【原來有技巧！#雪櫃保鮮食物點擺位？】
全文：http://bit.ly/2DLi2R4
每個家庭家中都有個 #雪櫃，好多人視雪櫃為保鮮神器，任何食物需要保鮮的話，都會毫無疑慮地放入雪櫃。雪櫃提供低溫保存，的確有效減緩食品腐化、變壞，但唔等於永遠防腐；若果雪櫃塞得太滿或者錯誤擺放食物，食物一樣會變壞。以下係利用雪櫃保鮮食物嘅重點，你都有做齊嗎？
1 唔好塞爆雪櫃
行超市見到雪藏食品、凍肉、雪糕等做緊大減價，抵受唔住誘惑瘋買，結果打爆屋企個雪櫃。當你為自己彪炳戰績沾沾自喜時，你知道雪櫃太滿，內裡沒有足夠空間讓冷氣循環，會造成冷卻效果下降，導致食物腐壞嗎？採購食物咪貪平貪方便，一次買太多，應該食幾多買幾多，就算預留存貨，少量即可，千祈唔好過量，否則整壞雪櫃事少，食物壞咗食落肚而病咗，自己惹麻煩
2 睇實食用日期
新鮮食物如肉食或蔬菜，如果壞咗，憑外觀、氣味等都知道。但預先包裝食品呢？包到密密實實，睇唔到聞唔到，唯有靠睇日期。市售嘅預先食物包裝上都列有「食用限期」，意指喺指定日期內食用一定安全。不過大家要分清楚「此日期前最佳」和「此日期或之前食用」，兩者係唔同架！前者關乎食物質素，即係話喺呢個日期前，食物如貯存適當，可以保存食物品質，就算過咗期，食用仍可接受。後者關呼食用安，過咗期，就算外觀和味道好似正常，但可能存有有害微生物或引致食物中毒嘅微生物產生嘅毒素，食咗有機會對健康構成風險。過期食品要及時清走，唔好留喺雪櫃，否則細菌毒素隨著冷風循環可能沾污其他食品。
3 生熟食物分開放
採購食物後，記住要喺兩小時內將熟食及易腐壞嘅食物放入雪櫃。雪櫃冷凍格應該維持在攝氏4度或以下，冷藏格要保持喺攝氏零下18度或以下。即食或經煮熟嘅食物放喺上層，因為冷空氣向下降，上層溫度比下層略高，放熟食物無咁易滋生細菌；生嘅肉類、家禽及海產放喺下層。避免生嘅食物汁液滴喺即食或經煮熟嘅食物上，造成交叉感染。如雪櫃設有生果箱或蔬菜箱，將生果和蔬菜放進去較穩妥。蔬菜用保鮮袋盛載好先放雪櫃，保鮮效果更好。貯存食物最好用有蓋嘅容器。
4 雪櫃門放不易壞食物
雪櫃門設有層架，主要用作擺放無咁易變壞嘅食物，例如 #芝士、#蛋、#乳酪、#汁醬 等。
5 #茶葉 #檸檬除異味
雪櫃放食物，清潔好重要。除咗定期使用市面有售嘅雪櫃清潔劑清潔抹擦外，追求天然嘅可以用醋加水以1:1的比例調成醋水，然後用抹布蘸上醋水，用以清潔雪櫃內部配件和內壁，最後用濕布擦乾淨，便可殺菌。雪櫃係一個密閉空間，用耐咗或者放太多唔同食物，可能會有陣味。喺雪櫃放入檸檬切片，辟去異味。另外，用完嘅茶葉用紗巾或網袋裝好，然後放入雪櫃，都可除去異味。若發現雪櫃膠邊出霉毒，可以試試用牙膏抹喺發霉位置待幾分鐘，然後用牙刷沾水擦走霉菌，然後用清水洗一洗，再用毛巾抹乾淨便可。
=====================⠀⠀⠀⠀
立即讚好 Like Magazine HK | 每日送上優質生活Tips
【Follow IG】http://instagr.am/likemagazinehk
免水洗冷氣清潔劑好用嗎 在 Re: [情報] 蝦皮興家安速冷氣清潔劑99元- 看板Lifeismoney 的推薦與評價
剛剛看到一罐99元，不過好像只有無香味的才有
之前拿來噴租屋的老舊窗型冷氣
原本不看好能洗乾淨，沒想到居然意外變涼
三種味道都用過，花香的味道有點可怕到無法接受...
有需要的人可以趁這一波
不知道是怎樣，價格居然越來越低...
--
※ 發信站: 批踢踢實業坊(ptt.cc), 來自: 118.161.71.149
※ 文章網址: https://www.ptt.cc/bbs/Lifeismoney/M.1529644163.A.B09.html
※ 編輯: balasa (118.161.71.149), 06/22/2018 13:11:31
... <看更多>