#餐蛋飯
無錯，呢個死八婆真係玩到無野好玩，今日同大家分享餐蛋飯的食譜！
好吧好吧，叫餐蛋飯有點寒酸是吧？咁叫返「日式醬油漬蛋黃配脆煎低脂午餐肉拼XO醬瑤柱蛋白鮑汁荷葉炒飯」，又會不會架勢少少？😜
其實呢個食譜係好簡單，首先，你要買到英國印有獅子標的雞蛋（英國超市絕大部分蛋也有這個印），那是可以生食的哦！然而把蛋黃浸在日式醬油裡，由於我屋企咁岩用晒日式豉油，結果我係用7:3老抽、生抽，再加糖、白酒和木魚粉2G去扮日式醬油。當然，是很難扮得一模一樣，所以把心一橫拍兩片蒜頭落去，咁你就食唔出架啦😂😂😂
然後和蛋白分別擺入雪櫃冷藏8小時就食得。
臨食飯前一小時就要準備炒飯，好簡單，薑蓉落鑊爆香，落蔬菜粒和浸完撕成條的瑤柱絲和蝦米快炒，再轉中火落隔夜飯再炒，目標要粒粒米都吸到油香，炒出來才不會太乾。然後落XO醬炒完就再落蛋白繼續炒，最後落鮑汁炒到乾身就是。至於落唔落鹽大家自己判斷，XO醬和鮑汁的味已經挺濃了...
之後拎大荷菜兩片包起佢就放入爐中火蒸起碼40分鐘，還炒飯吸收荷香。
臨上菜前先煎午餐肉，我建議唔好切厚身，切薄一點煎起來才會脆口（還可以打釜頭留返啲下一餐）煎嘅時候可以落多少少油，點解？因為煎完後的豬油趁熱淋落切好的薑蓉和蔥花就會變豬油薑油，配豉油真係畫龍點睛！！！
然後擺盤上菜，拎返浸蛋黃的蒜香豉油淋落去— 「日式醬油漬蛋黃配脆煎低脂午餐肉拼XO醬瑤柱蛋白鮑汁荷葉炒飯」完成！
我想講嘅係，一字記之曰：心！
只要有心，人人都可以做食神。呢度菜難唔難煮？唔難，但準備的時間和工序都幾多，尤其是荷葉，我浸左佢半日都仲係又乾又硬，後尾睇其他blogger啲文先知原來要用熱水浸，一浸就軟，我真係滿臉黑線... anyway，我想講嘅係，我好高興有一個男人，值得我去為佢忙兩個鐘，去整一碗餐蛋飯。
呃... 好吧，我說謊了，其實唔係一碗，真相係我食左三碗、佢食左兩碗，呢個蛋黃超級送飯，根本停唔到口架...🙈🙈🙈
#超咪又係餐蛋飯
#認真地把小事做好才是正經
#你咁叻又試下研發另一款餐蛋飯過我睇睇
#認真做的住家菜都可以好屈機架
#其實認真做任何野都會好屈機
#煮飯如是工作如是感情亦如是
#愛你猶如全力做菜
#從預備到揭開
#花心血時間因我帶著愛
#不可不愛
#飲飲食食最開心
#Bitches_got_talent
#必廚好煮意
