選舉結束，泛民分組點票權正式落空，另一邊廂，大家已經急不及待要進行分組＿票。
我唔明，選舉前講泛民不對，你就係擾亂軍心，你就係五毛就係鬼，而事後講嘛，就會有人話你係狗頭軍師、事後孔明。我開始諗，係咪每次出文批評泛民之前，我都要去搵個師傅擇個良辰吉日花月佳期，方能冒死進諫？
對我來說，泛民是一群被寵壞了的小朋友，你對住佢地要讚，就算佢做得幾差都好，都係要讚，選舉失利？要讚「今次已經好努力架啦，下次俾心機啦」；啲勞作banner油到出晒界？你要讚「你俾左好多心機架啦，我感受到你嘅誠意」留意返，各位慈母已經讚足佢地三十年，我們全港用最大的善意，鋪成了最壯麗通往地獄的道路。
最可笑的是選舉結束後，他們口口聲聲說要檢討、要反省。結果一星期過去了，檢討了什麼、又反省了什麼？什麼都沒有。除了縱容旗下的馬仔到處＿票之外，有什麼反省過？
上年，我同某工會組織打大交，佢地口口聲聲話要溝通，我等左四個月，唔好話一個電郵或私訊，就算一個留言都冇，呢啲叫溝通？呢啲叫做虛應故事，見風頭火勢就放軟姿態，向公眾講完，事情過了沒有提及就等同不存在了。說承諾？誰人又相信一世一生這膚淺對白？山盟海誓講過唔係，真係好鬼死老套。
如果想修補關係，第一件事勒返住自己啲馬仔，唔好周圍撩交打。需知道如果你係打得贏都還好，除左鄺神之外，邊一次唔係佢地自己衝出黎＿？那種被全面反擊時的兵敗如山倒，連打架也算不上，只能說是單方面被人無情地用智商反覆輾壓，然後被人射到一臉都係。不如泛民成立一個公關小組，旗下所有馬仔要出文鬧人前，需要上報小組，集一隊智囊之力，執過篇文再大家統一口徑講野，自然會減少好多誤會。咩話？將在外，軍令有所不受？咁係你地自己內部問題，自己都團結唔到，關我咩事？
#得罪講句
#你係咁掂就唔駛做人隻馬啦
#一世都上唔到位係有原因嘅
https://m.mingpao.com/…/artic…/20180319/s00022/1521379307590
