下個月就係5月啦,又到 HK Idaho+ 國際不再恐同日(香港區)
香港同運常識問答:知唔知IDAHO同香港同志遊行嘅誕生有咩關係?
#國際不再恐日 #IDAHO 2005年嘅5月第1次係銅鑼灣舉行
佢嘅誕生係沿自於明光社為首反同志嘅團體收集簽名公開登報
用維護家庭理由大力反對同志
今日都仲有同志唔敢同屋企人或者公司講
當大家用一句「我嘅性傾向駛乜同人交代?」
諗多一諗,你有幾何見過一個異性戀有出櫃有交代但你又會知佢係直喎
可否免於恐懼,唔需要收埋其實都係環境造成
2005年,你哋幾歲?
個陣無網劇,tvb做親同志角色都係變態 ... 連新聞報導專題都無
當時只可以去酒吧、上討論區或者去d同志組織活動先識到朋友
13年前,連撐同志都未必夠膽行出嚟
當年一個活動預嘅只係 100個面具 ... 嚟咗幾百人已經好感動
第1次嘅IDAHO只係由銅鑼灣嘅東角道行去維園再行返去東角道
你睇到當時嘅物資都係print d 白色紙整 !! 呢班人就係咁1年年做
做到2008年搞咗 Hong Kong Pride Parade 香港同志遊行
每1次諗起呢段歷史都會提醒自己
無錯!香港同志遊行同IDAHO 有好多可以改善嘅地方
#坦白mode 當年都同朋友恥笑d嘢咁肉酸咁核突,比公眾睇同志原來係咁
但係好Grand好體面又點呢?你係咪誤會咗?其實依家唔係做show
你再罵佢哋都好,呢個空間呢個平台,你都可以嚟表達,嚟做你想做嘅嘢
覺唔覺得其實你係罵呢個大型同志活動,又會有搞手回應你有d互動交流
呢個或者係佢哋一班籌委嘅可愛地方 .. #好很大量度
到今日都有朋友同我笑緊佢哋d流程呀d安排呀d排版呀 ...
但 #做落你就知 好多嘢就算你知點樣可以做得更好 唔等於即刻有效果
#心急都急唔嚟 #年年難過年年過 #堅持十年本身已經係傳奇
以 #爭取性傾向歧視 為中心理念嘅遊行活動 足足13年由幾百人去到一萬人
可能好似富二代唔會明搵$幾難嘅道理
好感激 Coffee Chan 分享咗好多歷史故事
#怪叔叔 當年就係電視見到Connie先知道世界上有人咁努力搞同志運動
細細個個陣邊有咁多網媒咁多訪問 來來去去都係 Tommy仔同Connie
陸續會將拍攝紀錄片時,無法收錄喺正片嘅刪減片段當彩蛋播
#主要係忙住搞HerFund項目 #真係無咩時間拍新片
對香港同志運動歷史都未夠喉
咁介紹你去睇埋 香港同志運動歷史研究計劃 Hong Kong LGBT Movement History Archive
====
《#同志運動是鐵人賽也是接力賽》
香港|2017|37分鐘|彩色|HD|粵語對白
網上觀看:https://youtu.be/DiGhZdUHyzA
Search