【龔成問答信箱】(Q17521-Q17540)
Q17521:
Hello 成哥你好呀!我係上過你股票班的舊生,上埋進階班的,最近在研究二三線企業,我先從不同經濟版塊入手,見大家熱炒緊生物科技同科網,我就試下搵「環保」呢個版塊
發現左一隻「海螺創業」(0586),我用左個word做,希望你唔介意睇睇,我做得比較簡短,唔好意思我知未算太足夠的數據,但做落去都真係幾累,做到懷疑人生。
咁我做完主要有幾個發現同問題。
1. 海螺創業近年的ROE、毛利同純利都增加,理應係賺錢企業,不過我係年報中發現原來最影響利益的係「應佔聯營公司利潤」
因為海螺創業佔左49%海螺水泥利潤,所以令到其毛利、純利都提高。睇返佢賺錢係有增加^但唔係最大影響,雖然係有支持,不過都反映佢而家生意唔係最賺到錢,可唔可以咁理解?
2. 海螺創業係「現金流量表」中,投資同融資現金流每年表現不一,有上升/下跌,但睇返佢近一兩年的發展,始乎花好多錢係廠房到
而且配合其「5年發展」方針,睇黎想大興土木,呢個投資同融資上升的趨勢,有D似上進階班教的「潛力股」現金流象限。
3. 海螺創業本身有優勢,不論係成本控制、垃圾發電技術、背後財力(海螺水泥)的幫助、政府的支持,對佢黎講都有機會構成護城河,你認為呢?
4. 我將佢同其他環保企業比較,例如龍源電力、天倫燃氣,覺得佢係呢一年業績都算唔錯。而且睇大行報告(超過十頁果隻)都形容對呢隻都感到很正面 真係將來有機會跑出成為倍升,唔肯定咁講岩唔岩
唔好意思,一大咋問題,麻煩你呀成哥,因為我都好受你影響,去裝備自己,為將來財務自由而努力!謝謝你!
龔成老師:
海螺創業(0586)正面,企業有質素,有增長力,這股的確值得深入研究的。我初步睇左你的報告,整個都分析得不差,講出了重點,最後風險部分,你可以再講多少少,因為這是你要較關注的。
1)你大概可以這樣理解。
進階班都有解釋過這部分,當佢有較大的初營公司收入,就會令財務數據出現變化,如果要仔細分析,你要調整翻先得。
由於佢聯營公司貢獻條數都幾大,因此在分析時,最好作調整。
2)對,可以這樣分析。但我地分析現金流量表時,唔好只睇1、2年,要睇整體情況。見這企業仍處一個發展階段,同時派息比率不高,都反映這點。你可以仔細睇年報,尋找管理層分析的部分,睇下佢地有無講發展的具體情況,另外可以尋找有關「資本開支」部分,都有用的。
3)整體是不差,相信前景仍是正面,但政策是一個風險,我地投資者好難預計得到。
4)初步分析,企業是正面的,加上現價未算貴,不過政策及產品價格能否自主,這成為最大的風險。另外,業務能否有持續的發展,我地未能得更絕對正面的結論,雖然過往增長不差,但將來仍會有未知數,這不單由大環境影響,同時會考慮發展風險。
整體都是正面的,但就不是無風險。
------------------------------------------------
Q17522:
老師,我今年55歲,人生經歷了不少,10年前面對困難,我克服左,到近期,疫情令我無收入,我又要面對困難,但我已經55歲,已唔想奮鬥。
我自問之前收入唔少,但最近,唔知點解我無信心,可以點?
龔成老師:
我相信你面對困難的能力,是你最有價值的地方,你現時的確面對困難,但我相信你10年前的困難可能更加大,現時的困難只是因為你上得快,一下子跌落去,你覺得好傷。
加上你的能力比過往進步,經歷比過往多,其實你是比之前更強,只是你認為自己「已55歲」,設定了自己不及從前,其實,每個困難都是突破機會(我自己都好明這點,我生意正常時,生意好穩定,但有困難,就會想方法突破,當環境好轉,生意往往會變得好好)。
其實你都明白,疫情只是中短期問題,你一定會好轉,肯德基創辦人,都是60歲先創立肯德基。
我真的好深信(每次我面對困難都會這樣想,而的確這樣),上天比一個困難我,是要我成長,要我突破,要我明白「不能只是如此已滿足」,加油!
------------------------------------------------
Q17523:
你好 龔sir,想問你點睇6160&1801呢兩隻股,算唔算潛力股?
同時想問兩隻股嘅平宜區係幾多?
感謝你回覆
龔成老師:
百濟神州(6160)透過多份獨家許可協議,向許可方(包括新基(Celgene))取得於大中華區開發、製造及商業化多種產品及在研藥物的權利。
這股業務有增長力,不過現時仍不斷燒銀紙,估值十分難,只可以話現價唔算平,要有較明顯的回落,先有機會平。潛力度都有,但這刻股價的投資值博率就唔算高。
信達生物(1801)係一家中國生物製藥公司,開發了集研究、發現、開發、製造及商業化於一體的生物醫藥平台,並在腫瘤、眼科、自身免疫和代謝疾病領域建立了一個包括單克隆抗體和其他生物藥物的產品管線。
潛力度是有的,但現價同樣都貴,如投資的話,小注好了。
------------------------------------------------
Q17524:
龔成老師,你好,疫情期間開始看你文章,我今年36歲,月入60000. 擁有一物業,345購入,市值450.還有280貸款。沒有家人需要供養,每月可用現金3萬8.
擁有股票 2186 (8*90000), 保險基金(月供1200)
因居住環境較小,猶疑應否售出換新樓,如御海灣/大圍上蓋,作投資及自住用途。長遠用升幅換更大單位。還是應該運用資源投資股票,讓時間替我財富增值,始終買樓要付息及是一項債務。
股票若進取的話,應該分配如何及有那幾隻可以考慮?
謝謝指教。
龔成老師:
要睇你長遠有無實質需要,如果有實質需要,其實長遠都要換,只是時間的問題。這樣其實都可以進行。
香港樓市,長遠仍會因供求問題而向上,因此你持有較有價值的單位,對你財富都是有利的。
香港經濟中短期有不確定性,可能令樓市下跌(不過不會大跌),因此,你都可以留意機會。
至於股票方面,如想要進取,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
------------------------------------------------
Q17525:
龔成老師,你好!想請教一下,本人29歲,由2017年開始月供股票,月供開頭由$8k 開始,都是藍籌收息股為主,前年轉工收入增加至25k
慢慢加到月供17k,工作穩定,無家庭負擔,不過依家市道唔好,想儲返現金流。
6月開始供以下:2($2000)3($3000),6($3000),939($2000)
其餘7k 儲現金
現在120k現金,另股票倉持有:
1211 :218股
11 :381股
3 :7882股
12 :598股
2 :371股
823 :675股
66 :240股
2388 :563股
6 :647股
939 :6170股
778 :1000股
2800 :1096股
6月因一時心急,1211 放了一手。因為依家全部股票也低過我供的平均價,大概蝕緊10萬左右,你認為有需要上蝕嗎?或那一隻你認為可以加持?謝謝
龔成老師:
你有兩個問題。
第一個是一般的散戶都會犯的錯,就是「升的股票就賣,跌的永遠唔賣」,這就會造成「贏粒糖,輸間廠」的結果。
你要以企業的質素行先,有質素的持有,無質素的賣出,質素較一般的,持有的比例都不會太多。
你要好好分析每一隻的質素與增長力,以這個方向去調整持股比例。
第二,你2X歲,應該選較有增長力的股,上述股票大多是平穩型、收息型,這在配置上未必最適合。你現時月供的,雖然有質素,但增長力都不強,未必最適合你。
上述的股票不是無質素,只是在策略與配置上出了問題。
最簡單是增加盈富(2800),以及加翻少少有增長力的股,減少收息股,平衡組合。
------------------------------------------------
Q17526:
你好龔成老師,現持有領展(500股$88.6, 200股$72.5, 300 股$65,應否繼續溝貨?
因為500股購入價太高了。
龔成老師:
這股雖然有質素,可以守,但同一隻股票持有過多,都會出現集中風險。
你最重要是計算翻,這股佔你股票組合的比例,如果已去到15%,就唔好再加,如果少過,就可以加一注。
另外,你要睇翻你現時的現金情況,如果現金數目唔多,就要留現金。
------------------------------------------------
Q17527:
龔老師你好,本人月入4萬,而家28歲,手頭有現金45萬,目標希望5年內買到樓,每月儲蓄大約1.5-2萬左右,屬投資初哥
可否賜教有冇咩方法令我的資產增值。
上年尾開始月供股票 煤氣 工商 招商 香港電訊 0008,但賬面現虧損$3000幾, 投資如何好?謝謝你
龔成老師:
當我地進行人生財富累積,會運用「先增值,後現金流」作方法,年輕人應投資較多增值類資產,而較年長的,則應投資較多保守類項目,因為年輕人的財富系統未成形,同時負擔較少,可承受的風險度較高,所以會著重增值為先。
例如初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到年紀漸長或已累積了相當財富後,才漸漸轉成收息型股票。
你這個年齡,是財富增值的黃金時期,要好好把握,盡你一切的力量去儲蓄、投資、學投資知識。
你可以投資「平穩增值股」+「潛力股」,不過,由於潛力股要求你有一定的投資知識,因此這刻不用急著投資,你可以集中在平穩增值股先,潛力股只能小注。
因此,你上述月供的股票,以你的年齡來說,並不適合。
你可以考慮盈富(2800)、銀娛(0027)、恆基(0012)、中銀(2388)、港鐵(0066)、平安(2318)、粵海(0270)、領展(0823)、希慎(0014)、太古地產(1972)等,你可以了解下這些股票,然後從中選股。
如果想增長力高少少,可考慮:阿里(9988)、騰訊(0700)、港交所(0388)、舜宇光學(2382),但就要明白波動性比上述會高少少。
現時大市處合理區,可以一邊投資一邊留現金,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
------------------------------------------------
Q17528:
hello 你好,想請教一下:
幫小朋友儲錢暫時有大約6萬蚊,部分做咗定期,剛學股票
第一次買咗8000股3988,等收息。如果想幫小朋友儲錢,買邊幾隻長楂收息最好?
龔成老師:
如果幫小朋友儲蓄,你可以建立一個「收息股」+「平穩增長股」的組合,各佔一半,中行(3988)是收息股,可持有。
你可以建立一個收息股的組合,目標是5%、6%的股息率的收息股,例如港燈(2638)、深高速(0548)、香港電訊(6823)、置富(0778)、陽光(0435)都可以。
至於平穩增長股,最簡單就是投資盈富(2800),這股佔組合一定比例都無問題。
------------------------------------------------
Q17529:
龔成老師好,我每月月供股票,總額是5000元。其中一隻月供股票是恒生。
另外當價錢回落或手上有現金時,我亦會一手一手去買恒生。現在恒生價錢回落了很多,而我平均買入價很高,17x,我應該繼續月供恒生嗎?
龔成老師:
恆生(0011)是收息股,你可持有長線收息,但就唔好對股價有太大期望,相信短期較難上翻去。
繼續月供與否,要睇你的投資目標與組合比例。
第一,這是收息股,你要分析,不斷將新資金投入收息股,是否合你的投資目標。
第二,組合的比例,如果現時已持有一定的數量,就未必值得不斷加。
第三,你現金情況。這刻大市處合理區,同時留有一定的現金是重要的。
------------------------------------------------
Q17530:
老師你好,小弟今年32, 月入$35k 左右,follow 你嘅page 幾個月,開始睇你嘅作品<<80後百萬富翁>>同video, 明白增加投資智識嘅重要性。感激你嘅無私教導
想請教下,接觸你嘅作品之前無投資概念,所以支出大無咩儲蓄,幾年前有買落d 儲蓄保,唔知應唔應該繼續供
1)saving insurance value $65k (@3.5%) 供完
2)saving plan policy value 現有$100k @3.75% 月供$1950
3)saving plan基金 policy value$ 70k 月供$2400
有2手293@$13.7 唔知應唔應該長揸住先,因為宜家航空業冰河時期
開始學月供股
四月開始0005 $1000
六月會開始2800 $3000
0027 $1000
本應想供0270自己幾鍾意依隻,但係HSBC無得月供,所以有機會儲夠錢先入貨
扣除基本開支應該有$5k 剩低儲起佢
如果宜家有依個組合,3-5年唔知去唔去到一百萬呢?
同埋如果睇完<<80後百萬富翁>>系列之後應該睇邊本先好呢?多謝老師指教
龔成老師:
我地進行理財,要做到攻守兼備,你上述持有的儲蓄產品,不是無價值的,但增長力就不強,是「防守」類別,你只能視為財富分配的其中一部分,如不多,無問題。
但之後就唔好增加太多,應該將資金分配到「進攻」的部分。
國泰(0293)質素一般,你可以等佢上翻D後,賣出這股
至於匯豐(0005)只是收息股,增長力不強,對你這年齡未必是最好的投資。
盈富(2800)、銀娛(0027)可保持月供。粵海(0270)有質素的。
另外,以你的年齡,財富仍有一定的增值力,建議你多增加投資知識,在選股、企業估值、投資時機上落功夫,對你長遠財富有好大影響。
現時大市處合理區,可以一邊月供,一邊留現金每月$5000,而餘下現金的運用,就是等大跌市時出手,如果你能在這段時間學好選股等技巧,到大跌市時就能把握機會,財富增值會更明顯。
你可以睇《股票勝經》。
------------------------------------------------
Q17531:
非常謝謝老師百忙中免費為我解答,我還以為我41歲這年齡財富已沒增長力,原來還可以繼續增長
我已馬上加了你推介的(9988)阿里,(1177)中生製藥,各月供每月每隻$500,再加之前2800 (盈富)
00006 (電能實業)
1810(小米集團),
1398 (工商銀行),
1928 (金沙中國)。
每月共$3500月供,金額會否太少?
而你說工行和電能只是收息股,那我應怎樣處理這兩隻股票為佳?我也想報讀你的股票初班,但時間暫時不合適,只要我工作時間合適我會馬上報讀,太感謝你老師
龔成老師:
4X是中年,雖然不是進取投資,但平穩增長,加少少潛力是可以的,我課堂會更具體講述當中的配置方法。
由於你月供,因此買入價得以平均,就算不少潛力股現價唔平,但只要長期供,以及控制注碼,其實都可以進行,當然,最重要是同時留現金。
$3500可以的,反而這刻唔建議太大金額,如果股價回落先加大注碼,這會更好。
至於收息股,你都可以持有,你這年齡都可以有收息股的,但並不是財富核心,你唔加就得,原有貨持有無問題。
------------------------------------------------
Q17532:
老師,我有5手匯豐,平均價係60蚊買入,e+應該放轉買其他股嗎?
還有就是想月供2800和0027,比例1:1好嗎?
龔成老師:
匯豐(0005)只是收息股,增長力有限,唔好對股價有太大期望,你是否持有,要取決你的投資目標。如果你本身想長遠收息,可守住先,但如果想組合有增長力,就應該轉其他。
你唔好比過往的買入價限制,要睇長遠的組合配置與增長。
至於盈富(2800)、銀娛(0027),兩隻都可長線,比例最好是3:1。
------------------------------------------------
Q17533:
老師我借了110萬在炒股,每月還5000元利息,我入左3萬股003煤氣,11.933,想升0.5就放,想套現,不想欠那麼多,你怎麼看呢?
941入左4000股,56.45入的
0005入左2400股,50.7入
00548入左3萬股,7.803入
00670入左4000股,2.88入
01398入左5萬股,4.934入
01829入左5萬股,4.934入
00762入左36000股,4.296入
09983入左21000股,8.64入
謝謝老師
龔成老師:
借錢投資股票是危險的求事,我唔建議。
另外,唔好太集中在單一股票,就算這股有質素,也不能持有過多。
至於你持有的股,都是著重收息的,如果你投資目標以收息為主,問題不大,不過借貸投資,始終要好小心,你要自己衡量風險。
現時持股,中國東方航空股份(0670)有少少風險、中國機械工程(1829)質素不太好,建業新生活(9983)唔建議持有太多。至於其他,就無乜問題。
------------------------------------------------
Q17534:
老師,我8349入左9萬股,1.1入
03175入左2萬5千股,2.07入
00709入左4萬股,4.165入
老師麻煩你給些意見,謝謝,現在越買越多,不想負債太多
龔成老師:
美固科技控股(8349)無乜投資價值。
F三星原油期(3175)小注好了。唔好持貨太多。
佐丹奴國際(0709)中短期有風險,不過長期不是零質素,但要耐心持有,這類股小注好了。
------------------------------------------------
Q17535:
老師您好,我工作2年 儲蓄40萬
考慮置業 樓價約630萬 借9成,家人可幫補首期
2人 入息80000
想問 儲蓄不多 家人借部分首期 置業會否太急進?
謝謝
龔成老師:
少少急進,但如果你能承受風險,這動作不是不可。
但最重要,就是睇你的「供款能力」,比起樓價上落,你能夠供得起,如果經濟影響了你的工作,是否有足夠的資金供得起,收入影響的可能性不大。
只要你有信心「供得起」,這動作都可以進行。
------------------------------------------------
Q17536:
老師,叧外想問下2號中電,我剛在 $73.05 入過一手(500股)!
我預備入多2注,作長缐投資用!
但我留意了它一段時間,股價波動不算大,如要入第2及第3注,是否也是等跌10% 才入?或5%已可?
龔成都師:
中電(0002)是有質素股,你可以長線。這是收息股,但就唔好對股價有太大期望。
由於這股波幅較少,因此的確可以調整買入的隔距,你可以跌5%買入第二注,至於第三注,就要再注10%,因為最後一注資金要較小心。
------------------------------------------------
Q17537:
龔sir,我持有兩手0014希慎近5個月,個價一直冇升,我應該繼續守還是離場?因疫情影響,係咪中短期都難啲上返30蚊?謝謝!
龔成老師:
投資股票,唔能夠以中短期股價去衡量長期的價值,買股票就是買企業,你要睇「企業」,而不是短期股價。
希慎(0014)有質素,香港情況當然會對佢中短期有影響,但在2、3年後,香港又會回到正常,這股又會上升,因此無野要擔心,因你就要耐心持有。
------------------------------------------------
Q17538:
龔成,有事請教:
中芯國際(0981) 見佢A股上市當天,我仲睇好會繼續上升,但A股就升2倍幾,港股依到就一日跌30%,我諗唔明呀~
係咪因為散戶在港股賺完錢,然後賣完再去A股買,最後見跌3成又返黎港股買先支撐住唔跌破27?
我有個感受:龔成教的係可以令人跌市時蝕得唔多,又可以平穩上升
多謝老師!
龔成老師:
這在過往唔少股票都有發生過,因為中國的投資市場相對封閉,股價往往不受企業價值影響,只受買賣供求影響,而香港是一個開放市場,股價會較為接近價值。
你好難預計資金點樣走,股民點樣炒法,只可以話,香港的市場會較接近企業價值,之前中芯國際(0981),未在香港上市,香港就有大量投資價值,而當這股在大陸上左市,而大陸市場一向較投資的,因此投機類的資金唔再留在香港炒這股,而上翻大陸炒,香港的中芯就回歸合理價(不過仍是唔合理)。
我地最重要是分析企業,同時建立一個平衡組合。
------------------------------------------------
Q17539:
Hello 成哥354中國軟件國際 777網龍呢兩隻值得長線持有嗎 邊一隻會較好?
因為我見網龍好努力喺網上教育上面發展好似前景幾好
龔成老師:
兩隻都不差的,中國軟件國際(0354)穩定性會比網龍(0777)高D。
如果你想要潛力高D,同時能承受風險,就可以考慮網龍,佢本身行業變化較大,新業務會有潛力,但同時為企業帶來較大的不確定性,如果能控制注碼,這股都可考慮。
------------------------------------------------
Q17540:
你好,龔老師。我是一名剛畢業的大學生,月薪大約21000-22000左右。家用方面,每月大約3000-4000左右。
和父母商量後,他們打算讓我月供股票而不直接給現金。
父母年約40中和50中左右,我明白他們在這年紀並不適合太高風險投資,所以打算替他們月供一些平穩增值股作退休之用。
我打算替他們月供0066港鐵和0270粵海投資,請問這適合他們嗎?還是2800 盈富基金比較好一些?
另一方面, 近來都不斷有消息和新聞說那些同股不同權和第二上市的公司會納入恆生指數
這是否會為現時著重金融業的恆生指數帶來一點衝擊或刺激?有機會長遠會令恆生指數有所突破嗎?
此外,恆生科技創新指數,這會否對恆生指數的地位產生一定程度的影響?謝謝.
龔成老師:
以你家人的年齡,最好是平穩增長,以及少少收息股。
你可以以盈富(2800)作為核心,如果有資金就加上其他股如港鐵(0066)。如果資金不多,就集中供盈富。
至於加入不同的股票,這會對恆指長遠的增長力有提升,但同時會增加了恆指的波動性,如果你長期月供,影響唔大,不用擔心。
至於新的恆生科技創新指數,對恆指有少少影響,不過唔算好大,恆指始終有佢的價值。
----------------------------------------------
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。
同時也有2部Youtube影片,追蹤數超過7,240的網紅愛美麗工房 DIY Beauty,也在其Youtube影片中提到,嗚~嗚~嗚~我又咳又鼻敏感又濕疹發作,好慘慘?呀!有啲咩食咗可以快啲好番架?? 營養師Jason老師為大家預備咗健康孖寶,等大家可以開心過聖誕!?仲有超級聖誕優惠等緊你!到21/12/2019架咋!要嘅快啲WhatsApp 91809449 落單啦! ??????????????? 澳洲?橘子...
一 粒 方 糖 有 幾多 克 重 在 Like Magazine HK Facebook 的最佳解答
【食得好健康? #5款健康食品含糖陷阱】
全文:http://bit.ly/2QyD118
食糖多對身體唔好,常識吧!近年潮興飲食健康,無論食飯或買杯飲品盡量 #少糖 或 #走糖。按世衞建議,成人每日糖攝取量最多25克,即大約6茶匙。雖然好多人飲食比以前檢點,但始終一日流流長食嘢何其多,累積計起嚟依然多。衛生署曾在2014至2015年度進行人口健康調查,結果發現年齡15至84歲的香港人,近五成人超重、肥胖及患有高膽固醇血症,近28%患上高血壓,超過8%人患有糖尿病。日常飲食裡好多睇落健康嘅食物飲品其實都含糖量高,唔想減糖行動失敗,喜歡以下幾款食物/飲品嘅你要注意!
1 #乳酪
基本上,乳酪係健康食品,不過為增添可口及吸引消費者,廠商添加糖或經處理嘅水果粒,結果由健康變重糖,部分乳酪含糖量可能比一條朱古力條更多。而且部分聲稱低脂低糖嘅產品,其實所謂嘅「低」不過係同佢之前相同產品嘅配方相比,分分鐘依然高糖含量,無睇清楚就中伏。食乳酪又要健康真低糖,建議避免買加味或低脂,原味乳酪最好。若嫌原味難入口,可以自行加新鮮水果粒或加適量嘅蜜糖、楓蜜等,增添美味。
#燕麥穀麥片(Granola)
齋食乳酪味道太單調,所以有人會加料。好多人都知道粟米片糖份多,以為燕麥穀麥片Granola會健康啲,不過都係錯。原來半杯Granola含糖量可以超過12克,問題又係出於為大家食得可口,廠商會喺燕麥穀麥片加糖。所以燕麥穀物食品,無糖永遠係智選,但都唔等於可以完全避免糖攝取,微量糖少不了。要口感又要健康,建議加果仁碎,最天然。
#運動飲品 及 #果汁
運動後見口渴,有人鍾意食運動飲品,一心諗住瞬速解體渴,點知不知不覺飲多咗糖落肚。市面上嘅運動飲品入口都是甜甜地,因為加咗糖,而且含糖量頗高,1樽幾乎有5茶匙糖。另外,有人以為飲果汁好健康,但事實又令大家失望,雖然某方面係健康,但論含糖量,果汁超晒標。例如橙汁,一杯含約10茶匙糖,比得起一罐汽水。下次做完運動見口渴,始終飲水最好。真係忍唔到口要飲果汁或運動飲品,營養專家建議加入氣泡水(seltzer),減少糖攝取量,並帶來有氣口感。
#沙律
沙律本身係健康食品,如果只有菜蔬,唔加任何調味的話。如果見到寫住低脂,更加唔可取,因為通常減脂便會加糖,保持美味。調味係糖分主要來源,常用嘅意式沙律醫每2湯匙含約2克糖;千島醫更高達6克。食沙律要健康減糖攝取,走醬吧!要加味?可以試下添檸檬汁或橙汁,天然美味。
#茄汁
有外國人飲食習慣乜都加茄汁,而我哋呢?似乎對茄味食品情有獨鍾,可能因為酸酸甜甜好好味。但係你知道嗎,好多餐廳嘅茄乜茄乜食品都係用大量茄汁煮成。茄汁含糖量超高,而且為使加入茄汁嘅食物可口,廚師都習慣加入大量糖平衡茄汁嘅酸味,結果糖本來多,再加多。一湯匙茄汁含有約1茶匙糖,大家諗諗食一個茄乜乜飯,食咗幾多糖落肚。
=====================⠀⠀⠀⠀
Like Magazine HK | 每日送上優質生活Tips
【Like Facebook】http://www.likemagazine.com.hk/
【Follow IG】http://instagr.am/likemagazinehk
一 粒 方 糖 有 幾多 克 重 在 註冊營養師Gloria - Nutri Life Facebook 的精選貼文
一杯飲品可以肥過兩碗飯!🍚🍚
最近台式飲品大熱,不過原來飲黑糖珍珠鮮奶、珍珠奶茶都已經可以肥過兩碗飯,連望落好似好健康嘅水果茶都已經可以肥過一碗飯,當中可有8至13粒方糖添!😱😱😱😱😱😱
根據世衛建議,全日攝取嘅游離糖要少於全日攝取能量嘅5-10%。即係如果你一日食1600卡路里,就要少過8粒方糖,而少過4粒方糖就對健康更好啦!
食得太多糖,可令熱量攝取增加,進而體重增加, 加上唔健康嘅飲食習慣同生活型態, 可能加速皮膚老化、出痘痘、出皺紋添!對糖尿病人士,就更危險啦!可能會加速併發症嘅出現,如糖尿腳、視力衰退、腎病等等添!
同埋飲品中仲有好多糖衣陷阱!例如低糖飲品、無添加糖飲品、牛奶飲品都可以暗藏好多糖!
糖衣陷阱:
1. 低糖飲品– 每100毫升飲品含有少於5克糖,即一粒方糖,就已經可以標榜為低糖飲品。所以當你飲500毫升,分分鐘已經飲咗5粒方糖!
2. 無添加糖飲品 – 果汁含有天然果糖,即使無添加糖,一支300毫升橙汁都已經可以有近5粒方糖!
3. 牛奶飲品 – 牛奶中都有天然乳糖,一杯16安士無糖咖啡中有大約3-4粒糖。牛奶含有豐富鈣質和蛋白質,對骨骼同肌肉健康都好重要。只係記住要等自己血糖已經回落正常,放喺餐與餐之間飲呀!
如果你睇完幅圖,都真係受唔住高糖飲品嘅誘惑,就偶然一次,同人happy share 啦!如果係患有糖尿病嘅朋友,你可以驗一驗血糖,確保身體已經消耗完上一餐嘅醣分,血糖回落正常,先至好飲呢啲高糖飲品啊!之後如果血糖超標,就記住做少少運動去消耗返啦!
大家飲食之前都可以先查一下食物當中有幾多醣質,再決定每次食幾多!其實宜家有好多有用嘅Apps,例如我成日用嘅USDA Food、Food Switch、營運港健康,或者食物安全中心嘅營養資料庫,都睇到食物成份~糖尿病朋友亦可以靠篤手指,或者透過FreeStyle Libre去了解自己葡萄糖值有冇過高或過低!依家FreeStyle Libre掃描檢測儀仲要出埋app,方便到用電話掃一掃,即時俾你喺app度見到葡萄糖讀數;過去8小時嘅葡萄糖升跌,同埋整個葡萄糖變化趨勢添!
「篤手指」同掃描式葡萄糖監測系統兩種方法都好可靠,但想提提大家,兩者所量度嘅「糖值」係唔同㗎,等我喺下面為大家簡單解釋下啦!
「篤手指」血糖測試係從血液中得出葡萄糖值(血液葡萄糖值),而掃描式葡萄糖監測系統係從細胞間隙液中得出葡萄糖值(傳感器葡萄糖值)。由於葡萄糖嘅變化係唔會喺同一時間顯示於血液葡萄糖值同傳感器葡萄糖值,如果你見到糖值差異,係因為有個時間差距喺度。
所以你記住要同自己嘅醫生商量,去決定用咩方法檢測血糖,同埋決定「目標值」。只要了解清楚自己血糖值嘅變化,偶然偷食偷飲少少高糖食物,都唔使太擔心啦!
最後,如果大家想知多啲,可以參考以下嘅網站:https://freestylelibre.com.hk/tc/
#sponsored #diabetes #溫馨提示
#低糖飲品都可以好高糖
#可以用Apps去睇一睇卡路里同糖分
#糖友記住檢測血糖
#我都知我好長氣
#但寫咁多都係希望大家健健康康姐
一 粒 方 糖 有 幾多 克 重 在 愛美麗工房 DIY Beauty Youtube 的最讚貼文
嗚~嗚~嗚~我又咳又鼻敏感又濕疹發作,好慘慘?呀!有啲咩食咗可以快啲好番架??
營養師Jason老師為大家預備咗健康孖寶,等大家可以開心過聖誕!?仲有超級聖誕優惠等緊你!到21/12/2019架咋!要嘅快啲WhatsApp 91809449 落單啦!
???????????????
澳洲?橘子維他命C玫瑰果咀嚼片 Super C Plus (150粒)
天氣乾燥,空氣唔好,就一定要試下
原價: $698
⭐️聖誕優惠價: $550
*增強免疫力: 有助於降低感冒嚴重程度和持續時間
*柑橘類萃取精華: 橙皮苷Hesperidin舒緩喉嚨痛,止咳。
槲皮素 (洋葱素) Quercetin 抗敏收鼻水
*玫瑰果:幫助骨膠原合成,減淡雀斑黑斑
?橘子及玫瑰果萃取精華,用專利冷凍穩定技術,提供診療級的效果
食用方法:
成人每日一至兩粒。感冒症狀每3小時一至兩粒。兩歲以上每日一粒。兩歳以下半粒或1/4粒溶於室溫水服用。
???????????????
純天然葉綠素液態精華
High Strength Chlorophyll 500mL
潔淨 排毒 鹼化身體
原價: $698
⭐️聖誕優惠價: $550
*調節身體達至微鹼性,潔淨腸胃、肝臟、腎臟及血液中的毒素
*舒緩因體內毒素引起的皮膚敏感、暗瘡及濕疹
可幫助身體調節血糖濃度,維持血糖平衡。
源自澳洲充沛陽光及純天然高葉綠素植物萃取精華,每10毫升(ml)含200毫克(mg)葉綠素,相當於進食2磅綠色蔬菜所攝取的葉綠素。
葉綠素?要飲幾多份量?
葉綠素的份量可以因人而異。
要留意下自己嘅臭臭,當臭臭變成綠色嘅時候,就係身體開始排毒。而這個份量就是每日應該攝取的份量。
食用方法:早上空腹服用10-20ml
#愛美麗工房 #愛美麗生活百貨 #橘子 #維他命C #葉綠素 #排毒 #呼吸系統 #增強免疫力 #感冒 #腸胃 #敏感
一 粒 方 糖 有 幾多 克 重 在 飲食男女 Youtube 的最讚貼文
食譜‧桂花炒瑤柱
瑤柱亦即元貝,中國人最喜歡用的乾貨之一,它可以做名貴菜式,亦可以做家常菜。
原粒瑤柱用來送禮,大方得體,最值得推介。但說真的,一般家庭菜很多時也用不到。
最實惠是買日本宗谷中級碎貝,價錢公道,味道香濃,相比那些比五仙硬幣還要小的越南元貝,味道淡薄,用幾多也沒有用。
用碎貝,一樣可以做出請客用的得體菜式,像這道桂花炒瑤柱。
菜名雖名為桂花,但材料裏卻沒有。桂花,其實是形容蛋炒後的形狀,雞蛋經不停炒動至完全散開,像朵朵桂花,很是漂亮。
很多人以為這個餸,只在酒家才吃得到,因為住家爐火不夠,自己也沒有這個炒功。
其實,八成酒家大廚也不懂得怎樣做好這個餸!這道菜要炒得成功,秘訣是流水作業式,要快妙,火力由中火加至猛火。用少許油不停來炒蛋,直至蛋在鑊中跳舞。
還有,蒸瑤柱後趁熱拆絲,或用把重刀將瑤柱「壓」開加入蛋中。想味道好,當然買靚瑤柱及意大利蛋啦!
材料(2人用):
意大利蛋 2隻(約半杯)
瑤柱 25克(去瑤柱底部較硬的「枕」,可留來煲湯;如用預先蒸好瑤柱則需70克)
銀芽 50克
大地魚碎 1茶匙
葱 3條(切度)
薑 1片
油共2湯匙(1/2湯匙炒芽菜,其餘用來炒蛋)
蛋調味料:
鹽 1/6茶匙
生抽 1/2茶匙
糖 少許
生粉水 (2/3茶匙生粉加瑤柱水2茶匙)
油 1茶匙
麻油 1/4茶匙
做法:
瑤柱枕拿走,用足夠清水浸瑤柱過面,浸2小時。
蒸瑤柱45分鐘,撕好或用菜刀「壓」開。留瑤柱水。
蛋加入鹽、生抽、糖,拂好。
加入生粉水及瑤柱絲,一同拂勻,加入油及麻油拂打至混合。
用油1/2湯匙及薑片起鑊,中火炒銀芽,灒酒,炒銀芽至7成熟,鏟出於筲箕內瀝水。
中火燒熱鑊,先用油1湯匙爆香葱度,將拂好的蛋漿放入鑊中,不停用鑊鏟將蛋漿炒動,炒蛋漿至熟。加入油半湯匙,將火調至大火,繼續不停炒至蛋在鑊中跳動。此時放入銀芽,不停炒動半分鐘,取出。拿走薑葱,撒上大地魚碎,需立即上菜。