https://www.patreon.com/posts/612ji-jin-yu-yu-46575815
而家我每日上網嘅最大樂趣，就係睇班黃屍氣急敗壞嘅衰樣。
話說我之前提出612基金點解愈籌愈少嘅原因，估唔到因為岳義士轉貼咗，搞到有班黃屍走黎挑機
其實我一早已表明自己唔認同612基金嘅運作理念，但顧念佢真係幫倒過我認識嘅前線勇武，所以先唔落井下石，然後我就好客觀提出兩大現象：
1. 612基金愈籌愈少，由籌足一億變到缺水千五萬
2. 有班講到自己點同情抗爭者，係撚咁Sell矯情嘅黃標KOL例如燒山、劉國父、沈國師、XXXX響過去一年點樣盤滿缽滿，計計埋埋差唔多成億
唯一嘅合理解釋就只有：有班黃屍以前捐開果一億，而家比黃標KOL同抹黑敗登果堆囚新聞、垃場CAP哂，所有黃屍如果仲撐612，真係要撫心自問原本應該捐比612啲錢點解會去哂第度
咁有正常思考嘅黃絲黎講，面對我呢個Challenge，係有兩種回應方法：
一係呼籲所有黃絲同心合理齊齊捐錢比612，等612儲備回復合理水平剝我棚牙；
一係提出反論，話比人聽612基金籌少咗係同黃標KOL無關，例如課金比黃標KOL班人根本從來唔係黃屍，黃屍只係愈來愈孤寒唔肯捐錢而已。講得通的話，自然亦無人信我。
但黃屍永遠係唔會接受任何人對佢地嘅批判，永遠唔會反省，會嘅只有兩種反應：第一種係拒絕承應現實。首先有人懷疑而家班黃標KOL係咪真係搵咁多──最簡單嘅參考就係，響燒山、城寨、沈旭暉諗Hide起佢地嘅Patreon數量之前，分別係有26000、16000同6000個黃屍Join咗，以每個平均15蚊美金計，呢度經已係每個月72萬美金，五六百萬港紙。
然後仲未計佢地收埋條數之後增長條數、仲未計其他執佢地口水尾嘅二三線KOL例如XXXX之流條數（我可以講，月入過五萬，以黃屍作為主要市場嘅黃標KOL，係數以十計）、仲未計黃標KOL仲開埋網店賣呢樣果樣嘅利潤、仲未計囚新聞、垃場、D100果堆黃霉課金，黃屍一年進貢一億比班黃標KOL換取精神鴉片，其實已係講少咗。
黃屍如果仲唔信嘅，直接走去同班黃標KOL對質，問下佢地而家每個月Patreon條數係點，我可以肯定班友每一個敢公開你睇──當612基金幾近乾塘，而呢班黃標KOL卻不停講到自己點撚樣救手足、救香港，然後大部份仲要走哂佬賣甩哂你班傻尻黃屍，響外國食住人血饅頭風流快活，真係傻嘅都應該睇倒問題響邊。
至於第二種就係老羞成怒，反唇相稽。除咗例牌嘅黃屍腦殘口頭蟬「咁你又做咗啲乜」之外，就係反問「陳雲開Patreon你唔走去批鬥？」
呢個就真係好笑。首先陳雲明明都唔撚係你同路人，乜陳雲唔係比你班黃屍日批鬥夜批鬥啦咩，到出事就問點解唔捐錢比你？傻撚左？你話熱狗個國泰民安日日呻窮，你走去質疑啲錢去哂陳雲個課金度都話合理d丫，而家你班黃屍孤寒度縮唔撚捐比612，關陳雲尻事咩！你612仆街，人地熱狗雲粉唔踩撚多兩腳，我反而覺得出奇添呀！
至於我本身就唔認同612基金嘅做法，點會走去呼籲人捐錢？相比起其他一向唔妥飯民果班激進本土嘅落井下石，我已清楚表明自己肯定612有幫過人，亦理解點解612近期成日都出現Claim錢困難嘅情況。
612比黃標KOL吸走哂啲捐款，呢個只係客觀事實，我只係作為一個評論員分析比你班黃屍聽，至於你地重新醒覺，將課金用番響正確用途、走去質詢話撐抗爭果班黃標KOL點解中飽私囊又好，或者繼續沈淪丟錢落咸水海比黃標KOL換精神鴉片，等612慢慢枯萎，基於我對612毫無感情，亦唔會特別悲傷或憤怒。
可笑嘅卻係，成班黃屍一聽我道出殘酷事實，就好似比我踢中腎囊咁發哂癲，對我瘋狂謾罵，以為鬧撚完我所有問題都會解決，世界光明就會重臨──正正係呢種自欺欺人，黃屍由佔中去到初選，幾乎每次失敗都係衰響自己天真、愚昧、拒絕反省上面，掩耳盜鈴呢四個字，最適合寫響飯民抗爭嘅墓誌銘上面。
反唇相稽 在 反脣相稽- 教育百科 的相關結果
受到指責不服氣，反過來對對方加以計較、譏斥。 使用類別 用在「譏諷反駁」的表述上。 例句. 這兩個人是死對頭， ... ... <看更多>