尋日拍嘢，坐的士去
響app寫咗青山公路xxx號
終於有司機接，但原來佢唔識路
一上車問係咪去屯門
我問完製片，話返佢知只係葵涌果頭
佢就開始好唔開心，怨氣沖天
話咩個app佢每次要充值成舊水
一支旗扣6蚊，如果唔係入屯門
打埋折真係白做🤦🏽🤦🏽🤦🏽
我見佢咁陰公，嘗試傾吓偈安慰佢
可能因為我已經唔係後生仔🙃😌
所以佢繼續發放怨氣🤯🤯🤯
我已經對佢兜路當睇唔到
（算啦畀佢賺返多少少）
最後仲畀多啲貼士佢🙇🏻🙇🏻🙇🏻
可惜，佢都仲係好晦氣，好唔忿氣
我好清楚佢心裡面，仍然惦記住佢嘅屯門
但從呢件小事，個天又藉住同佢相遇
令我學到啲嘢🙇🏻🙇🏻🙇🏻🌈🌈🌈👏👏👏
師傅一開始get錯以為入屯門
係佢做錯咗期望管理📈📉📈
哪怕得知事實只係去葵涌
亦都從來冇人要去咩屯門
佢始終堅持自己係應該要得到一支
入屯門嘅旗，賺盡賺夠📈📈📈
其實我哋好多人都不自覺
做咗呢位放唔低屯門果支不存在嘅旗嘅司機
就算明知事實唔係我哋當初諗到咁理想
都堅持自己嘅錯誤期望先係啱嘅🤦🏽🤯🤦🏽
哪怕佢後嚟兜路以至乘客畀多咗貼士佢
其實相比原本普通就咁去葵涌所賺仲要多
但佢都唔滿意，佢都唔忿氣，唔開心🙃
覺得自己唔好彩，覺得個天玩佢🤦🏽🤦🏽🤦🏽
但其實個天已經畀多咗你，只係你feel唔到
甚至唔識轉念，諗唔通🤯🤯🤯
冇去感恩珍惜自己擁有甚至bonus咗嘅部分
繼續埋怨，繼續放負🤦🏽🤦🏽🤦🏽
最後趕走所有好運🥲🥲🥲
問心，下次再遇著呢位師傅
我連貼士都唔會再畀🤨🤨🤨
因為佢根本唔appreciate你對佢嘅補償😇
冇人想熱臉貼冷屁股
冇人覺得自己會係呢位師傅
但點解我哋對人生對感情對際遇對工作
都成日不自覺有住各種錯誤嘅期望管理
覺得自己應該要擁有幾多，要幾成功
點解佢有我冇，點解我明明值得入屯門
我都一心諗住入到屯門
但最後我只係可以去到葵涌？點解？（回音）
每個人心入面都有支不存在嘅屯門旗
每個人都覺得自己呢世應該點點點
我唔知點解🧐🧐🧐
我剩係知道，認清事實，謙卑感恩
唔好因為錯誤嘅期望
而錯過人生更加值得感恩滿足嘅風景🌈🌈🌈
冇嘢係老奉
個天畀多你，你仲嫌唔夠
好快佢就連葵涌都冇得你去🤡🤡🤡
#唔好問我白駝山響邊 #過咗呢座山就有另一座山 #每個人心裡面都有條青山公路 #青山公路長又長 #入到屯門冚家祥 #期望管理 #知足 #羊腩煲 #禪 #禪意寫作 #療癒系 #靈性成長 #王貽興 #MyZenMoment #selfgrowth #mindfulness #innerpeace #zen #writing
