【誠實食後感】芫荽雞肉腸和芫荽朱古力
#自購 #非廣告 #芫荽零食
我細個唔鍾意芫荽，但大大下發覺有啲嘢加咗芫荽真係會香好多，就開始接受芫荽，自己煮嘢食都會落。
不過我點講都唔係芫荽迷，只係咁啱見到得意買呢啲芫荽零食嚟試下咁解。
芫荽雞肉腸係善字牌出品，$22一包有四條。
BTW我咁大個人都唔識用牙咬開腸仔果張膠紙，
所以好欣賞啲腸仔有畀你搣開塊膠紙果啲開口位。
呢條腸都有，可惜果個開口位係柒嘅，搣咗之後張膠紙都唔會開。
我最後都係用骹剪剪開佢，條腸個質地仲要係黐紙果啲嚟，
開唔到一條完美嘅腸，好乞人憎，如果你明我講乜嘅話>>>👍👍👍
一開係臭雞味，唔係芫荽味。
食落係臭雞味，唔係芫菜味。
質地仲有啲硬，我食咗兩啖就放棄，好撚伏。
之後果包芫荽朱古力，森永出品，買咗好耐唔記得幾錢，好似十幾蚊包。
朱古力真係有「烤焗」口感，因為外面係脆嘅，入面係軟嘅，口感唔錯幾得意。
可惜真係唔覺有芫荽味，食落都係正常朱古力嘅味，
最多係認真啲妹會妹到有少少香草味，除咗個包裝好似同芫荽無關係。
同埋朱古力本身都幾甜下，叫人點一次過食晒啫！
又唔係獨立包裝，又唔係保鮮包裝，唔知keep好定掉好，嬲😡
芫荽零食 在 【Joeman】這些零食根本在報復社會！香菜零食大開箱！ft.解 ... 的推薦與評價
【Joeman】這些 零食 根本在報復社會！香菜 零食 大開箱！ft.解婕翎、瑀熙. Joeman. Joeman. 2.54M subscribers. Subscribe. <__slot-el>. Subscribed. ... <看更多>