Search
《 我主動的一天 》
我姓鄭，個名叫月蝶，由於好鍾意著間條衫，街坊都叫我做間蝶。
我本身住喺蘭開夏道，同Daisy係街坊，今日約咗大波娃佢哋打牌，食完晏搭的士過海，去灣仔修頓嗰頭佢屋企，直落打24圈。
仆佢個街，未到夜晚十點櫃桶籌碼已經冇曬，我即刻學《嚦咕嚦咕新年財》嗰個梁詠琪咁反枱...
我唔係輸錢，只不過主動將銀包啲錢掉落地下畀佢哋買藥。
大波娃佢哋話我臭牌品，以後唔同我打牌，我嗤之以鼻，根本我唔嚮往同佢哋打牌。
落到譚臣道諗住截的士，第一架冚旗、第二第三第四架都冚旗，仆街，我主動唔搭！
最後唯有主動搭地鐵返九龍塘，叫隔離嗰個阿婆教咗我成廿分鐘，我先識得點入閘。
番到屋企，十一點半，老公仲著住燈睇書未瞓，我咋咋臨走去沖涼，諗住沖完涼同老公執番一劑，鬆弛下成日怨氣。
點不知沖完涼出嚟，波仔已經熄曬燈大被冚過頭，我唯有主動唔搞嘢。
又激氣又肚餓印傭姐姐又放假，我主動走去廚房淥個公仔麵醫肚....
主啊！
其實「主動」，係咪等於祢郁我？
【西班牙籍奶奶梁詠琪 豬年開枱「誅」新抱！】
年三十喇！食完團年飯同湯圓，循例都要煲番三五七次嚦咕嚦咕新年財，準備年初一二三，同各大煩膠親戚同長老，游番十六圈乾水啦！Are you ready？
未 ready 唔緊要，召喚西班牙籍老婆 梁詠琪 Gigi Leung Wing Kei，開番個嚦咕嚦咕新抱班。大家都知當年佢比奶奶誅到反枱，而家 Gigi 由當年新抱仔，化身做西班牙籍奶奶，緊係要開枱誅番你班未來新抱啦！
班妹豬同未來奶奶打牌一定緊張啲，個個游乾水游到塊面乾過西班牙風乾火腿，紋鬆殘乾乜都現晒形，唔洗 Gigi 鬆章，佢地塊面已經夠晒鬆！Gigi 出名 keep 得好，係佢面前真係會無地自容！如我太糟而你太好，難怪搶槓食六萬都有難度… 唯有聽 Gigi 話，去搵 CLINICZ年輕醫學美容 幫手投資年輕，搵番青春啦！
#CLINICZ #水原共生 #投資年輕 #一直年輕 #特約分享
#梁詠琪 #女神 #西班牙奶奶 #唔知sergio識唔識打牌呢
#片尾有彩蛋呀喂 #又難佢唔到喎
#祝各位街坊豬年快樂 #嚟緊幾日贏多啲呀吓
#正式收爐 #恭喜恭喜
