就嚟到櫻花盛開既季節，基本上東京有三大賞花熱點（上野公園／井之頭公園／目黑川）係好多人都會衝過去賞花！而其中目黑川就係最水泄不通，路又唔夠其如兩個公園寬，但勝在食肆多飲酒既地方亦充足😂😂😂
當中有一間沾麵（つけ麺）間舖平時都已經要等位，上年仲要排到去後面超市到，我咪好好奇入去試食吓，睇睇同出面既沾麵有乜唔同先～依家唔食就要等4月中,
櫻花潮過咗無乜人既時候食架啦！
首先係丫仁好怕食到蛋黃拉麵（即超市買到麵底好黃個種）作為麵家，三ツ矢堂製麵既麵一定係自家製麵條！條條都好咬口，要用少少力去切斷🤗🤗點嘢食嗰時，店員仲會問你要唔要紙圍裙（かみエプロン）真係細心😏因為沾麵會偏濃味，可能有越食越鹹既情況出現，呢個時候記得用枱面上嘅湯壺（割りスープ）加到湯到（一般都係食到尾先會加）就會出現第二種層次！！所以食沾麵並唔係食晒個麵就算，湯都唔可以忽視既精華呢～～😳
餐牌唔會只係得魚介／雞骨湯底，每隔個月又會見到有新花款～之前出過柚子／肉碎／咖哩／拿破崙麺（ナポリタン）甚至加入芝士醬成為超人氣TOPPING，好多人都希望可以隨單品都會送！！芝士醬香到不得了，就算加入濃味既汁到都唔會蓋過原本既味😎👍🏼嫌中目黑遠的話，亦可以去中心少少既高田馬場架！不過今年多左「中目黑高架下」食肆多左，應該唔會再排晒長隊架啦～
地址：東京都目黒区上目黒3-3-9 第２牡丹ビル
時間：11:30～翌2:00(L.O.1:30)
交通：日比谷線中目黒駅西口一出就到
官網：http://idc-inc.jp/index.html
#芝士醬 #三ツ矢堂製麵 #つけ麺 #沾麵 #中目黑 #高田馬場 #拿破崙麺 #目黑川 #井之頭公園 #上野公園 #櫻花盛開 #中目黑高架下
