【金公館 JIN GONG GUAN 】正宗四川師傅風味 太古中菜食出不一樣的片皮鴨
好耐無約過朋友飯聚啦,難得晚市可以堂食,大家返工又係港島區就相約3個好朋友聚下舊。同事就介紹了一間由正宗四川師傅主理的太古中菜─金公館,唔單只環境舒適,而且裝修富有中國特色,一於就揀佢啦!
金公館依間太古中菜主打片皮鴨、酸菜魚,Venus 其中一個好朋友超鐘情於中國文化,連口味都非常中化,另一個就好鐘意食魚,最後嗰個就話想食辣,完全符合哂3位朋友所有要求。
金公館中菜位於太古康怡廣場3樓,一出地鐵站搭電梯就到,非常方便就腳。
一到門口已經見到好搶眼戲曲造型裝飾長鏡十分架勢!
〰️〰️〰️〰️〰️〰️〰️〰️〰️〰️
🐟老壇子酸菜魚🐟
大家都好肚餓的關係,所以我哋叫咗好多餸,好似Venus其中一個朋友仔剛坐低就即刻叫咗老壇子酸菜魚。
Venus 本身怕腥、唔鐘意食魚,但見到隔離枱食到好滋味咁都想試試。令人驚喜係太古金公館中菜嘅酸菜魚唔腥之餘魚肉仲好滑,朋友仔都估唔到平時無點食魚嘅我會食完又食。
真係要大讚太古金公館中菜的酸菜,用咗無筋酸菜超爽脆,聽介紹先知原來醃制方法都好講究!係用四川成都傳統老壇古法醃制酸菜,酸菜用上原汁母水、秘制香料,將新鮮菜喺恒溫恒濕環境下醃20-30日。食落超入味,完全都唔輸蝕俾魚肉㗎!
差啲唔記得仲有我最愛嘅薯粉做底,加埋酸菜湯底一齊食,酸酸辣辣超開胃!
薯粉好Q彈,吸收咗酸爽湯汁超好味!
〰️〰️〰️〰️〰️〰️〰️〰️〰️〰️
🐮麻辣水煮滑牛肉🐮
再嚟又係大大碗上枱的麻辣水煮滑牛肉,本來以為湯底紅噹噹會辣到頂唔順,但食落又發覺其實唔係太辣,而且多咗香、麻味道,令上愈食愈上癮。牛肉火侯煮得剛好,肉質食落嫩滑唔會太老,而且份量非常之多,抵食!
麻辣水煮滑牛肉同樣地有薯粉做底,我一個人差唔多食哂2邊嘅薯粉。
麻辣水煮滑牛肉絕對係「辣」朋友嚟金公館太古中菜必點。
〰️〰️〰️〰️〰️〰️〰️〰️〰️〰️
食咗兩道大菜後需要「休息」一下,叫咗蒜泥白玉同老火炖湯。
嚟金公館太古中菜嘅
蒜泥白玉比平日食嘅大塊好多,雖然係常見菜式,但中間夾青瓜食法都係第一次。不過唔好睇小青瓜夾肉片嘅配搭,一方面將口感提升一級,加倍爽口,另一方面又中和返蒜泥白玉本身嘅油膩感,更突出蒜香味道。
超多蒜,好香口。如果你係蒜泥白玉愛好者,嚟金公館太古中菜一定要試!
Venus 好鐘意飲湯,不過講到豬肺湯就好少飲啦,因為工序麻煩到媽媽唔會想煲,即使食中菜餐廳都少見有,不過金公館太古中菜就有青城山杏汁炖豬肺湯啦。唔好以為炖湯就一定好厚重負擔,好似呢碗杏汁炖豬肺湯反而好清新,飲唔到一絲膻味證明豬肺處理得好乾淨,加上杏汁味好濃、好香,完全將前面食嘅濃味麻辣帶走。
實在太好飲啦,飲完成碗都唔夠喉!
〰️〰️〰️〰️〰️〰️〰️〰️〰️〰️
話晒金公館太古中菜除咗酸菜魚外,片皮鴨都好出名,無理由唔叫。所以壓軸登場嘅就係大家最期待烤北京填鴨!金公館嘅片皮鴨唔同其地方,無咁油膩,因為佢哋特登切走鴨皮中間多餘油脂,令到成塊鴨片下無太多脂肪,對於注重健康嘅香港人好友善。
食片皮鴨精粹在於皮,皮要烤得恰到好處其實好難,過火會太乾、未夠火候又唔夠脆,不過金公館太古中菜就做得唔錯,片皮鴨以傳統烤鴨方法配上獨特醬料烤製出香脆惹味口感,令人無辦法唔鍾意食。
單食一樣好正,加上配菜同醬料包食又係另一種滋味。
即蒸摩摩皮薄軟糯,夾入香脆鴨皮、嫩滑鴨肉已經流哂口水!金公館太古中菜喺配菜及醬料選擇上提供8種款式口味:烤鴨醬、冰梅醬、胡麻醬、桂花蜜醬、京蔥、西芹絲、青瓜條、蜜瓜條,令片皮鴨風味變化更上一層樓。
隨自己口味配搭,Venus 當然要一次試齊所有配菜同醬料啦!同大家用文字講解下我嘅味蕾感受:
一入口有熱辣辣軟糯摩摩皮、之後帶頭當然有香脆得嚟又唔會太油膩香脆鴨皮,之後有嫩滑鴨肉夾集解膩青瓜、爽口西芹絲、清新京蔥、香甜蜜瓜、帶點微辣香口芝麻醬、甜絲絲桂花蜜醬、酸甜冰梅醬、惹味烤鴨醬……
就係咁口中充斥多層次味道幸福感覺,差啲一個人成哂全碟片皮鴨,實在太好味!食完絕對翻尋味!
〰️〰️〰️〰️〰️〰️〰️〰️〰️〰️
享受咁豐富好味嘅盛宴,以為已經可以滿足,不過朋友居然覺得唔夠完美,話一場嚟到金公館太古中菜叫多2碗擔擔麵試下,咁2人share一碗麵啦。
都真係幾大碗,細食或者好似我哋前面食咗咁多,真係可以2人share一碗。
湯底有少許麻辣味,麵線爽口彈牙,間唔中食到青蔥同芝麻令到成碗味道唔再單調。
〰️〰️〰️〰️〰️〰️〰️〰️〰️〰️
🥢金公館:太古康山道1-2號康怡廣場3樓T4號舖
#金公館 #太古中菜 #老壇子酸菜魚 #片皮鴨 #麻辣水煮滑牛肉 #蒜泥白玉 #四川擔擔麵 #青城山杏汁炖豬肺湯
同時也有1部Youtube影片,追蹤數超過60萬的網紅飲食男女,也在其Youtube影片中提到,太古城的潮庭,最近完成翻新,設計改行歐式庭園風,糅合了中西文化精髓。 菜式依舊以潮菜為主,滷水鵝拼盤、香酥芋蓉鴨、蒸紅桃粿等,保持一貫水準,賣相比傳統潮菜館精緻。亦有部分菜式用全新方式演繹。像太古城分店限定的黃金繡球伊麵,將傳統糖醋伊麵分成小份,再包裹肉絲做餡料,造型新穎,又免去分菜時的煩惱;另一限...
太古中菜 在 Dorian B 分享小站 Facebook 的最佳貼文
自從搬咗去東區之後, 成日都會留意有咩好嘅太古中菜館比較出名
朋友就介紹我到康怡廣場呢間有齊京粵川中菜嘅太古中菜館─金公館
去食最出名嘅酸菜魚同片皮鴨
🐟嚟到數一數二嘅酸菜魚太古中菜館
酸菜魚當然係必點
當中所用嘅酸菜係來自四川成都嘅傳統老壇醃制酸菜,
用原汁母水,秘制香料
古法埋壇,恒溫恒濕的環境下醃制
由新鮮菜至醃制一定要20至30天先採用
酸菜無筋爽脆, 入味可口
滑嫩魚肉吸收晒湯汁精華,
酸辣開胃,惹味非常
個底仲有煙韌寬粉,令味道同口感都更多層次!
🦆 金公館太古中菜另一招牌菜就係我最愛嘅片皮鴨啦~~
估唔到上檯時仲係熱辣辣嘅
同埋新鮮配菜&醬料都好多呀~
原來師傅會撇走鴨皮中間嘅油脂
夾起見到每一片都係香脆鴨皮同埋油香豐富而不油膩嘅鴨肉
咁就食多幾件都唔怕肥啦
配料除咗有經常見到嘅青瓜條、京蔥絲、西芹絲嚟增加口感
驚喜嘅係連蜜瓜條都有, 夾埋一齊食又有另一風味!
🍲 非常推薦金公館太古中菜呢份足料好飲嘅杏汁白肺湯
每啖都係骨膠原同香濃杏汁
屋企煲呢款湯水太麻煩, 行開黎太古必點!
🐔 呢碟集麻辣、鮮香、嫩爽於一身嘅口水雞
入口香中帶麻,雞肉嫩滑
好味到令人口水直流
金公館太古中菜裝潢走高級版小菜館路缐
侍應服務周到
無論係朋友聚會或家庭飯局都非常適合👨👩👧👦
💁♀️非常推薦金公館呢間太古中菜
係太古站A2出口行5分鐘就到啦
📍 金公館 (康怡廣場)
太古康山道1-2號康怡廣場3樓T4號舖
太古中菜 在 飲食男女 Youtube 的最佳解答
太古城的潮庭,最近完成翻新,設計改行歐式庭園風,糅合了中西文化精髓。
菜式依舊以潮菜為主,滷水鵝拼盤、香酥芋蓉鴨、蒸紅桃粿等,保持一貫水準,賣相比傳統潮菜館精緻。亦有部分菜式用全新方式演繹。像太古城分店限定的黃金繡球伊麵,將傳統糖醋伊麵分成小份,再包裹肉絲做餡料,造型新穎,又免去分菜時的煩惱;另一限定菜式麵包雞,看似西式做法,表皮有如酥皮,切開後吃一口,原來是中式炸饅頭,有驚喜,炸饅頭蘸上帶椰香的咖喱,味道配合。但喜歡吃傳統潮州菜的話這兒可不是那杯茶了。
採訪、攝影:李妍樺
潮庭
地址:太古太古城道18號太古城中心四期1樓100號鋪
電話:2885 0212
營業時間:8:30am-11pm(4pm-6pm落場)
平均消費:$300
詳情: http://bit.ly/2O06nkU
===================================
立即Subscribe我哋YouTube頻道:http://bit.ly/2Mc1aZA (飲食男女)
新店食評,名家食譜,一App睇晒!
立即免費下載飲食男女App: http://onelink.to/etwapp
《飲食男女》Facebook:http://www.facebook.com/eatandtravel
飲食男女網站:http://etw.hk
Follow我哋Instagram,睇更多靚片靚相:http://bit.ly/2J4wWlC (@eat_travel_weekly)
![post-title](https://i.ytimg.com/vi/QzBvtazp6Eo/hqdefault.jpg)
太古中菜 在 【港飲港食】茶居小品- 抵食中式點心放題,數十款點心小食任選 的推薦與評價
![影片讀取中](/images/youtube.png)
上菜速度快,整體味道不錯!位於 太古城 中心,交通方便,餐廳環境亦不錯! 茶居小品 網址: https://s.openrice.com/QrbS0Fmy500~... ... <看更多>
太古中菜 在 太古中菜- Explore 的推薦與評價
explore #太古中菜at Facebook. ... 【金公館JIN GONG GUAN 】正宗四川師傅風味太古中菜食出不一樣的片皮鴨. 好耐無約過朋友飯聚啦,難得晚市可以堂食,大家返工又係 ... ... <看更多>