關於 韓女士醬蟹 ，我們在網路上蒐集到這些相關的討論、資訊與評價

.
偽韓妹子韓癮又發作🙈 俾我無意中知道濟州島既Outdark嚟左香港開分店，一於約朋友去止止癮先🙆🏻‍♀️ 一入餐廳已經俾佢既裝潢吸引左，漫天星光勁浪漫💕 而且燈光暗淡柔和令人感覺十分放鬆。最驚喜係哩度有來自韓國既oppa staffs，靚靚仔好有親切感😻😻
·
☆ 雙拼炸雞+脆薯王 HKD$218
叫左香蒜蜜糖及辛辣口味🌶 炸雞份量多到夠3個人食🙀 仲要配埋超多脆薯格同扭紋薯條，勁大盤好誇張！炸雞皮脆肉滑，我地禁不住密密口食🤤 點埋附上既4附醬汁令炸雞更惹味，個人十分喜歡辛辣味炸雞，第一啖係微微既辣，之後慢慢滲出辛辣味道，愈食愈辣，辣得好過癮，無辣不歡既你一定要嗌呀😋😋
·
☆ 煎蛋飯捲 HKD$98
有三層滿足既獨特口感，外層係煎得薄薄既蛋皮，中間夾住煙韌既壽司飯，入面係厚身軟滑既煎蛋，平凡既雞蛋都可以整到咁好味🤩 再點埋伴碟既蟹籽甜醬油一齊食，令口感層次更加提升😋🤤
·
☆ 蕃薯芝士條 HKD$35/4pcs
味道又甜又咸十分特別😋 香甜既蕃薯同拉絲度達💯既熱溶芝士非常之夾🤩😍 加上口感香脆可口，個人很喜歡呢~
·
☆ Peach flafour HKD$78
賣相相當吸睛👀 鍾情粉色系既我即刻相機食飲先😻 酒精濃度唔算好高，平時可以飲返兩位既女士們一定會喜歡💕
·
☆ Blue Lemon HKD$34
滴酒不沾既你叫哩款不含酒精既飲品，就最適合不過啦👍味道甜甜酸酸十分開胃，食指大道就可以食多幾件炸雞啦😚😄
·
📍Outdark
旺角彌敦道613號飛達商業中心2樓

#週年紀念 -法日情懷 Le Rêve

日本菜可能大家都食得多，如果法日菜你又試過未？「 Le Rêve」位於銅鑼灣Zing!店名是法文，意思是「夢」。希望客人來到此地，吃過一頓猶如「夢」一樣美好的回憶。

店內份外有情調，並配桌上的蒲公英水晶球🔮，相信美麗。桌上有一小羽毛，前菜會有法式的 #牛角酥 ，熱騰騰帶有牛油酥香。美味的程度，的確需要追加的理由。

第一道菜式是日本北海道 #珍寶帶子 為主角，日本青豆製作的醬汁帶出佢甜味。三文魚籽配合帶子同吃會有少少似刺身的感覺。旁邊有一個小蟹仔，利用韓式醬油蟹的方法醃製並焗完再風乾，猶如小食一樣脆身亦有口感。旁邊會有竹炭的曲奇條及開心果的金寶配感心思又特別，完全看出餐廳的誠意。

驚喜菜式第一款估不到是有#海膽 的出現，無論視覺上或味覺上的確令人以目一新。底部會有牛肝菌、豆腐、味噌三種元素的結合成為慕絲，味道上相當CREAMY。上面會有北海道海膽並加入金魚籽及明太子，可見相當名貴。旁邊的配角都值得一提會有海帶或銀杏葉等，相當特別。

第二道驚喜菜式是見到龍蝦的蝦身但並非如此，輕輕打開會有種神秘感。正個感覺猶如女士們開寶箱一樣變得華麗，名貴法國的魚子猶如閃亮的寶石似的。底層日本#有機蛋沙律 、中層會有日本#松葉蟹 、頂層會有日本#白桃 與#黑魚子 及#紫蘇葉 相當華麗奪目。旁邊更有兩款的醬汁包括芒果及紅苺增添無限口感。

承接上一道菜式沒有#龍蝦 ，但其實龍蝦肉現在隆重登場。波士頓的龍蝦肉利用真空慢煮的方法保持其肉質嫩滑又爽口。底層的會有蕃茄醬汁，酸酸甜甜連同芒果肉帶有果香，非常開胃。頂層會有三款的風乾的食物，羽衣甘藍、年藕片、啤梨乾等。

法日菜式又點少得#西京燒 銀鱈魚，魚身會有醬油的味道帶有甜味。醬汁帶有蕃茄、青蘋果等香濃又嫩滑而且相當美味。

重頭戲莫過於 #A4鹿兒島 #和牛 相比 A5和牛油脂感會較低，但仍舊做到入口即溶的感覺。利用先煎後焗的方法，鎖住肉汁保持嫩滑。旁邊會有日本露筍、枝豆等配料，整體上相當出色。

甜品方面會有芝麻慕絲與合桃露雪糕整合，旁邊會有竹炭的海棉蛋糕、開心果及蕉糖的朱古力條，中式合併的元素配搭，的確令人留下深刻印象。

法國菜甜品之後都會有小茶點，栗子的生果撻及朱古力慕絲與英式茶作結。
·
#foodiebobo銅鑼灣
Le Rêve (銅鑼灣)
銅鑼灣耀華街38號Zing! 10樓

Harbour Plaza North Point 北角海逸酒店
☀️「夏日繽紛」活動 2019
19/06/2019- 31/08/2019

我地星期六晚同Ronnie去左北角海逸酒店綠怡咖啡廳食buffet，原來由而家至8月31日，享用星期六自助晚餐或星期日自助午餐，年滿5-12歲的小朋友👧🏻👦🏻就可以免費參加「夏日繽紛」活動，包括「至Sweet甜品師」丶「扭扭氣球樂滿FUN」及「小小廚神」，由廚師親授製作，岩哂鐘意煮野食既Ronnie👨🏻‍🍳
小朋友去咗玩，爹哋媽咪就可以慢慢品嚐美味嘅自助餐啦。
而在活動中表現最出色的小朋友，可獲贈酒店下午茶套餐一客。以上各項活動名額有限，詳情及活動細節請留意北角海逸酒店網上商店及面書專頁的公告。

https://eshop.harbour-plaza.com/northpoint/zh-hant/

最新推出的「夏日韓風」自助晚餐，為您搜羅一系列日、韓式美食，冷盤、熱盤以至甜品應有盡有。
包括冷麵，日式燒鰻魚，照燒牛柳粒，韓式醬燒 豬仔脾，惹味的韓式牛肉炒粉絲和養生人參燉雞湯，雞湯以真材實料燉製，味道濃郁甘甜。
即製麵檔有日式拉麵🍜、韓式炸醬麵及部隊鍋🍲，紅燒碧綠花膠及香煎鵝肝多士伴魚子醬，以上都係由廚師即叫即製。當然唔少得最受歡迎的海鮮專區，輪流供應即開肥美生蠔、麵包蟹🦀、香草龍蝦仔🦞、翡翠螺🐚、鱈場蟹腳及藍青口等，喜愛海鮮的您絕對不能錯過。
而甜品方面，除左有多款布甸🍮、慕絲蛋糕🍰、豆腐花、仲有深受女士喜愛的即焗抹茶朱古力心太軟以及多款味道的 Häagen Dazs 雪糕批，而惠顧自助晚餐每檯可獨立享用 Häagen-Dazs 雪糕火鍋，絕對能滿足一眾甜品控。

💡凡於網上商店預訂除可享低至 65 折優惠。(名額有限，先到先得) 。

*自助晚餐時段備有現場樂隊🎸🎷演奏悠揚樂韻及可現場點唱🎤，氣氛一流。

#夏日活動 #summerfunfunfun
#夏日韓風自助晚餐 #北角海逸酒店 #暑假好去處 #親子活動
#親子Kol #香港媽媽 #親子日常 #親子blogger #hkmom #hkinfluencer #hkkidsmodel #hkblogger #bloggerhk #hkblog #influencer #hkkol #hkparents #parentsblogger

#沙田 #一田 #便利店 #全港首間 #Yata #日式美食 #便利ストア
#konbini #日式便利店 #日式輕食 #日式料理懶人包 #北海道食品

沙田【一田】【便利店】全港首間|多款抵買即食可選日式美食便利ストア


Hello大家好 ，我叫阿Tsar,

9月6號沙田帝逸酒店樓下新開了一間一田便利店

它打破了超市框架，用全新概念成為一間日式便利店，

店內齊集各種由日本以至世界引入各種輕食、

料理懶人包和營養即食料理，

款式之多絕對可包羅一日三餐。

並以「速買」、「速煮」、「速食」為主打，

又聯乘日本北海道便利店Seicomart

獨家發售超過70款日本直送食品，

有零食、甜品、飲品、主食都有，「Seicomart」是日本人選出來,

全日本便利店之中最高滿意度的

因為裏面貨品是芸芸眾多便利店之中最優質的

去過北海道「Seicomart」的網友，一定知道

亦設有自助區，有微波爐及熱水，翻熱後可即食超方便。

而且便利店價錢比起超市更加貼地親民

聽員工説，他們將在全香港各區開十幾間這類型的便利店

所以大家先看我的影片，遲些區區有一田，

餐餐便利店，非常之方便

事不宜遲，快啲睇下今日的十大必買，Are u ready?

第一必買， 即食區，如果你入到來這裏

什麼都用想，直接到這裹揀就好了

這是獨家供應穗膳飯糰專門店的多款日式便當、

飯糰及意粉，因為是整間店最搶手的食品

當工作人員放食物落去貨架， 不用3秒已被搶購

所以架上長期都是空置的，但工作人員說去不停補貨

我開張當日去, 日後我就不知是否補貨得那麼勤力

如果你們日後去, 見不是補貨得那麼頻密，

記得留言跟網友分享，我就買不到啦 ，

不過有位女士買到兩盒 ，

我叫她給我影相吧 ，你們看看這個

一個是漢堡扒茄肉燒汁便當，另一個是蒲燒鰻魚便當

裏面配菜何其豐富、新鮮，如果你去餐廳食

價錢要double啦，第二必買, 日本雪藏食品

這裏有好多日本Table Mark即食系列，

像這個咖哩男爵薯餅、鬆軟庵列飯、美味大阪燒

還有迷你春卷、牛肉炸丸子、北海道炸栗南瓜餅、

都非常受歡迎，香港不是處處有得賣

價錢由29.9至44.9hkd, 只要在場內自助餐區用微波爐叮一叮，

幾十秒就食得呵，你看這個姐姐，這裏買完，

轉個彎就可以即食啦，即使你不在這裏即食

這些都適合氣炸鍋食品，我覺得用氣炸鍋煮這些雪藏食品

更加乾身香脆，充滿濃濃日本風味小食，

大家來到一定不要錯過呀

第三必買，外國雪藏食品，都有好多選擇

好像這個法國田螺，韓國醬油蟹 、

加拿大白酒香草青口，好抵食40幾?

已經調好味了，不用回家做太多功夫

一次過買齊三樣回家，餐枱都可以品嘗到外國美食

去不到旅行不打緊 ，最緊要知道那裏用最平的價錢享受生活

訂閱我的頻道，就可以攞到好多這方面的資訊

第四必買，這裏買蛋又平又多選擇

好像有20幾?的溫泉蛋啦、又有極濃蛋味啦

17.9hkd六隻蛋，熊本熊白蛋粉紅蛋十隻裝24.9/27.9hkd

好平呢，有一樣要讚?這間一田便利店的

它以百變日式蛋料理作為主題，

店內外亦有多隻比實物大70倍的太陽蛋做cute爆「打卡位」，

可愛趣緻。店內亦佈滿可愛雞蛋的隧道

我見到這一家大細，假日在此打卡，場面好溫馨

大家都知道香港地租有幾貴，其實這個空間可以用作擺貨

再賺多些錢啦，不過他們沒有這樣做，

反而用來做一個打卡位，我覺得超貼心

出面門口都有個打卡位 ，不過你們見到地下烏卒卒

並非我部相機污糟了 ，

是出面地面一早給人踩污糟了

你們影相的時候，可以將個鏡頭調高少少，

只要見到隻蛋而見不到地下就得啦，開張期內

但凡單一購物滿$200或以上，

即可獲贈開店限量紀念版2合1太陽蛋矽膠隔熱墊一套，

將「蛋黃」拆開更可成為杯墊，可愛又實用。

第五必買， 來自馬來西亞高山天然培植的有機蘑菇系列

低卡路里低鈉, 健康有益，蘑菇可增強免疫力至好

當日因為我見有個女人教sales姐姐一些產品資訊

我一問之下，原來一田便利店有引入外國優質產品

其中我手上這包右上角叫oyster mushroom

在香港超市非常罕見

最重要是價錢好平，這一包是29.9hkd,

一般超市賣不到這個價錢

但我閱讀了產品內容後，我覺得是Citysuper的質素

所以我覺得一田便利店的產品 ，除了優質之外 ，

最重要價錢好親民 ， 這個當然非廣告啦 ，

一田賣廣告都不會找我吧 ，

如果他們要售賣small potato，我成個人在這裏

這個牌子的蘑菇只要用清水去沖洗上面的泥就ok了

茹都是高山有機種植，所以不需放落水泡浸

其他牌子有否農藥，我就唔夠膽包啦

這位女士，是這間公司的高層，跟我講的

所以大家應該食得放心

第六必買， 本地手工製造粵菜餸包「師家菜」系列

每包2人份量，不含防腐劑及人工色素，

有紅燒豬軟骨、清湯牛腩及泡椒雞翼尖等。

想飲湯的話，另有龍躉燉湯系列，這個真的超正

包括海玉竹無花果、地老鼠烏豆、

牛大力土茯苓燉綠洲花尾龍躉，

滋補有益。大部分152hkd兩包，

真材實料 、 加熱即食，方便至極

我上師家菜facebook專頁看到， 在便利店買的價錢會平些

還有這個茶樹菇炆豬手 ，豬手含有豐富骨膠原

食到你皮膚白滑，茶樹菇抗衰老，簡直是女性恩物

送禮自用都一流呀，汁用來送飯香噴噴

還有清湯牛腩，由正宗粵菜大師炮製，以後不用到九記排隊啦

第七必買, 多款零食，小島食品公司黑胡椒鮟鱇魚乾

我上其他公司夾過價 ，貴這裏差不多10hkd

這個是小島烤飛魚條，每100克含有1000mg鈣質

這個都是小島烤飛魚乾，炙燒口味，

這個是Secoma即食烤昆布, Seicomart你要認住這個品牌

因為來自北海道，日本便利店品質保證No.1的出品

用了北海道100%純天然昆布，健康好味

這個北海道芝士鱈魚條，我聽到旁邊客人講，出面賣30幾hkd

這個好香口的煙燻魷魚絲，好有嚼勁

場內亦都有多款罐頭和調味料，出自品質保證的Secoma

第八必買，多款果汁、酒、汽水都平過出面

這個是西柚果汁酒，酒精含量4%

這個是北海道Secoma 提煉的甘酒

一種含甜味的甜酒，其中包含米芽和酒糟。有輕微薑味。

可以保暖和行血 ，當然飲酒不要過量啦

除了普通飲用，亦都可以用作煮餸調味去腥

有4款顏色黃、銀、紅、藍日本盛純米吟釀生原酒

有本釀造、純米吟釀、大吟釀、純米大吟釀4種口味。

本釀造,(銀色)米的雜質磨去30%以上，會加入釀造用的酒精，

味道較為清淡，清爽順口，有人形容為有個性的日本酒

純米吟釀(紅色)可以享受純米特有的香味,

口感清爽,香氣四溢的口感。

大吟釀(藍色),米的雜質磨掉50%以上，

經過這樣精磨的米釀成酒，具有獨特的香味，

口感柔滑，是酒中極品

純米大吟釀(黃色), 口感爽滑

日本Tomomasu 推出清爽口味水果蘇打，日本好受歡迎。

系列共有哈密瓜、西瓜、白桃、鳳梨、芒果五種口味 ，

味道清新，超級解渴， 北海道secoma烏龍茶

有濃濃的烏龍茶味，如果大家不喜歡飲汽水那麼甜

就可以試試這個啦，麒麟特選fire牛奶咖啡

贅沢這兩個字是日本漢字 ，即豪華

這兩個字你經常會在食材或飲品包裝上見到

是形容豪華或口感豐富

你亦會在保濕mask包裝上面見到贅沢保濕的字眼

下次大家去買日本貨時就會了解更多啦

第九必買，日本時令水果， 按不同時方、季節

有日本直送白桃、蜜瓜、提子等，全部香甜美味。

放得在這個雪櫃的水果都是最當時得令的

中秋節好快到啦， 這裏又平又多選擇

日本岡山貓眼提子，79蚊一包 ，價錢親民

新鮮日本水果貓眼提子(PIONE)

是「巨峰」和「CannonHoll Muscat」交配孕育的品種

特色是果粒巨大呈黑紫色，單顆可達15~20公克重,

甜度16~21度，果肉細緻，多汁甘甜，口感超正。

第十必買， 這裏設有麵包專區

有新鮮送到的A-1 Bakery袋裝麵包

啲麵包每日新鮮製造 ，超級軟熟，

我都不夠膽太大力鏈下去 ，一大包都係十幾hkd，

做早餐就最啱喇，收銀處旁邊設有新鮮橙汁自動販賣機

及Georgia咖啡機，一分鐘內即歎到鮮榨橙汁及香濃咖啡。

甜品方面有水果果凍、雪條、日本雞蛋布丁、窩夫等，消暑一流。

Secoma，供應超過70款日本製的糧油食品，

當中大部份以北海道在地食材製造，質素新鮮有保證。

雞蛋湯、海帶湯、粉絲湯$12.9-$16.9/2 件

雞蛋湯蛋花口感滑嫩，海帶湯清甜，

最正是只有27卡路里，減肥都可食用。

但由於Secoma 櫃位在付款處旁邊 ，當日大排長龍

你們都可親自來慢慢睇慢慢揀啦

店舖總共有三個出入口 ，其中兩個各自都有一部自動付款機

你可以用多種電子付款方式，但要提一提你們

如果你用折扣coupon、

或任何贈券都不可以用到這部自動付款機

所以開張當日好多人去排隊，因為他們都有用coupon

相信日後都會有好多優惠，

但如果你不想排隊，當然用自動付款機啦

KONBINI 便利ストア by YATA

地址：沙田源康街 1 號 逸酒店地下

石門地鐵站B出口，行右手面上條天橋經過城門河

大約行十分鐘就會去到帝逸酒店㗎啦

我臨走的時候，過對面搭680巴士不用一個鐘返到香港

營業時間：8:30am-8pm，如果你們喜歡我今日的介紹

記得留個表情符號以示支持，

幫我用whatsapp和facebook分享出去啦

希望越開越多，除了因為方便之外

我更加希望他們可以在香港增加多些就業機會

我見到店裏面的職員，好多五、六十歲的姐姐

逆市之後香港好需要多些新的工作機會

下次再介紹多些好西給大家啦，88




成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。