【 暖男爸爸／劉江角色身份曝光 】
即Like游大東IG👉🏻👉🏻instagram.com/yautaitung
由戚家基（Peter）、何劍雄、譚靜顏聯合監製；戚家基自編自導（另外兩位導演是羅俊偉、梁崇勳）的ViuTV新劇《暖男爸爸》，將會緊接《熟女強人》於10月26日晚上九點半首播。關於劇情和角色人物設定的資訊，近日陸續公開，包括早前於網上舉行「FILMART Online」裏驚喜曝光、與「暴龍哥」鄭中基有對手戲的「劉老師」劉江（https://bit.ly/2SDoAbz），到底他在劇中的身份是誰？
據Peter透露「劉老師」飾演的「波哥」去到故事中段才會出現，角色戲份不算多，但他的存在相當關鍵，因為直接影響主角林世榮（又稱阿榮，即鄭中基）的人生與性格建構 ── 愛玩愛蒲、拒絕長大，對「家」沒有概念 ── 他是阿榮的爸爸。Peter解釋：「波哥呢個人有一套理論，女人開始黐身就要走得快，同埋好似皇帝咁，唔留種。」所以波哥根本不知道有阿榮的存在，後來其母跟了另一個男人，惟不久後她遭受家暴，阿榮決心離家出走，直到自己人到中年，阿榮終於與生父相遇，可惜波哥已經患有腦退化症，「波哥以為阿榮係佢放喺元朗隻馬，而阿榮就同佢傾偈，探聽波哥到底仲記唔記得以前佢同阿媽嘅事。」
在早前公開的兩分半鐘預告（https://bit.ly/2FwW4pf），其中一幕，波哥兜口兜面向阿榮說：「做人同跑馬一樣，所有嘢都要睇血統，睇命水，啲仆街DNA生個仔梗係仆街㗎啦！」讀者可別誤會，這可不是隨隨便便出現、為爆粗而爆粗的一句對白，「萬事皆有因」乃《暖男爸爸》其中一個重要設定，Peter直言：「每個人嘅存在，都係由各種過去嘅經歷堆積而成。」所以劇中每個角色都有一份厚厚的檔案，用來支撐性格特質，左右劇情發展，他們說的每句話都是呼應自身，名副其實「咩人講咩嘢」，阿榮與波哥重遇後，發現當年老竇確實是個仆街，勾起他一直壓抑的情緒，為之後的故事脈絡鋪墊，是故上述「仆街」兩個字已解釋了很多事情。
正因如此，我好奇，找劉老師飾演波哥是否也有段古？Peter承認，因為他覺得劉老師的外貌有種不怒而威的霸氣，加上輪廓又跟鄭中基有點相似，所以為他度身訂造波哥這個角色，而「波哥」其實是呼應麗的電視首播的劇集《人在江湖》（1980）宋波一角。「今次係講佢個角色以前係江湖人士，咁我記得佢《人在江湖》係做跛豪（影射吳錫豪），角色叫宋波，同佢講起都記得，第一次劉江嚟聽故事，我同佢講：『唔使㗎喇，你就做波哥，記唔記得？』佢話：『梗係記得！』我就話：『Exactly要呢樣嘢，不過係老咗嘅！』所以Peter認為今次設定，是延續40年前波哥的角色生命，《人在江湖》是「前傳」，《暖男爸爸》是「續集」，劉江對於這此相當高興，「難得有人記得，佢咪好Happy囉！」
【 延伸閱讀 】
＊張可頤參演《暖男爸爸》：https://bit.ly/2VH6uYN
＊金像獎最佳新人獎得主Crisel Consunji再拍劇：https://bit.ly/3lZ4JkD
（16102020）
Ronald Cheng 鄭中基 張可頤 Maggie Hoyee Cheung Running Team 機動娛樂 強尼 Hailey Chan
#游大東 #游大東影視筆記 #暖男爸爸 #鄭中基 #劉江 #港劇 #VIUTV #戚家基 #暴龍哥 #麗的 #人在江湖 做乜膠睇電視 快樂的 港女講劇 章尾而 jamie 文凱玲 Connie Man
