《百寶袋裏後悔藥》（下）
上篇出街後，收到好多迴響。不少讀者私下都講咗好多後悔的故事，亦替我沒有留在澳洲感到難過（苦笑）。但假如冇返香港又點會開始依個page，認識到各位呢？
其實我分享自己嘅後悔經歷，不是要自虐沉溺過去，反而係提醒自己，提醒自己不要再犯同一錯誤，提醒自己下次要做個更好的決定。
世上沒有一份完美嘅工作，時間也不是無限，所以衍生了獵頭公司依一個行業。我嘅職責就係要係客戶嘅要求同求職者利益之間取得平衡，從而達到雙方「完美」matching。未來都希望打造自己公司FILLTURE成為一個以人為本嘅獵頭公司，由心出發。
像極了愛情。
————————————————
說起愛情，我諗返起澳洲嘅一段經歷。
人在異鄉往往容易寂寞，一寂寞就會出事。
好多人話，去外國讀書之後英文一定嘞嘞聲，其實未必。
大部份時間我哋都會群番同一班人 — 香港人。
試問你英文又點會進步？
群埋香港人堆彷彿有無上安全感帶到比自己。
2008年某一夜，MSN傳來訊息。
「喂，各位弟兄姊妹，今晚落SEVEN，大家出唔出？」
「正，等我。」出事了。
去到酒吧就發現一堆人默不作聲，各自拎住杯酒四圍望。睇嚟即使去到外國，香港人仍然放不下戒心，對住陌生人都係唔識得溝通。
我慢慢行過去，不幸地，Uee身邊有個位置。
「咦，你飲緊咩呀，粉紅色嘅？」
「Rose，你請我飲多杯？」
一個差劣既對話開頭帶來無窮惡夢。
Uee係一個富二代，佢同我講佢個名係代表一隻寶石，同佢個名一樣，對我來講都係一個名牌子。
應該係話都中意名牌。
食飯唔食快餐店，出入各大商埸，連支鉛筆都要名牌子。
你可能會話，人地有錢駛乜管人點用。
係呀，不過久保我冇。
唔夠兩星期，我哋就分開咗。
而依段既經歷亦令我有一段時間患上異性恐懼症，連識都唔想識其他女性朋友。
回憶到依度，望住檯上面同依家未婚妻嘅合照。
我會心微笑了一下。
佢明白我、支持我，係一個願意同我食茶餐廳既女朋友。
男同女，異地同香港一樣，最重要的都係果份安全感。
各位都有一個既定印象，港資公司一定縮骨、壓榨員工；外資一定福利好，人工高。
其實港資一樣有好老闆，而外資一樣可以好仆街。
如果你哋因為依個印象或者過去經歷而對港資卻步，好多大好機會就會錯失。
電話突然彈起一個訊息：久保，你以前阿頭Alex辭咗職開自己公司了。
————————————————
「做乜禁傻？」我對住手機螢幕輕輕嘆息。
Alex，依個時勢係香港開公司，放棄接近十萬月薪，做乜禁傻？
其實，我係同自己講。
自從走出嚟開自己公司便明白過往輕輕鬆鬆跑數就賺到錢係幾幸福。出咗嚟，大至搵生意，租office地方，細至order A4紙都要靠自己。
過程中都有後悔到，如果仲係舊公司，Alex個位仲唔係我嘅？日日返去話下啲細，生意又公司派落手，幾爽，仲乜自己要咁辛苦？
自怨自艾下眼角望向office的一堆待寄新書，我就知道，一切都係值得。
如果仲係舊公司，我冇咁多時間寫書分享心得。
如果仲係舊公司，我冇得擇幫邊個僱主請人，藍紅都要硬食。
如果仲係舊公司，我冇可能上到電台，上網打句嘢都唔得。
如果⋯⋯
一切嘅決定都係為咗成就更好的久保。
————————————————
我們沒有叮噹給的後悔藥。
除了以上分享的三個後悔經歷，久保同你哋一樣只係被生活不斷打敗嘅大雄。
而重要的，老掉牙的是我們仍舊可以站起來。
輸得起比贏更重要。
最後分享一個十分喜歡的作者，李唐。
佢係新書巜月球房地產推銷員》寫了一篇序。
原文是『文學（悔疚）教給了我看待生活的方式，也讓我得以時刻修正自己，逐漸接近一個「理想的自己」。這樣說來，文學（悔疚）不是某種目的，而是一條「道路」，通往無限開闊的遠方。而走在這條路上，就已經是它全部的意義。』
願各位日後不用再後悔，走在各自喜歡的道路上。
#全職獵人久保
員工 福利 英文 會話 在 談加薪、談福利該怎麼用英文開口？ - 戴爾美語 - Facebook 的推薦與評價
... <看更多>