[呃飯食之王]早排同舊同事食飯,講返呢位仁兄,真係我做咁多年嘢認識最經典嘅人物。佢自己都話唔識寫research report,但居然畀佢做到幾間大行。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
TLDR:此人係真係完全唔識嘢呃飯食的!呀Jens就係金融界嘅卡路士凱撒。最後迫佢交功課,你估佢點應對?
1. 我做金融都做咗十五年,都見證唔少歷史,做過唔同公司。我見過好多奇人,有人在公司扑嘢(在我個位添,當然事後先有人話我知),有人在公司捉鬼(唔係搵二五仔,係真係叫道士嚟捉!),有人貼錢返工自己畀錢在自己個位裝部Bloomberg,有人在公司打交畀人炒埋,有人畀美國通緝,有同事上娛樂版頭條,乜人都有。我甚至同幾個明星做過同事(又有出奇呢?蔡安蕎都做金融啦,但佢唔係我同事)
2. 但講經典程度,我諗呀Jens真係第一。此人係真係完全唔識嘢呃飯食的!唔係出面啲人恥笑埃汾唔識寫文嗰啲唔識,而係你想像佢真係文盲亂寫一堆字母,「波斯密語」咁。有冇聽過有個足球員叫 卡路士凱撒 Carlos Kaiser,冇嘅Google 下,卡路士凱撒十幾廿年,冇落場踢過一場波,但踢過好多間大球會,呃咗唔少人工!呀Jens就係金融界嘅卡路士凱撒。可惜畀人踢爆咗。
3. 事情係咁的,當時我已經係研究部嘅副主管(十丁八丁友嘅副主管),主管係我直屬老細兼師傅兼伯樂馬生。後來公司賣盤,新人事新作風,一朝天子一朝臣,當然睇舊人唔順眼。有啲同事一早閃人,有啲就被人炒,極少數嘅被留用。咁我老細個位當然都不保,聽聞當年如果佢肯降格做二號就有得留,但當然佢老人家有骨氣唔會制(佢話:以後仲使出嚟行嘅?)。然後搞一大輪後,公司可能念在佢多年貢獻,又或者有啲剩餘價值,就另外開個small task team畀佢。咁仲有乜水?就係佢馬仔,區區在下我本人。當然呢個small task team都不長久,好似兩年貨仔就收埋皮,齊齊失業。但至少我再呃咗兩年人工。
4. 但講返轉頭,呀新官上任嗰條友,就真係極品。真係唔好誤會,我同佢冇仇冇怨,唔係因為佢坐咗我老細個位而乜乜—事實根本我都未有時間怨恨佢,佢就極速自爆咗。
5. 呀Jens,金毛鬼佬一名,之前做過幾間大行,真係好大嗰啲。勉強稱得上官仔骨骨,唔係靚仔到才俊feel嗰種,但又唔係大肚腩阿叔嗰啲。個人好似有啲怪怪地,introvert,唔係一般投行鬼佬咁aggressive 或 smart ass,似教大學多啲。
6. 咁而此人呢,就真係朝8晚4出現,十分神奇。看官,我做analyst嗰時,高峰一個星期可以返100個鐘(你話吹水一日返唔到20個鐘?邊個詁你知返5日?),比較得閒嘅日子都朝8晚7。而呀Jens就好多時4點幾走人—事實如果唔係要同倫敦鬼開會,我估佢3點走人都似。加上佢呢,就終日閂埋門在房唔知做乜的,呢個亦唔係常見嘅文化,一般都門常開嘛
7. 講到呢度,明明我去咗small task team,點解知呢啲嘢?因為我前任嘅assistant哈利簡話我知,哈利簡應該係第二代嘅assistant,我親手請,好嘢嚟的,不過講真實在太內向,比我更introvert,未必啱做呢類工種,後來哈利簡轉咗去某大非金融企業搞公司自己嘅投資,就啱晒佢。咁講返,當年呢,我畀人踢走去small task team,亦有人接手我個位,咁哈利簡咪support新嗰個咯。而因為我同佢關係都算好(呢篇文都會畀佢睇),哈利簡有啲咩八卦嘢都話我知。
8. 然後呢,研究部嘅嘢,朝早開早會啦,好似8點定7點半,唔記得。咁啲Sales更會嚟聽,好多時就乘機批鬥你地班友(佢地做唔到生意當然係話你地廢)。咁當其時班新Sales,都相當之harsh嘅,開頭就試下水溫,盤下呀Jens.點呀,平保建行(當年仲係熱炒呢啲)出咗業績,評兩句丫?
9. 然後呀Jens話:係咩?我返去睇下先 (當然係講英文)
10. 然後班Sales就知道,此人真係一個北京大災難 北京大笑話。
11. 後來呀Jens繼續朝8晚4在房自閉,嚟咗幾個月,報告都冇一份出過。Sales當然屌到佢開花,當然同大老細投訴。大老細就叫佢,拿,ultimatum,你月底前好出份中國金融業sector report啦下,死都死掂佢。
12. 如是者,呀Jens繼續自閉,去到月尾,又真係畀佢嘔到份嘢出嚟喎!咁佢仲隊咗畀我嘅assistant 哈利簡幫手執(留意,哈利簡理論上唔係support佢,但主管叫到)
13. 然後呀哈利簡有一日就好神秘咁嚟搵我,話我知,喂,Houston, we have a problem.有啲嘢唔對路喎。
14. 點唔對路?我望下份嘢嘅Draft,正正常常丫,「寫得好過我」(埃汾正係睇金融股出身的)。What’s the problem?
15. Problem就係,if something seems too good to be true,it probably is
16. 份嘢梗係寫得好啦,因為係搬字過紙照抄 另一間大行嘅報告呀你老母!
17. 嘩,咁撚樣都得?係,就係咁撚樣都得!!!否則佢點成為經典。
18. 我點解知?因為哈利簡話我知。咁哈利簡點解知?咪證明佢勤力,平時有睇晒其他大行嘅報告。佢望下Jens份嘢,丫,咁熟嘅,然後搵得返個梳屎出嚟對照。你老味,差不多一隻字都唔改。只係人地公司嘅graphic format變返我地咋。(亦證明呀哈利簡真係一個上心又勤力又醒目嘅人)
19. 咁哈利簡遇到呢件事,就話我知啦。我遇到呢件事,當然唔係第一時間貼上Facebook,而係同我老細馬生講,我開頭都仲當笑話。但馬生當然做嘢分寸在我之上,諗咗10秒唔夠,都知好撚大鑊,就捉埋我同埋哈利簡,直接去搵大老細。
20. 大老細聽完,覺得事態嚴重,咁固然叫咗我同哈利簡走先,做得好,「但冇你地嘅事啦」(低級員工嘛)。然後就召咗呀Jens過嚟,問佢有乜解釋。(馬生仲在房中,以下呢啲嘢係佢話我知)
21. 呢Part亦都經撚典,你估呀Jens點答?
22. 佢話:咁我唔識寫嘛!你係都迫我要月底前交,我咪唯有抄!
23. 你老味四十幾歲金融才俊講呢啲呀,可惜我唔在場。
24. 打後,十分簡單,呀Jens即時起咗身,我估一個仙都冇賠畀佢。往後冇再佢有SFC掛牌紀錄,亦唔見佢LinkedIn有更新。至於「邊條天才請佢返嚟」呢啲問題,當然就唔方便討論了。
25. 但我最後想講一樣嘢:正如文首講 卡洛士凱薩一樣,呀Jens明顯乜都唔識,點解可以呃到咁多年飯食?然後望下,其實佢之前啲工都唔係做得長,雖然間間都名牌。
26. 我個人嘅估計係:第一間行把關不力,發現呢條友超級大伏,但又唔好意思認自己柒到一個點,於是唯有叫佢自己走。然後第二間心諗,嘩,呢條友都大公司出身喎,冇問題啦,點知之後又知中伏,但又係唔好意思同人講自己公司咁柒。如是者,就畀佢昆咗幾份工。
27. 所以呢,雖然作為見工者嘅你覺得好煩,但HR都真係要做下reference check(當然上手可以刻意跣你:呀Jens?叻仔嚟呀。梗係推薦!啱晒你地公司),甚至乎都真係最好要佢落場猜兩板。
28. 雖然,你對HR唔好有乜期望,但你求其搵個Sales,或者搵個做Research嘅,都唔使搵馬生搵我,你搵哈利簡去盤佢兩句都知佢乜都唔識啦。但偏偏成個過程就冇啲紅褲子嘅人去猜佢兩嘢。嘻嘻。咁即係,要呃HR 要呃大老細,未必好難,特別係OK靚仔嘅鬼,之前啲公司又有,你可能都唔好意思叫佢猜兩板。但行家一出手,就知有沒有啦。
29. 事後諗返,公司其實好應該大大嘉獎哈利簡,因為佢醒目,先制止一場大災難。唔係講笑,如果份嘢出咗街畀埋客,你估下有乜後果?畀人抄嗰間行又會點?敝司一定成為全行笑柄。
30. Jens份大作,同埋佢抄嗰份嘢,我而家都keep住(睇留言嘅圖),耐唔耐就同新同事講下呢個故事。叫佢地唔識就唔該早出聲,唔好好似Juno套「疆屍」鍾發咁,自己閂埋門煉屍,到隻鑊爆到大一大先一句「隻嘢我搞出嚟架」然後叫你執手尾。
==============
月頭訂最抵!2021比別人知得多。subscribe now(https://bityl.co/4Y0h)。Ivan Patreon,港美市場評點,專題號外,每日一圖,好文推介。每星期6篇,月費80,半年已1600人訂! 畀年費仲有85折
==============
公司賣盤英文 在 君子馬蘭頭 - Ivan Li 李聲揚 Facebook 的最佳貼文
[好久不見王維基]新正頭個個興New Year Resolution,王維基嘅HKTV Mall 亦都有。都好一排冇寫,股價橫行咗一排,睇下今次有冇突破?
1. TLDR:十二月數字靚仔,2021年目標保守。但個廣告收入令人幾振奮。
2. 告個急先:本人已被炒,未訂嘅記得訂Patreon,積小成多呀。訂咗嘅可以考慮加碼(https://bityl.co/4Y0h)。當然我唔係坐定定「我不想努力」,一星期至少出返六篇文,仲要之前有啲讀者贏到下錢嘅
3. 好似寫少咗Facebook Page,冇計,之前去咗台北,中途就畀人炒埋。咁講真,即係我要R多幾多個Patreon先搵得返嗰個收入?所以呢排重點都放咗Patreon.未join嘅記住去。
4. That said,Facebook Page嘅讀者都係重要嘅。所以我亦會一路寫文,講真亦都唔少文未必啱Patreon寫,只係冇時間。但而家好返啲。
5. 廢話少講,公司嘅公告,講咗四樣嘢。逐樣同你講。分別係「方案業務」,12月嘅數,2021年目標,同埋,「廣告」。
6. 下文會提到GMV(訂單總商品交易額),唔知係乜嘅自己睇(https://bityl.co/53aF)
7. 首先講呢個「方案業務」,睇中文都有啲R頭(正常我係睇英文公告的),果然就係Solution business.唔係賣天拿水哥羅芳,而係王維基之前講嘅「秘技傳授」,傳套武功畀人打Ebay Amazon云云。「可能人地想賣盤呢?」。Anyway,中期業績(8月尾)提呢樣嘢後,10月已經在海外set up 第一個海外研發中心。揀嘅係台灣,你可以估下點解。之後仲話東南亞同歐洲喎
8. 第二,12月嘅數,費事寫咁長。但算係幾好。當然12月例牌係旺,但2020年12月嘅表現都係好。平均每日訂單去到全年新高,日均GMV(唔同月份唔同日數喎)都去到全年第二高。
9. 戲肉嚟啦,想講2020年全年GMV,同埋2021年目標,又畀啲數大家
10. (BTW今篇文數字我在Patreon嘅文有入埋隻Excel,join咗就自己save一份,唔使由頭打)(https://bityl.co/4Y0h)
11. 2019年全年GMV係27.8億,按年先47%。然後去到2020年1月頭,出嘅2020目標GMV,係33.8億。增長22%。留意當時基本上未有疫情因素。
12. 然後到2020年3月尾出2019年全年業績,都仲話冇上調住,但暗示有機會。當時3個月已經做咗舊目標33.8億嘅四成。亦留意,當時疫情已經遍地開花,美股剛好係低位見底反彈幾日。
13. 到2020年8月尾出中期業績,半年GMV做咗27.5億,舊目標GMV33.8億嘅八成。咁當然要上調,新目標?下半年定28-30億,同上半年持平,算係幾保守。亦即係全年目標58億。
14. 最後埋單,2020年係做到60億GMV嘅,增長116%
15. 2021年呢?GMV目標只係66-70億。10-17%增長。太保守吧?當然可以中途上調,而呢啲目標必定係下限,亦不一定係公司內部捽數嘅目標。你睇啲內房都係,銷售差不多一定做到目標的。否則會好難睇。
16. 但又to be fair,公司第三第四季,都係大約16億GMV左右,中途就算上調,都唔會好似舊年咁誇張。
17. 好啦,仲有廣告。有提到2020年十月先開始出嘅early bird優惠,三個月已經收咗5000萬commitment。係2020全年實數嘅3倍。
18. 不過又現實啲,睇2020年半年業績,廣告收入,1000萬咁上下。而公司生意講緊半年係13億。當你廣告升幾倍,都仲係好細嘅數,但叫做有個新增長引擎。同埋,照計廣告呢Part嘅利錢高好多嘅。
19. 我唔太熟間公司,有讀者更熟。但總論一句:你而家仲討論公司成唔成功,就真係多Q餘。問題係,Woody Allen話齋,間公司要向前游嘛。投資者(所謂的大戶)從不質疑王維基在香港會好成功—但之後呢?好多人好怕聽到呢句,但事實你香港市場就係咁多,你知我知。即係你做KOL 蕭生咁幾萬Patreon夠台灣做皇帝梗係冇問題,但企業就另一種玩法啦。亞倫係咁講的。(呢個亦係香港做Youtuber嘅先天問題)
20. 當然之前做政協嘅王維基冇返走去大灣區,應該幾明智,你在中國同人地啲電商巨頭鬥撼?傻的嗎?但投資者都係會問,咁你公司嘅growth 在邊?
21. 明顯地公司都係邊做邊諗答案,所以就有所謂嘅「傳授武功」去台灣東南亞(而唔係上大陸,真係教京東阿里巴巴做嘢咩)呢Part。同樣地,亦都因為咁有咗廣告呢Part,雖則唔大,但勝在仲有潛力。
22. 而你諗下,非關政治,但唔通落廣告仲TVB咩。真係去晒網上了。又回頭再講,王維基如果最初拎到電視牌,最後可能都係自己玩死自己。
23. 最後,Bonus,上次出半年業績,公司做過一個linear regression(https://fbook.cc/3K6j),我都有玩埋一份。當時我話,如果指數曲線咁去fit,2020年尾日均訂單會去到4萬單。如果官方嘅直線呢?就係3.5萬單。
24. 結果?年尾大約係3.6萬單。公司保守啲,係好嘅。但亦都見到疫情受控制,冇指數咁爆發上去。當然你爆多十倍確診,啲單又唔會多十倍嘅。
=============================
你嘅2020年點?我嘅2020年就幾好。Ivan Patreon,港美市場評點,專題號外,每日一圖,好文推介。每星期6篇,月費100唔使,4個月已1000人訂!(https://bityl.co/4Y0h)。月頭訂至抵,年費仲有85折,仲係睇13個月添。
公司賣盤英文 在 Facebook 的最讚貼文
作為遵理控股公司精英匯集團1775.HK的股東(我的持股量可以在HKEx股權披露中查到),有幸得到主席June Leung及CFO/Deputy CEO Edwin Choi的邀請,參觀遵理分校學生上課的真實情況。當然我最關心的是:學校已經復課一個多月,到底遵理學生報名及上課人數,可否追回肺炎疫情前的數量?
根據實地觀察,遵理課堂逼爆及報名排長龍的情況,相信已經回復得七七八八,一班Live坐滿幾個房間,學生們都回來了!遵理在十月底推出一個名叫 DUO的推廣課程(英文+通識),短短兩週已經吸引3000學生報名;另一重點項目「全港DSE模擬試」(2020年財政年度為遵理帶來1145萬元收入),剛推出十二月底兩場考試的報名,兩天內整個會展中心場館火速爆滿,立刻要在如心酒店大宴會廳加開兩場。
通常投資者都會關心的問題:當年2015遵理第一次入表IPO的時候,媒體最juicy的報導是YYLam佔遵理四成收入。今天的情況如何?根據公開文件數據推算,由於近年大學收生政策改變,學生也將更多注意力放在其他科目之上,目前YYLam只佔遵理收入的兩成左右。收入分佈比例更加健康。
除了遵理之外,我也研究過其他補習社的情況。回想在數年之前,補習界曾是「遵理」、「現代」及「英皇」三分天下,但「現代教育」品牌營運的7間中學補習社,當中6間已經倒閉;英皇教育於2015年賣盤給了台灣人,補習老師與學校多次出現糾紛搞上法庭,情況亦大不如前;至於小型補習社就出現大量倒閉......估計很多對手倒閉後的學生,都應該過檔遵理了。
公司賣盤英文 在 查看完整版本: 有沒有人可以幫我翻譯? - 香港討論區 的相關結果
CV Reason for leaving "公司賣盤架構重組" 有沒有可以幫我譯成英文? Thanks!!!! [/quote] Business changed hand and structure reform. ... <看更多>
公司賣盤英文 在 卖盘-翻译为英语-例句中文 - Reverso Context 的相關結果
使用Reverso Context: 投资者发出卖盘, 赎回所持的部分或全部信托基金单位。,在中文-英语情境中翻译"卖盘" ... <看更多>
公司賣盤英文 在 賣盤英文- 英語翻譯 - 查查在線詞典 的相關結果
賣盤英文 翻譯: ask size…,點擊查查綫上辭典詳細解釋賣盤英文發音,英文單字,怎麽用英語翻譯賣盤,賣盤的英語例句用法和解釋。 ... <看更多>