新年就緊係要密密食，因為食得是福嘛，唔理咁多食完先算(咪就係咁…我越嚟越肥囉)，今次就嚟上海姥姥試下佢地為左新年推出嘅賀年菜式！
「大紅大紫小籠包」我同小小豬都好鐘意食小籠包，咁就第一時間要食晒佢地落肚。用火龍果汁製成紅卜卜嘅外皮，入面就有帶子同豬肉，咬入口勁多肉汁。雖然加入了XO醬，但佢唔算好辣，所以小小豬都可以食到。
「姥姥金湯全家福」入面有8款主菜，包括有海蔘、金元寶蛋餃、福袋百葉包、鹹肉片、大蝦、雞腿、炸豬肉丸同埋鵪鶉蛋。我就最鐘意佢嘅南瓜同番茄熬製嘅湯底，底部嘅娃娃菜同粉絲吸收晒湯汁精華，好夠味呀！
「年年有餘老壇酸菜魚」依個可以話係最驚喜，除左佢嘅魚片冇骨得嚟又好嫩滑，湯底酸酸辣辣但又唔會辣得好搶喉，就連我唔太好辣嘅都可以KO大半碟。
「吉祥平安八寶飯」甜嘅飯我都係第一次食，但其實應該話係甜品嚟。將紅棗加入紫糯米、白糯米同埋紅豆沙餡，再係上面鋪滿桂花糖同腰果碎..等等，估唔到又幾得意哦。
最後我地嚟多杯雪梨紅棗茶，小小豬就飲返杯豆漿，咁又食得勁滿足啦！
說好的減肥呢……美食當前唔理咁多啦….哈哈哈~
Special Thanks
上海姥姥 Shanghai Lao Lao
#上海姥姥 #姥姥金湯全家福 #年年有餘老壇酸菜魚 #大紅大紫小籠包 #吉祥平安八寶飯
