疑難雜症萬事通
在網路上遇到任何問題都可以在這邊找找看唷

Search

後門美食的相關標籤

相關貼文 相關照片 相關影片
後門美食 後門美食
[吃貨必睇 清邁大學後門街頭夜市] 鍾意掃街的話，除了古城南門Chiang Mai Gate及北門Chang Puak Gate對出，每日傍晚都會開滿路邊熟食檔，靠近清邁大學後門一段的Suthep Road，同樣有睇頭，一整排的路邊攤檔接近1.5公里長，攤檔數目逾50個，部分日間已開始營業，但講到最熱鬧一定是入黑過後，學生們傾巢而出，仲逼過行花市~ 由於來客以CMU的學生居多，價位相對平易近人，一般泰式湯麵、海南雞飯之類都係35THB/HK$8，想高級少少鋸個扒亦只需59THB/HK$13。同古城兩大街頭小食夜市最大分別，就係呢邊比較多啱年輕人口味的潮流小食，好似韓式炸雞就已經有兩檔，香港大熱的彩虹沙冰都有得飲，仲有臉盆咁大好適合發育中青少年食的巨碗麵，以及近一年風行全清邁的雲南串燒。試過最高峰一星期有五晚來報到，可以講唔係檔檔都咁good，但風味就肯定有。 在一眾攤檔中，幫襯得最多是大頭蝦公仔做招牌的冬陰功麵檔，行過已聞到陣陣蝦湯底的香味，每逢晚市黃金時間仲要輪籌等位，都算巴閉！最基本的冬陰功麵(35THB/HK$8)有蝦、魷魚及魚肉，配料算豐富，湯底香滑，酸、辣、鹹、甜之間味道平衡，完全係餐廳飲到的級數。旁邊的雲南串燒檔都係好旺場，有肉類、內臟、菇菌等近20款可選，每串僅5THB/HK$1.2，不過人太多，仲要即點即燒，最耐一次試過等足半個鐘，行個圈食埋碗麵都仲得~想知我講邊間，就記得睇晒成條片~😜 ================================ 【查詢私人包車連司機服務】 www.chiangmaijourney.com/vananddriver 【預訂清萊一日團】 www.chiangmaijourney.com/chiang-rai-1-day-tour 【預訂Zipline活動】 www.chiangmaijourney.com/zipline 清邁大學後門美食夜市 地址：The back gate of Chiang Mai University on Suthep Road 營業時間：每個檔攤略有不同，一般為4pm-9pm，每月逢25號全體休息一天 #鍾意街頭小食請注意 #窮遊食堂 #廢氏清邁私生活 #清邁 #cmj100 #chiangmaijourney #chiangmai

[吃貨必睇 清邁大學後門街頭夜市] 鍾意掃街的話，除了古城南門Chiang Mai Gate及北門...

2016-08-26 18:45:33 有 105 人說讚