【懶人文字版食評 😋 第15回】🍽 Jean May
地址：灣仔機利臣街14號地下A號舖
價錢：招牌鴨胸$312 ，牛肉他他$162 ，雞肝蓉巴菲$78，蒸餾水每位$20
人均消費：$500
時間：星期六晚上
人流: 全院滿座
入座方式：預訂
💡🙏🏻唔好意思，咁多位早排實在太忙，🍽文字上少咗同大家出食評。今餐同大家食好啲去咗一間近來灣仔都幾熱門👑嘅西餐廳。舊年疫情開店的Jean May 主打新派法式菜。大廚來頭不小，拜倫敦三星米芝連大廚Pierre Koffmann 為師，舊年輾轉來到香港灣仔開店，擁有自己的小天地！👏🏻👏🏻
🍲食物
算係最精彩的部份，款式雖然不多，但成餐飯都算滿足🥰。頭盤點了一個Chicken liver Parfait ，打得軟滑，口感一流，配上脆餅一起食更加有層次感。👉🏻另外一個頭盤牛肉他他，正常味道，牛肉口感咁香嫩細滑。主菜羊仔柳，🐑羊香味只是一般，但係肉質淋滑有肉汁，但我更加喜歡伴碟嘅薯蓉🤣香滑軟綿。💪🏻跟住就係佢嘅招牌菜鴨胸。一件有返咁上下厚度的鴨胸可以烹調到剛剛好，🔥火路控制掌握得不錯。做到外脆內軟。喜出望外更是份量不少，法國菜來講都算慷慨。每一份主菜大概200至$300左右。有以上質素，以香港來計都算合理。不是每道菜食都喜出望外，但我覺得質素及水準都係發揮之上。👍
🏠環境
在灣仔的橫街窄行，地點都是不太方便。店內嘅裝飾簡約牆上掛滿藝術照片。反而店內吸引我的是氣氛。每位服務員忙忙碌碌及開放廚房傳出嘅聲音及氣味，突顯了小酒館的應有特色。不造作，簡單直接。
🤷🏻♀️服務
服務員態度正常。不過而家去一些西式酒館，開始收每位客人茶水費。💧水都是用頂級過濾器出來的有汽水，每位收$20 ，全晚任飲。這個做法同一些高級西餐一樣，總係要order一支蒸餾水。不過老實講，當晚嘅水的確清甜，如果想抵啲都係飲有汽的過濾水比較抵玩🤣。
🌟總分3.5/5
當晚嘅體驗可以話係越食越興奮🕺🏻，前菜雖然出色，但係你總會預計到食物嘅味道。就正如你食高級吞拿魚腩，你會知道係咩味道及質地。☝🏻去到主菜，感覺上係交足功課。特別一提餐廳招牌菜鴨胸👄，無論買相，味道，及分量都比預計提升不少。成餐飯你會感覺到廚師穩中求勝🕶嘅心態，在基本食材上盡量做好。食物上基本我都滿意。有一樣野想挑剔，大家都知我鍾意吃喝玩樂，又點少美酒相伴。酒類飲品的確相對孤寒，🥂點了一杯白酒，份量只有酒杯的1/3。其實每間餐廳都有自己嘅尺度，但係以呢個份量，就算在法國飲都冇可能比咁少啦🙈，所以比我扣佢少少分。
#真實食評
#吃喝玩樂
jean may
招牌鴨胸 在 法式煎鴨胸佐洋梨鴨血醬汁烤迷迭香匯時蔬 - Facebook 的推薦與評價
食La cuisine de Yi-Ping 的法式煎鴨胸佐洋梨鴨血醬汁烤迷迭香匯時蔬 ... 法式煎鴨胸#古老紫蘿蔔#法式料理#法餐#鴨油#食譜做法#香料迷迭香#西洋梨鴨血醬汁#招牌菜. ... <看更多>