#二寶媽 #地獄坐月生活 #日日唔夠訓吊命咁 #自己坐月自己做
一排無更新呢度,因為地獄坐月生活進行中... 生仔搵完命搏之後,就輪到別人口中嘅非人坐月生活了🤪!#那裡重來的勇氣😝
初生bb 胃仔細,加上呢胎我暫時選擇做泵媽(因為弟弟黃疸太高,所以我泵出嚟睇住份量比佢食,希望佢盡快退黃💪🏻),每晚都上演餵奶、泵奶、掃風、換片... 無限輪迴!晚晚唔夠訓... 只能夠慨嘆 #為母則強🤦🏿♀️!
雖然爸爸出心出力去幫手,不過大家都要啲時間去適應同磨合!希望照顧到bb 嘅同時亦顧及到大哥哥嘅感受(我哋還在努力中💪🏻)!#神隊友的重要性😘!
當然,我除咗要顧及大哥哥、弟弟及屋企鎖事之外,自己產後嘅身體都好重要!每日都有為自己準備湯水及新鮮雞食!所以幾忙都好,都唔好忘記自己🥰!因為 #坐月對女人身子好重要,因為 #媽媽身心健康係對整個家好重要💪🏻!
好啦!廢話完畢,地獄坐月生活已經差唔多過咗一半啦!因為今日弟弟12 朝啦!🥳
#二寶媽真心超忙
#並唔係雙倍忙咁簡單
#但幸福感就一定雙倍起💖
Search