《黃金一小時》
以前喺產科實習經常會見到好多初生嘅嬰兒，由出世一刻除咗有父母嘅呵護，其實仲有一班專業嘅醫護人員提供即時嘅檢查同護理，確保嬰兒健康同安全。
我哋生於醫療設備齊全嘅國家，就會覺得呢啲野好理所當然；但其實係世界某一啲地方出世嘅嬰兒就未必有咁幸福。
因為國家之間衝突嘅關係，世界上一直有一班流離失所嘅難民，剛果就係其中國家之一，而當中包括一班懷孕難民。截至2016年，剛果民主共和國每年就有 96,000 名初生嬰兒未足月已經離世，當中至少一半喺世上活少過24小時，係世界上嬰兒出生最危險國家之一，當中呼吸困難、低溫症及受到感染係三大最常見嘅嬰兒死因。呢個係一個好可怕嘅數字，其中原因可以歸咎於當地缺乏基本醫療設備同缺少接受過婦產科新生嬰兒科培訓嘅人。
如果可以喺「黃金一小時」，即嬰兒出生後首 60 分鐘採取三個簡單嘅護理步驟，就能令初生嬰兒死亡率大幅減少。
首先，對有呼吸困難嘅嬰兒施行心肺復甦法。再讓母嬰肌膚緊貼以穩定體溫。最後，使用抗菌劑護理臍帶避免嬰兒受到感染。
難民問題無疑係一個充滿爭議性嘅話題，但無論如何初生嬰兒都無辜嘅受害者，如果大家有能力又想幫助呢一班嬰兒同媽媽，不妨伸出援手，只要透過捐款，就可以幫助聯合國難民署(UNHCR)為當地婦產科和新生嬰兒科工作人員提供訓練､購置分娩床､甚至購買救護車，令佢哋可以向孕婦提供妥善嘅照顧。
想知詳細嘅可以上以下官方網站： https://donate.unhcr.org/…/~%E6%88%91%E7%9A%84%E6%8D%90%E6%…
--------------------------------------------------
關於聯合國難民署
聯合國難民署於1950年12月14日由聯合國大會創立。聯合國難民署負責指導和協調全球行動、保護難民並尋求難民問題解決方案。聯合國難民署致力於確保每一個人享有尋求庇護的權利，並可以在其他國家得到安全庇護，或者在情況許何時自願返回原籍地、就地融入或安置到第三國家。緊急應變是聯合國難民署的工作重要一環。聯合國難民署可於48小時內為最多60萬人提供緊急救援物資，並在72小時內派遣專家應變小組到達現場，回應世界各地的緊急事故。聯合國難民署因其幫助歐洲難民的開創性工作及對全球難民的援助，先後於1954年和1981年獲得諾貝爾和平獎。
#小毒男護士 #利申非廣告 #有意義嘅事就值得宣傳
心肺復甦法步驟 在 【心肺復蘇法~CPR】 犬貓心肺復甦術CPR步驟如下 - Facebook 的推薦與評價
【心肺復蘇法~CPR】 犬貓 心肺復甦 術CPR 步驟 如下： 1.確認意識和呼吸大聲呼叫名字、觸碰病患或掐捏病患鼻鏡，看是否有反應，要確認氣道是否暢通 ... <看更多>