到蘋果竟然要行到呢一步,心裡面有千萬個唔捨得之餘,仲有點心有不甘,唔甘心嘅係蘋果唔應該係咁嘅情況下結束,可惜無奈都要接受現實。
嚟到最後一日,決定唔再派冧巴,呼應番呢個專欄《點止冧巴咁簡單》,今日就講單八卦嘢,食住花食同蘋果讀者講再見,希望後會有期。話說有過百年歷史嘅先施(00244),曾幾何時係香港四大百貨公司之一,可惜後人經營不善,去年宣告賣盤予中資民企偉祿集團(01196)。本來一單平平無奇嘅收購,本應順利完成,但耐人尋味嘅係,收購程序屆尾聲卻接連爆發爭拗,最新發展係啱啱調任非執董嘅前大股東馬景煊突然向公司發信,要求21日內付清824.4萬元聲稱欠付薪酬,否則會入稟申請將先施清盤。
先施馬氏家族顯赫,上任掌舵人馬景華最為人熟知嘅係佢喺70年代,同太太郭志清創立時裝王國Joyce Boutique,為香港引入唔少國際一線名牌。馬景華2014年離世後,堂弟馬景煊接任先施主席一職,而公司業績就自2013至14年首度見紅,隨後蝕足7年(去年度業績需押後公布)。翻查年報,先施呢幾年蝕到趴喺度,馬景煊卻累計收取近億元董事袍金,作為大股東同唯一嘅執董,公司點蝕都無礙馬生袋袋平安,小股東當然只有默默承受。
先施連年虧蝕亦無力扭虧,馬景煊近年亦變得低調,惟因賣盤交易一波三折近月接連見報,其中最有趣一單,當屬馬景煊等人於舊年10月曾訂立贈款協議,承諾將賣盤得來嘅2.6億元無償轉贈予先施作營運資本,但到今年2月又反口唔認數,單方面宣布該契據「受到不當影響及威迫」下簽立,屬無效且即時取消。
目前偉祿已就2.6億元「送贈契據」告上法庭,馬景煊出爾反嘅如意算盤未必打得響,反向先施追討欠薪並威脅將入稟申請先施清盤明顯係鬥法新招式。不過,刊登辭任主席及行政總裁嘅公告僅僅一分鐘後就宣布可能提交針對公司嘅清盤呈請,馬生自導自演「反轉豬肚」,正好為本欄最後一文提供花生。
古天后
筆者為證監會持牌人,未持有上述股份財務權益。
https://stockqueen.co/ZH/
https://www.facebook.com/stockqueenbb
https://www.instagram.com/stockqueenbb/?hl=en
#點止冧巴咁簡單
#最後一次派花生
#蘋果日報財經版
#蘋果精神永長存
#各位手足珍重
#好人一世平安
先施百貨賣盤 在 Now Finance - 財經 Facebook 的最佳解答
【時代巨輪】疫情重挫香港零售業,易手、賣盤、私有化等,成為老牌港資零售商的末路,屹立本港120年的先施百貨都無可倖免…
#先施百貨 #堡獅龍國際
#sincerehk #bossinihk
#易手 #賣盤 #私有化
#Now財經台
===============================
- 下載《Now財經》App,睇盡財經及地產新聞 -
iOS:http://bit.ly/11bgYgy
Android:http://bit.ly/ZLf9WC
===============================
先施百貨賣盤 在 君子馬蘭頭 - Ivan Li 李聲揚 Facebook 的最讚貼文
[利豐 Bossini 先施 海洋公園 共通點]好明顯啦下話?
1. 明報專欄(https://bit.ly/36d2XVB),下面亦都有全篇。今次呢篇我幾鍾意。
2. 上星期四件事,(1)利豐(494)私有化成功兼退市,(2)Bossini(592)賣畀大陸佬(3),先施(244)亦係賣畀大陸佬,(4)海洋公園申請撥款吊命。
3. 明顯見到共通點啦.以前威過,但已經過氣,食老本多年不思進取,最後都係退下舞台。疫情最多係最後一棍,實情全部都積弱多年,只係等拔喉。
4. 社會係進步嘅,冇乜可唔可惜。呢啲同文化唔同,書呀歌呀戲呀你可以幾十年甚至幾百年,但公司冇錢賺就要收檔的了。
5. 最特別當然係利豐,寫過幾次不再重覆。之前馮國經係香港領袖,特首大熱,經營之神,哈佛教材,甚至佢自己去教哈佛!夠勁未?一代藍籌股王,全盛時期2000億市值,講緊十年前唔夠咋喎。上星期得返100億唔夠,利豐細過金利豐。歸根究底,大陸電商強起來,外資亦直接入大陸,何需經香港?「買辦」時代早已一去不回,邊個仲需要利豐?香港都仲可以有其他角色,但利豐就冇了
6. Bossini云云,聽聞話同Giordano及 Baleno 係香港服飾御三家。Giordano我都仲有買,其他兩者就算了。等Mofork,Yasaki,Kamachi 係香港波鞋御三家,後兩者我都著過,但而家點競爭?我去日本買對addidas都係兩舊幾水咋!四千幾萬就成間上市公司賣比人,一係就真係信大陸佬之後有大搞作,但我估係執笠價執返少少甩身算—大陸佬佔八成你佔兩成,明顯係冇牙力了。
7. 先施更加係搞笑,我懷疑呢度有冇讀者最近五年去過買嘢。事實上先施已經連蝕7年。記得以前睇書(應該係林少陽,但怕記錯,所以篇文冇開名)話,大佬,買呢啲公司等於供養人地家族後人,實在講得好。Bossini 早幾年都仲算賺過下錢,先施就蝕足7年,年年億億聲咁蝕,供股N咁多次。舊年9月book value 先4000萬,基本上已經資不抵債。仲甩到身咪好嘢
8. 不過以上幾檔,都係上市公司。又唔係(應該唔係)詐騙,自己冇眼光信錯人,願賭服輸。海洋公園就唔同啦,政府錢,即係你嘅錢。仲倒錢落去?不如派錢畀大家,去日本睇企鵝又好,返長隆企鵝酒店又好。最緊要有得揀嘛。
9. 其實就係時代進步,以前大陸佬出去或鬼佬入去要靠利豐,而家唔使。以前你當Bossini係鬼佬牌子好潮,而家唔會。以前你(如果夠老)去百貨公司,而家唔使,就算要都唔係去先施。以前你去海洋公園好過癮,而家一年去幾次日本啦。
10. 不過話分兩頭,其實波鞋呀衫呀依然要買,NIKE安踏Zara升極都有,Donki開到周圍都係,Walmart又係升極都有,係咪成個行業死咗?又唔係咯。即使係最惡劣嘅報紙業,New York Times都升穿2007年金融海嘯前嘅高位(但未到 all time high),睇你點玩架啫。
———————————————————————
李聲揚:利豐堡獅龍先施海洋公園共通點
【明報專訊】小弟來說,上星期的四件大新聞,分別是:(1)利豐(0494)私有化成功;(2)Bossini堡獅龍(0592)易主;(3)先施(0244)賣盤;(4)海洋公園申請撥款吊命。
四件事的共通點:本土,歷史品牌,風光一時,經營不善,苟延殘喘。疫情或是最後一根稻草,但4間公司早已積弱多年。退出歷史舞台,實屬必然。
先說利豐,是最可惜的一間,爬得最高,跌得最痛。其他3間公司從未像利豐般受吹捧,盛智文年代的海洋公園也未到同等高度。小弟求學年代,港大搞些什麼「香港領袖系列」,除了地產佬外,誰人最巴閉?正是馮國經。利豐被視為香港傳奇,馮氏被視為經營之神,特首大熱。馮氏身家雖不及地產佬,但正是少一分銅臭,多一分品味。利豐是哈佛教材不出奇,但馮氏本人曾經任教哈佛,此等資歷有誰能匹敵?
堡獅龍與時代脫節 逆境沒頂
往後發展,大家清楚,甚至未必是馮氏經營不善,是世界變了。利豐業務,說穿了就是「買辦」,亦有人說香港文化就是「買辦文化」。留意利豐在金融海嘯中並無一沉不起,倒是再創新高,市值一度達到2000億,但私有化前是100億不到。發生了什麼事?無非是世局轉變,阿里巴巴(9988)等電商崛起,誰還需要香港「買辦」?一代大藍籌,最後市值低過金利豐(1031)。
至於堡獅龍云云,早已和時代脫節,足見市場如何殘酷。公司之前兩年都虧損,大環境不錯時尚且如此,逆境時當然是沒頂。今次交易賣家是羅家聖,持股66%。買家公司由李寧家族私人持有的非凡中國(8032)持股80%,羅家聖侄兒羅正杰則持有20%,意思意思。搞笑在總收購金額是4600萬!未夠買個太古城特色單位,而公司停牌前市值仍有2.4億。到底是賣什麼藥仍不知道,中資入股可能有新搞作甚至注入資產,但明顯姓羅的已經淡出。
海洋公園早完成歷史任務
堡獅龍好歹2016年仍然賺錢,先施更是叫人無話可說。小弟要翻查歷史文獻,才找到公司對上一次錄得盈利,是2013年。記得本報某作者在著作中提過,投資此類股票,等同供養家族後人,實在說得精警。即使之前幾年大環境還好時,先施都可以每年錄得上億虧損,現在情况更不用說。去年9月公司帳面值才4000萬,現在相信已資不抵債。找到好人家甩身,可喜可賀。最諷刺的是,先施比利豐、堡獅龍更早墮落,股價長期不振,結果過去幾年間買入先施,賺錢機會倒是比另外兩隻高。
至於海洋公園云云,無數學者及KOL已炮轟,筆者也在facebook寫了數篇文章,不再重複論點呃稿費。但和以上三家公司不同,上市公司小股東,可以說是願賭服輸(除了恒指強積金被迫投資利豐的那部分),若公司沒有欺詐,那看錯管理層,投資失利,當然是自己眼光不好。但海洋公園是政府錢,大家的金錢。作為自由市場擁護者,小弟認為海洋公園早已完成歷史任務。
都什麼年代了?中學生都一年去幾次日本,政府全無必要搞公營的主題公園。盛智文年代能夠賺錢,倒也奈他唔何。但現在海洋公園連年虧損,和堡獅龍、先施一樣,大圍順境仍要蝕錢,是結構問題多於周期問題。樂園人工開支倒是不手軟,更令大家氣憤。
小弟其實是舊派人,愛懷舊。但時代會變,年少時食「百人一朱」也覺得很高級,現在口味當然提升。市場也是如此,現在大家已不再光顧堡獅龍和先施,海洋公園外也有很多選擇,利豐地位也今不如昔,就讓時代將它們淘汰。私人公司若有人願意鬥長命,也是個人選擇(先施歷來也多次供股)。但拿公帑補貼無底深潭,倒不如派給窮苦家庭,讓家長自行選擇(小弟並無子女,自動喪失資格)。要去迪士尼,去日本看企鵝,還是去長隆,悉隨尊便。這可能對政府的民望有點幫助。
—————————————————————
版務:收費專欄已推出,支持埃汾高質文章。幾舊水睇三個月,一星期三篇
請去呢度訂:bit.ly/2wVXndj
課程編號填: CC01
科咗水後後有Login及Password畀你
逢一三五入去 homebloggerhk.com (見到就睇到《事先張揚》),亦睇得返以前嘅文。一般我都係會黃昏出文嘅。
先施百貨賣盤 在 香港廣告: sincere 先施百貨(瘋狂大減價)2001 - YouTube 的推薦與評價
香港廣告: sincere 先施百貨(瘋狂大減價)2001 ... 2.5 【先施賣盤比大陸佬疑似撻皮】先施大股東內鬨疑被威迫! 先施未捷身先死?! 升旗易日報. ... <看更多>
先施百貨賣盤 在 0244hk 先施苦主大聯盟 的推薦與評價
期內,收益按年跌32.6%至約1.8億元,其中百貨業務收益跌32.8%至1.78億元。截至2月底止,集團共 ... 本地零售百貨應該有排都無運行,先施唔係賣盤股價點會彈得起? ... <看更多>