尋晚臨瞓，攞支精油出嚟搽嘅時候，至醒起我上個星期由上環行到堅尼地城，其實第一站係蘇杭街呢一間精油店。
其實我之前唔識佢㗎，我路過㗎咋，不過喺門口見到咁多精油，又見到有好多人喺度買，再搵吓我平時用開嗰啲，嘩，價錢只係一半，當然我唔肯定啲成份係點啦，但係以有便宜係要貪嘅我嘅性格來講，一定轉入去睇吓啦。
真係平喎。平日好常見嘅精油，包括我最鍾意用嘅尤加利葉、柚子、薄荷等等都比外邊嘅平好多。於是我又貪得意買啲嚟玩吓。初頭係唔想買嘅，因為見到成間舖頭都係阿叔，佢哋似係啲化工廠嘅工人，多個係賣精油嘅舖頭。不過有陣時如果淨係睇外表，就輸晒啦！
無可否認，一定係老字號，除咗個牌匾之外，就係佢嗰台仲用緊嘅收銀機，應該有六70年歷史！
咦，收下風先，你知唔知呢間野咩料？
#何嘉麗callmegaga #何嘉麗 #出街玩
#兆成行 #香薰油 #蘇杭街
#由上環行到堅尼地城
#出一日街講足一個禮拜有突
兆成行香薰油好唔好 在 兆成行 的推薦與評價
專營香薰油、基底油，按摩油及化妝品原料多年，直接從法國、澳州、英國及日本等地方進口，以優惠價格直銷於用家手中。尚有經營其他項目: 包括香油色粉、染料、大小包裝防潮 ... ... <看更多>