《康熙今晚走了》
尋晚同朋友Ｔ食飯，朋友Ｔ話有個台灣朋友問佢，點解河國榮咁紅，香港朋友嘅ＦＢ都有河國榮。朋友Ｔ話好難解釋，河國榮係一個唔起眼嘅三四線明星，專喺港產片扮殖民地時期嘅英國差佬。你要好local香港人先知點解河國榮咁出名，台灣人唔會知香港咁local 嘅演藝人員，或者河國榮無渠道介紹自己畀香港以外嘅人識。
就係因為香港無「康熙來了」，河國榮呢啲演藝人員先無人識...
康熙播左12年，我認識左好多台灣三四線明星，台灣好amazing，可以畀唔紅嘅明星以通告明星嘅身份演出，甚至唔需要演出，齋講都引起到大家嘅關注同喜愛。台灣10點播康熙，大概12點，YouTube就會有人upload，我未訓就會睇埋，有時自己一條友食飯又睇有無最新upload，無都唔緊要，我就同一集睇幾次，甚至睇完仲去睇人留言，再follow up。
透過康熙來了，我識胡小幀沈玉林艾力克斯瑤瑤張克帆小甜甜，甚至再唔紅嘅我都知，例如張艾亞夏語心KID劉雨柔陳艾琳。我唔需要刻意記住，但我唔只知佢地嘅名，仲知佢地人物關係事跡近況。例如胡小幀離婚佢幾堅強面對，艾力克斯個外父係香港人佢老婆跳舞好勁，小甜甜成日減肥唔成功畀人飛，陳艾琳條腿好靚，張艾亞好似一匹馬所以整容。
甚至連去台灣發展嘅演藝人韋佳德賀少俠我都知係邊個，如果香港有康熙來了，河國榮絕對有人識。
佢個節目內容，真係估你唔到
康熙可以今集無啦啦叫啲女人卸妝，下集叫佢地搽黑睇下靚唔靚，再下集請幾個人妻講點求子，再下集又可以請外國人來講各國葬禮。咩人都可以上，咩話題都可以講。真係令我大開眼界，一星期播五晚嘅節目係可以無聊得來好笑，唔無聊個時又有認真討論議題，認真得來又可以將時政同娛樂拉得咁近。小S可以問洪秀柱有無性慾，馬英九會唔會講粗口。
我同意康熙做左12年，開始重覆又重覆，蔡康永講得好啱，應該喺大家最唔捨得嘅時候講BYEBYE。作為一個香港人，同台灣人一樣好唔捨得呢個台灣節目，12年節目，可以上YouTube重溫又重溫來頂癮，我期待下一個節目取代康熙來了。我更期待香港都有個康熙來了囉。
PS. 今晚我都係等到有最後個集upload 上youTube 睇埋先訓得著架啦。(淚)
陳艾熙離婚 在 住家裡的男生超母湯？陳艾熙說出背後原因 - Facebook 的推薦與評價
... 整理家中環境，而不是等著別人收拾環境。 # 陳艾熙 #微風女神#孫綻| By 單身行不行| Facebook ... 簡立喆自爆 離婚 內幕. 18 hours ago · 2K tontonan. ... <看更多>