#感性文慎入
最近經常失眠。我唔講其他人，講我自己先，首先就係好攰好想瞓，每到夜晚11點幾覺得自己都仲幾精神咁喎，其實個人開始緊張，心諗: 喂，唔係嘛，又唔駛瞓呀今晚？
再然後就係輪迴係搵坊間唔到嘅方法，浮浮沉沉。之前出個個POST問大家有咩好方法瞓覺，先多謝好多朋友嘅關心，有啲方法我都試緊，努力中。
我想講嘅其實係，每次提起都總有人會講：你唔應該諗野呀 / 你要放鬆啲。講真，呢啲野咁general，俾著我都會講。但重點係：你講一兩次就夠架啦，如果一做就做到，我係唔會重覆呻我失眠架。
關心收到，但請唔好好似position我失眠係我有病唔去醫咁，好嗎？
但以上不是重點。
重點係今日有條茂利同我講： 「你瞓唔一定係好多嘢諗，你咁樣即係你好多罪，攪住你瞓唔好。我一上床就一覺瞓天光架啦，我無你啲咁嘅煩惱架。你睇下我信教幾好.......」
先戴頭盔，no mean to offense任何宗教。但若果教徒係以咁嘅方式傳道，這樣的marketing，係失敗。
三個point: 令人反感、毫無建樹、話題終結
而且公關仔都幾肯定唔會再同你傾下一次，即係今次個客唔buy你，但你連下次pitching嘅機會都無埋。
我明白宗教係聖潔同標準好高，但當耶穌都願意同罪人傾計醫病；若果你想人打開心窗同你傾，聖徒們可摸耳俾啲俾啲同理心，同人傾下計先？
不要說：你犯咗罪，死L梗架啦
試著說：你想唔想試下宗教嘅方法幫你呀
「因為世人都犯了罪，虧缺了神的榮耀。」
大家坐埋同一條船，何必互相傷害呢？
#阿們呀施主
