【阿公講鬼】《打小人》
**下半部分是繁中華語**
**下半部分是繁中華語**
唔大家有無聽聞過,何文田愛民邨曾經發生過一次大型鬧鬼事件呢?
正所謂有病搵醫生,見鬼搵阿公。好多年前阿公係村入面唯一嘅道士,而家亦都一樣。
好多年前,阿公曾住過愛民邨一段日子。亦因為呢次鬧鬼事件,經街坊鄰居一傳十、十傳百,幾乎成個愛民邨都知道阿公嘅存在,阿公嘅生意也愈做愈旺。
就如同我呢個Freelance一樣,我靠嘅係網絡散播,阿公靠嘅係街坊口耳相傳,所以話阿公係「捉鬼界嘅KOL」絕不為過。
是咁的,有一日早上,一個叫阿邦嘅男人搵阿公求救,自稱係住同層嘅鄰居。尋晚佢遇上一件怪事,希望阿公能夠幫忙。
只見阿邦眼神閃縮,不時左顧右盼,阿公亦警戒起來。
「你係新搬來嘅,我好似好少看到你。」阿公。
「呃…係因為…某啲原因啦,所以我唔係成日住呢度…」阿邦好似有難言之隱。
「你著住條底褲就跑過嚟,似乎真係有急事。」阿公。
「真係啊!師傅你一定要幫我!」
見阿邦赤裸上身,全身剩返條底褲企喺門外,阿公就先開門畀佢入來再慢慢講,仲倒咗杯茶畀阿邦:「你冷靜啲慢慢講。」
「有冇符水?我要飲符水…嗰把聲…一直喺我腦海盤旋,好辛苦!」阿邦亂抓頭髮。
「符水唔能夠亂飲,否則會有反效果。」阿公從未見過有人主動要飲符水,就知道佢事態嚴重。
阿邦走到神壇面前拜拜,深呼吸幾下,先支支吾吾咁講返尋晚發生嘅事。
尾晚,阿邦喺女朋友May 屋企訓,訓到半夢半醒,突然佢聽到May細細聲講聲嘢。
「咦?妳…同我講嘢啊?」阿邦驚醒過來。
May側躺背向住阿邦,繼續用含糊不清咁低喃。
阿邦感到奇怪,就湊近佢想聽清楚May講緊乜,May講嘢聲調好古怪,抑揚頓挫,同May平常講嘢嘅聲線完全唔一樣。
由於May一直背向住佢,阿邦就探頭過去,當睇到May嘅正面時嚇了一跳。
May竟然雙眼睜得圓大,面無表情,嘴巴擠出一個生硬嘅笑容。
「喂!妳做乜啊?醒吓啊。」阿邦用力將May搖醒,幸好佢好快就清醒過來。
May皺著眉頭,一臉錯愕,佢完全知頭先發生過咩事。
「妳頭先發惡夢啊?」阿邦。
「無啊…你做乜叫醒我。」May。
阿邦認識May 有一段日子,從未見過佢有發開口夢或夢遊嘅事,跟住May又安靜咁繼續睡覺,所以阿邦對呢件事不以為然。
但估沒想到,第二晚嘅情況更加恐怖。
同樣係睡到半夢半醒之間,阿邦再次聽見May在低喃。
佢扎醒望向旁邊嘅May,佢正身仰躺,雙眼撐大,視線無焦點咁望住天花板,呢個時候,May個頭仲開始配合講嘢嘅聲調左右擺動。
May愈來愈大聲,阿邦慌忙將佢拍醒,但今次無論阿邦點用力搖醒May,佢也完全無反應。
突然,May以尖銳刺耳嘅聲線,開始唱起粵曲…
阿邦嚇到跳落床跑出客廳,仲聽到May喺睡房傳出嚟嘅歌聲。阿邦好肯定呢把聲唔屬於May。
成晚阿邦只敢喺客廳睡覺,又驚May會突然走出嚟。所以阿邦只可以瑟縮喺梳化,搵件外套蓋過頭捱過一整晚。
已經唔記得May幾時停止唱粵曲,天一光阿邦就跑去找阿公求救。
「我懷疑佢被鬼上身!」阿邦。
「如果咁嘅話,我要去見一見阿May。」阿公。
「可以!佢而家都喺屋企,我帶你去!」阿邦。
阿公跟隨阿邦去May嘅住處,係一個小型單位,裝潢簡單實用,家俱唔多,亦無陰氣聚集。
有時候,如果發現屋企四邊牆角有奇怪嘅黑色污垢,或白色牆無故出現污水跡,好可能呢個單位本來就住咗靈體,佢哋先係「原屋主」。
阿邦同May說明阿公嘅來意,May還話:「使唔使咁誇張。」
當阿公第一眼見到May,就知道出事喇。
「妳頸嘅傷痕記唔記得喺邊度整親?」阿公指住May頸背兩個紅印。
「我唔記得喇…」May。
「妳應該被白虎咬到,所以好容易被靈體附身。」
「白虎?咩意思?」阿邦。
「有人用咗妳嘅時辰八字去『打小人』。」阿公。
呢個時候,阿公注意到阿邦手上戴住婚戒。
而頭先,阿邦稱呼May係「女朋友」…
(待續)
300 Share 繼續!
*喜歡阿公,請花半秒like & share*
《阿公講鬼3》小說已經推出!
書店沒有,只能網購:
購買連結:https://bluegodzistore.boutir.com/
***********
***繁中華語版***
***********
不知大家有沒有聽聞過,何文田愛民邨曾發生過一次大型鬧鬼事件呢?
正所謂有病找醫生,見鬼找阿公。
多年前阿公是村裏唯一的道士,現在也一樣。
很多年前,阿公曾在愛民邨住過一段日子。亦因為這次鬧鬼事件,經街坊鄰居一傳十、十傳百,幾乎整個愛民邨都知道阿公的存在,阿公的生意也愈做愈旺。
就跟我這個Freelance一樣,我靠的是網絡,阿公靠的是街坊口耳相傳,所以說阿公是「捉鬼界的KOL」也絕不為過。
事情是這樣的,有一天早上,一個叫阿邦的男人找阿公求救,還自稱是住同層的鄰居。昨晚他遇上了一件怪事,希望阿公能夠幫忙。
只見阿邦眼神閃縮,不時左顧右盼,阿公亦警戒起來。
「你是新搬來的嗎,我好像很少看到你。」阿公。
「呃…是因為…某些原因啦,所以我不常住這裏…」阿邦好像有點難言之隱。
「你還穿著內褲就跑過來,似乎有急事。」阿公。
「真的!師傅你一定要幫我!」
見阿邦光著身子站在門外,阿公先開門讓他進來再慢慢說,他倒了一杯茶給阿邦:「你冷靜一點慢慢跟我說。」
「有符水嗎?我要喝符水…那個聲音…一直在我腦海啦!」阿邦亂抓頭髮。
「符水不能亂喝,不然會有反效果。」阿公從沒遇過有人主動要喝符水,便知道他事態嚴重。
阿邦走到神壇面前拜拜,作了幾個深呼吸,才支支吾吾地說出昨晚發生的事。
昨晚,阿邦在女朋友May 的家睡覺,睡到半夢半醒,突然他聽到May在低聲說話。
「咦?妳…跟我講話嗎?」阿邦驚醒過來。
May側躺背向著阿邦,繼續含糊不清地低喃。
阿邦感到奇怪,便湊近她,想聽清楚她在說什麼,May說話的聲調很古怪,抑揚頓挫,跟May平常說話的聲線完全不一樣。
由於May一直背向著他,阿邦探頭過去,看到她的樣子時嚇了一跳。
May竟然雙眼睜得圓大,面無表情,嘴巴卻擠出一個生硬的笑容。
「喂!幹嗎啦?醒醒啊。」阿邦用力將May搖醒,幸好她很快就清醒過來。
May皺著眉頭,一臉錯愕,原來她完全不知道剛才發生過什麼事。
「妳剛剛做惡夢嗎?」阿邦。
「沒有啊…你幹嗎叫醒我。」May。
阿邦認識May 有一段日子,從未見過她有做開口夢或夢遊的事,接著May又安靜的繼續睡覺,所以阿邦對這件事不以為然。
但沒想到,第二晚的情況更加恐怖。
同樣是睡到半夢半醒之間,阿邦再次聽見May在低喃。
他驚醒過來看向旁邊的May,她正身仰躺,雙眼撐大,視線沒有焦點地看著天花板,此時,她的頭還開始配合說話的聲調左右擺動。
May的聲音愈來愈大聲,阿邦連忙將她拍醒,但這次不管阿邦如何使勁搖醒May,她也完全沒有反應。
突然,May以尖銳刺耳的聲線,開始唱起粵曲…
阿邦嚇得跳下床跑出客廳,但依舊聽到粵曲的歌聲從睡房傳出來,阿邦肯定這聲音不屬於May,他一整晚只敢在客廳睡覺,又怕May會突然走出來。所以阿邦只能瑟縮在梳化上,找了件外套蓋過頭。
已忘了May何時停止唱粵曲,天一亮起來阿邦便跑去找阿公求救。
「我懷疑她被鬼上身!」阿邦。
「如果這樣的話,我必須去見阿May。」阿公。
「可以!她也在家,我帶你去!」阿邦。
阿公跟隨阿邦去May的住處,是一個小型單位,裝潢簡單實用,家俱不多,也沒有陰氣聚集。
有時候,如果發現家裏的四邊牆角有奇怪的黑色污垢,或白色牆無故出現污水跡,很可能這個單位本來就住著靈體,它們才是「原屋主」。
阿邦跟May說明阿公的來意,May還說:「你太誇張了吧。」
當阿公第一眼看到May,就知道出事了。
「妳頸的傷痕記得是在哪裏弄的嗎?」阿公指著May頸背上兩個紅印。
「我忘了…」May。
「妳應該被白虎咬到了,所以很容易被靈體附身。」
「白虎?什麼意思?」阿邦。
「有人用了妳的時辰八字去『打小人』。」阿公。
此時,阿公注意到阿邦手上的結婚戒指,而剛才,阿邦稱呼May是「女朋友」…
(待續)
300 Share 繼續!
*喜歡阿公,請花半秒like & share*
《阿公講鬼3》小說已經推出!
書店沒有,只能網購:
購買連結:https://bluegodzistore.boutir.com/
打小人 有冇 用 在 陳美濤 Tomato Facebook 的最佳貼文
你肯唔肯定,有人愛你?(上)
「朗仔,你喺孤兒院長大,我諗你應該冇父母嘅……經濟支援?」
我用最誠懇嘅語氣答:「雖然我冇家底,但我會努力返工,同心心一齊努力。」
「依加樓價咁貴,你做個侍應仔,要幾耐先儲到首期?」心媽冷笑一聲。
儘管心心係咁反駁,話「租樓都得」,但所有論點都被心媽一一反駁。
我第一次見女朋友嘅阿媽,就咁不歡而散。
事後,心心同我講,佢會努力勸阿媽,叫我唔駛擔心。
我相信心心,我哋深愛對方,一齊面對過好多困難,呢個問題我哋都會解決到。
正當我慨嘆緊樓價嘅昂貴,突然間,我腦裡響起一把聲。
把聲話,十日後,會有一場「地球大清洗」。
規則好簡單,到時每人可以填一個人嘅名,令嗰個人唔駛死,但無法填自己個名。
如果冇人填你個名,你就會死。
我以為我幻聽,但我一打開手機,所有人都討論緊呢件事,大家都聽到呢把聲。
而且,我哋仲可以用思想詢問詳情,知道更多細則。
例如填名嘅過程,係直接用思想填嘅,所以冇人知道你填咗邊個嘅名,絕對保密。
為避免同名嘅誤會,可以填寫盡可能多嘅身份訊息,例如身份證號碼、出生日期,確保準確性。
另外,十六歲以下兒童,以及經系統判斷冇足夠思維能力嘅人,都唔會參與呢場清洗,即係佢哋填唔到名,亦唔會死。
如果懷疑個別人士有冇資格參與清洗,亦可以通過腦部系統去詢問。
每個人都聽到,所以大部份人都相信呢件事。
咁十日內,你可唔可以搵到一個人,係你100%肯定,佢會將唯一嘅生存名額留畀你?
我自細父母雙亡,雖然長大後識咗唔少朋友,但朋友都有自己嘅親人,生死關頭,總唔可以指望朋友幫手。
好彩,我仲有最信任同最愛嘅人,心心。
「我填你,你填我?」我理所當然咁問。
心心答:「但我仲有阿媽……」
係喎,心心喺單親家庭長大,兩母女相依為命,佢當然要填埋佢阿媽。
心心馬上提出解決方法:「好簡單啫,我哋三個互填,你填我,我填我阿媽,我阿媽填你。」
聽落好完美,我終於鬆一口氣。
但我諗諗吓,愈諗愈不安。
心媽本來都嫌我冇家底,配唔起心心,咁佢會唔會假意應承,結果唔填我個名,將我剷除?
「你諗多咗,我阿媽好善良㗎。」心心咁樣答。
唉,你阿媽對你梗係善良,對我就未必㗎嘛。
我有啲糾結,我就同好兄弟大偉講起呢件事。
大偉冇答我,反而講:「我覺得,十日後,我阿爸會死。」
我嚇咗一跳:「點解?」
原來,大偉一家三口約定咗,大偉填阿媽,阿媽填阿爸,阿爸填大偉。
大偉話:「但我知道,阿媽近幾年都唔妥阿爸。」
「你阿爸做咗咩壞事?」我問。
大偉答:「咪又係去廁所唔揭起廁板,阿媽講嘢佢就眼瞓,返到屋企就掛住睇馬經咁囉。」
我覺得:「都唔係好嚴重啫,生死關頭,你阿媽唔至於想佢死嘅。」
「但我見過阿媽打小人咒阿爸。」大偉加多句。
嘩,呢個跡象嚴重啲,我馬上問:「咁你打算點做?」
「我都冇辦法,假如我填阿爸,阿媽咪死梗?假如我話畀阿爸聽呢啲嘢,阿爸一定唔填阿媽。」
大偉嘆氣:「我唯有按照約定填阿媽,希望阿媽會填阿爸啦。」
忽然,大偉話鋒一轉:「佢哋結婚三十年,阿媽都可能唔填阿爸。你真係相信,一個同你見咗一次面,而且唔鍾意你嘅未來岳母,會填你個名?」
我沉默,我忍唔住諗,呢場大清洗後,到底有幾多恩愛嘅夫妻、甜蜜嘅情侶、父慈子孝嘅家庭,撕破和諧嘅假面目?
「但即使我唔信佢,又有邊個會填我呢?」我都好無奈。
下集:https://bit.ly/3eZO646
將專頁設定為「搶先看」/ "See first",最新故仔馬上睇!
割肉減肥:https://goo.gl/mOq2ri
睡公主的詛咒:http://bit.do/e6DFj
#短故 #短篇 #小說 #陳美濤 #廣東話 #粵語 #tomatochan #你肯唔肯定有人愛你
打小人 有冇 用 在 方以文 睇電視喇喂 Facebook 的精選貼文
🚫嚴禁劇透
🚫粗口自行過濾
🚫可瘋狂話戲屎但免外表批評人身攻擊
·
[1230隔夜超短劇評][ViuTV][打天下 EP07]
·
[讚] 教空手道嗰段,我意思係真係教而唔係得個講嗰啲幾好睇,不過想睇多啲又係冇嘅。用咁多時間畀位去搞笑不如拍吓佢哋練習幾熱血。
·
棠嫂萬斯敏同木村楊英偉分開做冇咁強勁嘅舞台劇感覺,今集棠嫂同阿談喺餐廳嗰段個氣氛節奏自然好多。有時舞台劇演員演電視劇,可能要搵啲演開電視電影嘅人去拉勻平衡返。
·
[彈]
又再一集係關氏父子、小玥母女、教空手道、莊惠母女加善善、李一當嘅陰謀嘅分段布局。今集多咗嘅係終於講大師兄呷老豆醋而去挑釁正師兄,但點解要播返之前咁多片段呢?
·
教空手道我以為係重點。搵道場嗰段拍得好簡單,如果係咁不如剪碎佢快快交代啦,橫掂上一集都已經開始搵,冇乜必要用依家呢個時間去交代。啲時間分配真係好大問題,爭紙皮都畀咁多時間做乜呢?小玥畀人打、關氏父子打小人係唔錯,但都係太長,睇嚟改做10集差唔多。
·
黃溢濠係好嘢嚟,但點解兩集都只係安排佢喺度數字叫同發癲呀?好嘥料呀😩
·
上一集袁綺雯飾演嗰個馬教練舊愛我以為佢最後會幫手搵到個場去練嘢,但完全唔關佢事,係演得幾好,不過真係多餘,唔知之後呢個角色仲有冇用。
·
[演員表] 歐錦棠 飾 馬剛正 / 文頌嫻 飾 莫可麗 / 談善言 飾 莊惠 / 江生 飾 關志浩 / 葉麗娜 飾 淩小玥 / 王頌茵 飾 何善善 / 張建聲 飾 武田國全 / 李潤祺 飾 關仁 / 李剛慧 飾 李天愛 / 楊英偉 飾 莊惠父 / 萬斯敏 飾 莊惠母 / 王思欽 飾 小玥母 / 高翰文 飾 小玥父 / 朱栢康 飾 李一當 / 施瑋延 飾 蠟筆 / 黎梓駿 飾 喇叭 / 黃溢濠 飾 阿細 / 倉田保昭 飾 武田寬
·
#1230隔夜超短劇評 #ViuTV #打天下 #歐錦棠 #文頌嫻 #談善言 #AnsonKong #葉麗娜 #王頌茵 #張建聲 #李潤祺 #李剛慧 #楊英偉 #萬斯敏 #王思欽 #高文翰 #朱栢康 #施瑋延 #黎梓駿 #提子駿 #黃溢濠 #倉田保昭