夜深。塞奶驚魂記
今日不約而同在跟好幾位媽媽討論起越泵越少嘅情況，睇黎係奶媽們幾常遇到嘅挑戰喎🤨
唔知大家夜奶係泵定親餵，檬媽小小經驗之談，
半夜一係就追奶的黃金時間，一係就塞奶的惡夢降臨...
🍋未滿月前，檬媽好傻地諗住做泵媽😂
因為:
1/. 左乳頭喺生完留院果兩日已經吸損，怕痛再加心理陰影不敢埋左邊
2/. 成日覺得🍋食唔飽，泵出黎量落樽知幾多ml先安心
3/. 無啦啦走去學人去儲奶
結果，一個平凡的晚上，第一次塞奶及乳線炎的惡夢降臨了💀
踏正三點，躺在床上，突然被一對石頭奶痛醒。
哦？谷奶呀，咪起身泵囉⋯⋯(天真到呢😅)
痛楚漸漸加劇，集中在乳暈。
都重未識死，夾硬開泵！
！！！！！！呀！！！！！！
痛到失聲流淚，咬牙硬撐
可是一滴奶都出唔到
果種痛令我聯想到當年檬媽外婆痛風症發作，腳踝腫硬過岩石，只要有風吹過皮膚都會痛入心。
泵不出，但點都要出奶嫁...
最後咬住毛巾，忍痛用手擠，擠到鬼叫，連老公都嚇醒埋😭
到手擠通奶陣再開泵排奶😩😩😩😩😩😩
真係諗返起都可怕😱
其實奶媽們和家人需要了解餵哺母乳不單是把bb塞埋乳房開餐咁簡單。
要知道影響奶量的原因有好多，我們需要正確的知識:
- 身體分泌泌乳素有分高低時段，把握高位追奶事半功倍
- 硬件工具的學問，例如點揀識合自己的泵機、喇叭尺寸、點用、幾時用
- 不同的輔助手法，例如按摩、手擠、泵機mode互換去引出奶陣、為自己制做泌奶的鼓勵(喜歡的甜點和孩子的相和片段
- 愛護保養你的胸脯，她們真的勞苦功高💪🏻
- 掙取休息
- 食得正確，切勿麻木狂谷上奶食物
- 持之以恆
當然，最緊要係埋身親餵埋身親餵再埋身親餵🤱🏻
在懷疑自己的奶量時，不仿停一停，諗一諗多方面一籃子嘅因素🤨
更應該放鬆一下心情，同老公去拍下拖(帶埋b都好嫁)、約朋友見下，然後繼續努力經營你獨一無二嘅媽記奶奶工場🤱🏻
祝奶媽們奶源不斷，有興趣和疑慮，不仿多分享，因為你的問題一定也是別人的問題🌈
#打工奶媽 #母乳媽媽 #母乳 #夜深人靜的回憶
#聰明追奶 #圖文不符 #這圖為檬媽真係太倦想攤下床咁大把 #下分鐘已經爬起身 #與幼嬰同床有危險 #幼嬰家居安全 #唔好學呀 #無下次
下分鐘已經爬起身 在 Omg!! 好恐怖!! 瞓瞓下聽到有車alarm聲， 即刻叫Y先生起身睇睇， 他 ... 的推薦與評價
好似有野爆! 再叫他起身睇， 就發現條街有架車著哂火!! 同Y先生間車隔4架車位ja 好得人驚呀!! 即刻打電話報警， 鄰居亦揸走佢架車。。。 好彩消防5分鐘已經到， ... <看更多>