堅持✊🏼
#不撤不散
呢攝文宣真係好靚（From TG 文宣谷）
亦好好咁回顧咗我哋呢個半月嘅努力
每次即使只係一小步
但撐落去，守住良心制暴，好好教育下代
未來，就可以更好一點
#香港人加油
#做好自己
#遍地開花
#721不見不散 #不撤不散
#出佢老母 #自由閪！😈😈😈
————
文長慎入。純發洩。
69去到今日718，過咗個半月。
本魔係學到好多嘢，甚至係一個急促嘅成長。
我學到——要 #小心語言偽術，凡事一定要思考同運用邏輯、現實分析，因為 #一句好似正確嘅嘢可以暗藏殺機。
我學到——呢個世界真係有好多抹黑同仇恨，然而 #最重要嘅唔係要別人了解你，而係 #要清楚知道自己做緊咩。因為好多事只能用行動去證明，而唔係用辯論證明。
我學到——要 #同他人溝通唔係講道理就得，#仲要理解對方模式，例如長輩圖，你唔用人哋接受嘅方法去講，硬碰硬，人哋係唔會受。
我學到——成果唔一定係有形之物，亦唔一定係一個結果。你今日建牆，他日會被毀。#所有事都唔會永恆。有時過程比結果重要，因為 #成果會係過程中顯現。
我學到——總有人為個人利益而出賣你。佢有自由去自私，佢有自由忽略他人未來，但自己亦有自由去爭取，最重要係 #毋忘初衷，#唔好令自己變成自私嘅人。
我學到——每個人都覺得自己更正確，但 #自由民主就要接受自己可能係錯，#他人可以有更好提議。#合作比堅持重要，適當妥協比撕裂重要，各施其職比自我中心更易長久地齊上齊落。
我學到——留戀過去嘅同時要保守將來。因為 #所謂嘅美好係要靠行動去守，而唔係靠回望去留。如果唔想未來失去更多，你就要付出，而唔係靠別人付出再坐享其成。
我學到——暴力有時係用嚟嚇到你唔敢再發聲，而 #唔想暴力加強唔係要收聲，因為 #你收得一次聲對方就會變本加厲。對付恐嚇式嘅暴力，就係無論幾多次都要面對佢，話俾暴力知你唔怕佢。
我學到——靠恐嚇立國立例，係因為你無道理。一個好嘅當權者係要試檢討以及知道「#靠著數及恐懼愚番嚟嘅人民係國家最大毒藥」。
我學到——反抗有好多種方法，有啲可能唔係好方法，但都要試咗先知。#無人可以行動決策完全正確，#但所有人都可以從每次行動中修改及學習。
我學到——保護自己，除咗拳頭硬外，仲要與時並進。
我學到——#今日你為著數賺到少少，#他日會因呢個舉動失去多多，甚至可以係失去自己與下代人生。
我學到—— #無嘢一步登天， #付出亦唔一定有回報。接受有啲事係要時間，而時間需要心理強大。適時休息，適時發洩， #長久戰靠嘅除咗體力仲有心理。
我學到——#教育下代係長久對抗腐政方法，當中哲學、邏輯、心理缺一不可。
我學到—— #無恥無賴是無敵。所以要以無賴對無賴，知己知彼 百戰不殆😉😉
學到嘅事仲有好多好多，
呢場學習會繼續落去。
721 金鐘見，不撤不散，
因為堅持，先至可以改變，
哪怕每次只有一點點。
#BeWater
一句好似正確嘅嘢可以暗藏殺機 在 Computer As Source (CAS) Audio Malaysia / CAS 音響同學會 ... 的推薦與評價
21)p47,最高輸出去到9.5V peak = 11W, 已經清楚可以看到交界失真了! 22)p48,輸出噪音有4.45mV, ... 還有一個重點,今次是改圓下半波p62, 其實暗藏殺機, 有冇人諗到呢??? ... <看更多>