嗰久唔久都會同大家分享吓我喺工作上或者管理上遇到的困難同埋犯錯，今次係關於素豬肉OmniPork.
唔知大家有冇食過近年全球大流行的素食肉（plant-base meat), 牛肉最出名當然係 Beyond Meat和Impossible Burger, 豬肉呢就係我哋香港人有份研發嘅Omnipork. 我哋喺牛角溫野菜和平飯店都有使用相關產品, 雖然食嘅客人唔算好多，但係我哋都希望參與其中。 選擇食呢種產品嘅客人多數係素食者（亦有試食者）。
入正題，相關產品我哋推出左超過一年了，早幾日突然間收到一個投訴，簡單來講客人話在和平飯店指住個餐牌嚟叫咗幾款Omnipork產品，上枱之後客人都好醒目知道正常來講喺產品上邊應該會有支旗仔寫住 「Omnipork」但係見唔到，所以都婉轉有禮貌地問我啲同事「唔係應該有支旗仔咩」，同事係新人職級唔高又係嗰種多一事不如少一事嘅心態隨口就答「冇個喎」。 客人唯有信你講啦唔通打交咩，小心翼翼食入口PK了（呢句係我加客人應該唔會）真係豬肉嚟嘅。 咁當然係唔會食啦客人係素食者嚟㗎嘛，再搵經理投訴，但係經理都處理得唔好，可能驚得滯言談間仲沖口而出講咗句：「呢啲產品而家冇做㗎啦」。 下刪300字，最後呢個投訴去到我面前。
我對管理層講，呢個個案我認為相對嚴重。 1）如果同事真係話餐牌上邊呢啲item冇賣啦，唔會整到俾你㗎啦, 咁樣講係涉非常不專業甚至有欺騙 2) 對於呢啲素食餸菜要極之專業處理，因為客人可能係健康理由，可能係宗教理由, 完全有可能客人係唔食得豬肉因為咁食物敏感甚至死亡, 又或者宗教上被嚴重侮辱例如伊斯蘭信徒。 必須要嚴肅跟進。
人誰無過，錯唔係問題，最緊要知錯。 後來管理層向我報告返：
/改善方案
1）對於同事回應人客輕視及不負責態度已對該同事作出警告信及重點教導同事，同事亦明白到事件的嚴重性，會就事件作出自我檢討，認真學習改善。
2）樓面員工（包括侍應及傳菜）必須考核餐牌上產品新豬肉菜式，分區經理今天1600-17:00落埸時間會培訓樓面員工（包括侍應及傳菜），在培訓過程中會加入客人對宗教信仰禁忌之食物，食物敏感的後果，會加入新聞報道資料，加強同事記憶，如出錯誤食後果嚴重性，客人會過敏反應、窒息、休克、嚴重會死亡，公司及同事有機會付法律責任，會使員工明白事件嚴重性，此外講解回教信徒、穆斯林、伊斯蘭教信仰，如客人誤吃食品後果，這是對客人民族信仰和人格的極大侮辱，客人對此行為懺悔，誦經等，但亦難彌補過錯，所以員工落單要謹慎，對於新豬肉的產品，我們要認真，嚴肅處理，不能出錯。除此之外，亦會加強素食產品介紹，提升產品知識。
加強新豬肉產品識別，會在上菜紙加註新豬肉產品（以紅色碟及旗仔以作識別），稍後會物色紅顏色的底碟裝新豬肉系列產品，可以讓員工提高識別。
此事件我們做錯很多不足地方，我們認真改善。/
就係咁啦，管理就係每天發現錯誤然後面對佢，改善佢，讓明天的自己比今天的自己更好一些，哪怕只係好A4紙的厚度，只要每天都好這一些，一百年後我們就很強了。
故事仲未完得晒喎，後來我收到一段錄音，原來投訴人係一個間接識得嘅朋友，佢同我直接錄咗段音投訴返件事，而我又解釋返俾佢聽我哋做咗嘅嘢，佢都好欣賞同埋原諒我哋，多謝晒，再講一聲對唔住，我哋會改善的。
回教禁忌食物 在 1.宗教因素： 真主在古蘭經上說：「不可吃豬肉、自死的動物 的推薦與評價
其實，在世界上各種宗教中，都存在著一些禁忌。如印度教中奉牛為神明而不食牛肉。 但回教徒不食豬肉，不是因為豬是 ... ... <看更多>