兩節瑜珈🧘🏽♀️體驗班完成~
今次對像係年輕媽媽,直情係少女~🥰
雖然入天水圍係少少遠🙈
不過知道大家enjoy就好開心
做媽媽照顧小朋友咁辛苦,好難抽時間做運動同放鬆
課程少少肌肉鍛鍊出下汗keep fit,加埋拉筋同呼吸練習,好好relax!💕
#pamyoga #yogatraining #yoga #yogalover #餃子的瑜珈旅程 #yogafitness #yogadaily #yogagirls #yogapractice #yogaeveryday #yogateacher #iloveyoga #yogapose #hkgirl #modeling #hkmodel #hkactress #instayoga #namaste #fitness #fitnessgirl #yogahk #yogini #yogaeverywhere #activewear #yogaclass
天水圍瑜珈 在 姐死姐還在 Facebook 的最佳貼文
《香港地真係有好多「運動茄哩啡」,成日都扮哂運動健將》
尋日一名消防員喺拯救被困行山人士期間墮崖殉職,被困情侶俾大眾指責累死人,俾人質疑佢哋行山前無做足功課,高估自己行山經驗同能力,亦有人指責新假期要推高銷量,不停發放錯誤訊息,推介高難度行山路徑,令行山新手低估行山路徑嘅難度。有人話唔應該怪對情侶,意外無人想,佢哋都會好自責。係唔係意外,對情侶唔係蓄意都有錯,唔係謀殺都算誤殺,佢哋行山嘅錯誤決定間接殺死消防員。
運動其實真係要有運動品德...
我無意為運動pass 宣傳,我最近係join咗一個健身pass,個pass line up 咗全港好多健身室,dance room,瑜珈教室,健身pass原理好似手機無限data plan咁,一個月費,日日任玩。由於呢個月我日日玩,真係觀察到香港人嘅運動品德非常差...
香港人真係好鍾意no show又唔話畀人聽...
經常聽到外國餐廳點名批評香港人,book咗又no show,做運動都係一樣。經常見到register名單有十幾廿人,上堂個時又係得返一兩丁人,一個六個人嘅泰拳堂,最後得返我同教練one on one,真係攰到 hihi,好似曹星如連打12 rounds 唔俾停一樣。點解香港人咁鍾意臨時甩底,唔得閒就唔好book啦,臨時唔得閒有急事要 ot 嚟唔到,又唔通知人。我非常明白點解林鄭會話天水圍遠甩底唔去,林鄭係極具香港人甩底嘅慣性。
香港人極度鍾意遲到早走...
就算 register 咗,通常都遲到,可能香港人真係秒秒鐘幾百萬上落,但遲到都唔會拿拿臨換衫,教練叫佢遲嚟拉下筋先做運動,呢啲人又極有自信,完全唔拉筋就跟大隊做劇烈運動,做做下運動會抽筋同奶野咪就係咁囉。
一個鐘頭嘅健身班,去到45至50分鐘嘅時間,有啲同學就會自己先行散水,因為佢哋又要衝去洗手間,霸shower房,爭第一個沖涼,唔想完堂一大班人等沖涼,咁其實有咩咁趕呢?放工做運動,之後係唔係趕住去死?又要遲嚟,又要早閃,有無尊重教練?健身班最後嘅環節就係拉筋,呢班友做完運動又唔拉返筋,第日腰酸骨痛又要同教練呻。
香港人根本就唔係鍾意做運動 ,只係鍾意話畀人聽自己鍾意做運動...
香港人做運動,只係為咗影低做運動嘅相,好似黃子華棟篤笑話,而家啲人做愛唔係為咗做愛,而家啲人做愛係為咗拍低做愛嘅過程。有啲變態嘅女人,成日拎住個手機喺更衣室度自拍 ,問題係呢班自拍嘅女人影到人都唔理,大家做完運動個樣都好似啱啱喺地盤收工咁,又攰又樣衰。佢哋係急住喺自己啲汗仲喺塊面嘅時候,拍底放上網,show 俾人知,自己幾有做運動嘅熱誠。
有啲女人去做運動係當自己係小甜甜,教練係陳振聰...
明明一個好簡單嘅動作,教練已經講得非常清晰 ,呢個時候有啲女人就突變柔弱,柔弱過霍金,一定要教練行埋嚟專人指導佢,佢先肯完成動作。呢啲女人完全唔係做運動,佢哋係想喺運動堂入面,搵教練氹自己開心。以前我係唔信點解有啲男人會畀十幾萬,買California課程叫靚女幫佢拉筋,呢個世界真係有人久旱逢甘霖到呢個程度,要去做運動,喺教練身上尋找慰藉。
「運動茄哩啡」明明好資深,上勁多堂,都完全無進步過,完全無瘦過...
「運動茄哩啡」只係個咀做運動,當gym room係coffee shop,不停吹水,講嘅嘢毫無營養,又要大聲到幾乎隔離班都聽到。呢班「運動茄哩啡」好似以前pe堂,總有一兩個坐埋一邊傾偈傾成堂,完全唔郁。有次我上aerial yoga,個教練講instruction嘅時候,口水多過浪花嘅同學完全唔聽,試做又話唔知點做,要教練行埋嚟指導佢。佢哋真係好似茄哩啡,套套劇都有佢哋,但演技係完全無進步過。堂堂都見到呢班「運動茄哩啡」,堂堂都無進步架喎。
我唔明白,點解會掀起「顯示自己鍾意做運動」嘅熱潮...
好似只要影到相,show 到俾人睇有做開運動,就係生活好充實,生命有熱誠。我諗做運動要培養做運動嘅品格,你要學識一樣運動,首先你要認真學,尊重教練。 嗰啲行山不停自拍嘅所謂行山愛好者,嗰啲唔量力而為,唔聽教練指示,唔做足功課,又自覺唔會奶野嘅「運動茄哩啡」,你哋不如收手啦...