［介紹返］原先潛左水的多多家居清潔公司Facebook 載譽歸來！
以下呢兩幅係佢地專頁cap 圖，呢間野真係極品，各位團友首先望下第一張先，無錯，該公司真係好誠實咁話你知，清潔完就係咁發曬霉了。正呢？做清潔呢行可以做到咁粗心大意，從那天起我不辨別前後（識唱一齊唱！），BB，你咁唔得架～
好，做人唔好咁小學雞笑人唔識分前後，岩嘅，萬一人地真係有無定向喪心病狂間歇性全身機能失調症，所以導致「行為無邏輯、無規律、無意識，簡直係不可理喻」，咁我笑人又真係唔岩嘅...
點解上一段我會幫自己戴頭盔，唔好笑人「無定向喪心病狂間歇性全身機能失調症」？我梗係有根據啦！各位團友又望下第二幅圖，有沒有發現什麼問題？無錯！清潔前牆在右邊，窗在左邊，清潔中同清潔後的時候，右邊已經變左做牆仲要鋪埋電線！喂大佬，捽隻階磚3畀對方，我有睇過賭神玩呢招，但抹野捽道階磚牆畀對方，你也未免太屈機了？你個清潔哥哥係咪淨係可以俾人影背影？我懷疑佢可能係高進，一時職業病發作就幫你捽走左了。所以話，呢間公司真係「無邏輯、無規律」，變法難去估豹變成老虎你會問何故（識唱又一齊唱啦喂）我強烈建議你下次搵呀叻去上門做清潔，佢玻璃可變鑽石（喂又唱兩句啦），唔好淨係變階磚咁普通啦，而且佢同貴公司形象好夾，有親你地出現的地方，都係業餘、不認真，和像馬戲團。
你仲捽？成間屋的圖則俾你搞彎晒啦！
#今日主題係大合唱
#佢個page係期間限定
#你唔知佢幾時又再潛過架
#NoShow界KOL
#隔著半個地球都會黎婊爆你
#多多家居清潔公司
#唔好俾佢個鐘點捽你道主力牆
#真係好危險
#我覺得呢個人相當有嫌疑
多多家居清潔 在 多多家居清潔公司 - Facebook 的推薦與評價
多多家居清潔 公司, Hong Kong. 478 likes. 服務範圍: 家務助理、家居清潔、 冷氣清洗、滅蟲、除甲醛、專業抹窗、地毯護理、除霉及消毒、床褥及布藝清潔及地板打蠟. ... <看更多>