我同事Momo剛入行時唔知世途險惡，以為做Headhunt好簡單，俗語都有話啦，唔做中，唔做保，唔做媒人三代好，要周旋喺HR同埋求職者中間，諗都諗到唔易做啦！
Momo當年嘅頭炮已經遇著個極品客，介紹咗個畢業後做過兩份工咁大把嘅求職者畀對方，呢兩份工都分別做咗3年，算係咁啦，點知個客打電話嚟剷到Momo上天花板，問佢做咩介紹個咁Jumpy嘅人，收咗線之後，Momo嘅眼淚就好似泉水般洶湧。
冇錯冇錯，就係呢種感覺，你唔親身體驗下啲客係幾咁無理取鬧，係唔會了解呢一行有咩難度，明知對方橫蠻，都要硬食唔還拖吖嘛，就係呢份無助同委屈。
Momo本身就好眼淺，莫講話畀客鬧，有一次經理叫佢入房做appraisal，順便問埋佢對份工有咩睇法，呢啲例牌嘢嚟啫，同得閒飲茶冇分別，點知Momo講講下又喊喇，話覺得自己好冇用喎，生意唔多，辜負咗公司同埋同事。
嘩你唔好講呢啲啦，我想嘔呀，你冇辜負我哋呀，因為大家對你冇期望架，我哋對自己都冇期望，邊得閒理你呀？振作啲啦！如是者，大家都發覺Momo太容易喊，長此落去唔係辦法，所以好言相勸，希望佢慢慢變得硬淨啲，信我吖，出嚟做嘢唔夠硬淨，好易畀人蝦架！
過咗一段時間之後，Momo果然有改善，有時仲同啲客駁火，啱架喇，Keep住呢團火，對待非常客人就要用非常手法，但係某一日，我哋又見到Momo眼紅紅係咁捽，唔通進化到有淚不輕彈，但係內心千瘡百孔？層次高過斯坦尼斯拉夫斯基喎。
細問之下，原來今次唔係因為工作，而係長時間喺Office做嘢，對眼嘅水份被冷氣抽乾，戴咗CON嘅佢好唔舒服，想捽眼又怕整甩隻CON，打喊露同眨眼去分泌淚水都冇用。
傻Mo嚟嘅，用博士倫Bioture 1-DAY 全舒適CON吖嘛，佢有最高兩倍淚水穩定力，真正16小時長效保濕，解決眼乾問題，另一隻博士倫Bioture 1-DAY 全舒適漸進CON更加係近中遠視線都清晰無障礙，到你第時有老花都啱用！
記得以後真眼淚慳啲用，戴CON需要嘅淚水由博士倫幫你。
#博士倫Bioture #博士倫 博士倫香港 Bausch + Lomb #有淚多好 #有老花都幫到你 #唔值得為份牛工流一滴眼淚 #打工仔有淚不輕彈 #非常客人就要用非常手法
打工仔有淚不輕彈 在 心酸！「男兒有淚不輕彈」下一句才是重點7字看完網哭了 的相關結果
「男兒有淚不輕彈」下一句是「只因未到傷心處」，出自於明代李開先傳奇小說《林沖寶劍記》第37回，該書取材於《水滸傳》，並對原來的情節進行改編，第37回 ... ... <看更多>