《妹妹》
👿：我外甥女呢？
👩🏻：你終於記得你有個外甥女呢？
👿：我剛剛先隔離完無耐，做乜你星期五唔黎食飯啊？
👩🏻：出黎又要比人問一輪，我唔想煩……
👿：又係你個野蠻奶奶！你又唔係無本事搬出去，點解要受佢氣啊！
👩🏻：哈，咁要問我老公喇，佢比人講兩講就唔敢搬
👿：你仲想唔想離婚啊，二哥撐你喎，最多以後我做佢契爺
👩🏻：你係舅父囉……契咩爺
👿：我知你唔開心，連可以見我你都唔出黎
👩🏻：係，但出黎真係好煩……你唔係唔知我奶奶，我連姐妹都好耐無見，總之我唔係度照顧個女就好似我無資格做阿媽咁，但佢根據唔係緊張個孫女，只係要控制我，仲話想追多個，話我地有能力生就生多個
👿：生佢老味，要生佢自己生啦
👩🏻：😂你講左我心裡面個句
👿：離婚啦，大哥同二哥可以照顧到你同個女！
👩🏻：大哥出錢你出力啊
👿：係，你老公升職未
👩🏻：唔知佢……佢咁與世無爭……見board可能帶堆我奶奶會大機會少少
👿：我真係唔明點解你要嫁比佢
👩🏻：你知最大原因
👿：我知……所以我都離開左香港
👩🏻：二哥，係唔係有乜事你都會咁愛我
👿：你知我最錫係你，我唔會比你有事
👩🏻：如果我老公有一半你咁好就唔駛搞到今日咁
👿：係，所有婆媳關係既罪魁禍首都係個老公
👩🏻：但佢唔明，佢只會勸我忍一時風平浪靜，講真，我今日覺得阿媽都唔係咁差，至少佢會當我係佢個女先
👿：你可以同老公搬返黎舊屋住啊
👩🏻：佢唔會，更何況我奶奶好鍾意用死去威脅我地
👿：我唔信佢真係有勇氣死，成日掛住自殺係口邊既人都係得個講字
👩🏻：不過佢有佢既報應喇，我最近發現我老爺出軌，花生我都買定，到時我會叫佢忍一時風平浪靜
👿：你個衰妹，表面似大哥，裡面似二哥我，尋日你大哥先話你脾氣好，我心諗，你個妹殺人不見血啊，佢真係一直都係咁天真，覺得呢個世界好美好
👩🏻：無辦法，佢行既路又闊又直，無風無浪，比我係佢我都係咁天真
👿：你媽有癌症你知？
👩🏻：知，不過佢大把錢，今日癌症好普通，更何況佢係肺癌姐，做完手術有食藥，好好養生仲有排玩
👿：你信唔信佢會變
👩🏻：唔信，江山易改啊
👿：我都係咁諗，講真個日既和頭酒我唔想去，不過呢……我有個好消息話你知，你二哥我拍拖喇！
👩🏻：男定女？
👿：女啊……
👩🏻：無，問定先，你知啦，有遺傳嘛
👿：遺你個頭，我女朋友係岑雪兒
👩🏻：……大哥知道左未？
👿：尋日講左佢知
👩🏻：哦，我想問，係我識個個岑雪兒啊？
👿：係，唔係同名
👩🏻：我有個問題，你憑乜呢？
👿：才華
👩🏻：咁你一定唔係憑外貌既我都知，佢星期五都會去？
👿：係啊，想見佢你就出黎啦
👩🏻：我盡力試下，我都好鍾意佢
👿：你又有遺傳啊？
👩🏻：係，我有外有內，要贏你有幾難，咁我就可以名正言順離婚喇
👿：Challenge Accepted
👩🏻：我星期五會到
👿：Good
👩🏻：我真係好期待呢……好耐無出過街喇……
👿：帶唔帶埋玥玥
👩🏻：唔啦，我要睇戲，無時間照顧大小姐
👿：車……好啦，你有乜就同我講喇，唔好擺係心入面，你好易有情緒病
👩🏻：得喇，知道喇！
#長傾不見 #好久不見 #蔣薇
你出力 在 你出力我送達-自助搬家 - Facebook 的推薦與評價
疫情期間,目前服務範圍在台南市與高雄市,只提供運送服務,減少人與人接觸與保持社交距離呦,防疫期間共體時難,敬請見諒. 2. Like. Comment. 0 comments. 你出力我送達- ... ... <看更多>