最近好多朋友仔都心情低落，冇心情煮飯仔，求其食啲即食麵就算數⋯而且有啲人對即食麵有情意結，食完會開心啲⋯
咪住！如果你真係好想好想食即食麵，都有啲比較健康嘅即食麵㗎！
辛辣麵最近出咗非油炸麵，我幫大家試咗味，好辣好惹味！🔥🔥而且麵質都唔錯，真係好似食緊油炸即食麵！
食晒一包，加埋包辣油，都只係得半茶匙油咋！比起原裝辛辣麵少150卡路里，少近八成脂肪！不過鹽分始終高，所以加大半包辣粉都夠晒味，記住唔好飲埋個湯底啊！
另外一個溫馨提示，食麵嘅時候最好加番蛋白質同埋蔬菜！今次我就加韓國嘅香辣雞柳，一包只有110卡！雖然只有半茶匙脂肪，鹽分又唔高，但尚算滑嫩入味😋重點係放入微波爐加熱一分半鐘，就已經食得，簡單方便快捷！
#減肥都要食得飽
#食飽才可以行更遠的路
#一個面計5分五穀
#都真係幾大個麵㗎
#食完好飽飽好滿足
#食完想噴火🔥
