呢場黑黑相惠大龍鳳對成個政府嘅形勢係零幫助。警隊同牛屎佬究竟係咪弱智㗎？到底邊個諗出嚟嘅屎橋？條條片都係見人就打，有啲可能本身都係撐警撐政府市民嚟㗎喎！打電話報警都有可能係撐警撐政府市民嚟㗎喎！除咗議員同記者，牛屎佬連老弱婦孺都唔放過，有張相被打爆頭嗰位只係一名著灰色衫嘅老伯伯！仲有大肚婆！！！！！
如果成件事係牛屎佬揚言要打人，然後警隊部處好再出手保護市民打鳩班牛屎佬。立場不定嘅人、撐警撐政府市民都會通通話讚揚警隊，又會串返之前反警反政府嘅市民今次咪又係警察係救你哋！而反警嘅市民對警察嘅恨都唔會點加深，反而仲信警隊仲有少少人性。即使成個大龍鳳都係警隊同牛屎佬編排嘅一套劇。
但唔好意思，今次位編劇係弱智㗎。首先安排啲999接線生玩嘢cut線或者講埋啲零專業嘅對白『驚就唔好出街！』，行街警見到有大批牛屎佬打人一定要調頭走呀！因為要跟次序出場㗎嘛！當牛屎佬打到咁上下啦夠晒畫面啦就叫佢哋徹退。嗰10位警察就進場行下catwalk影下相交差話有到場㗎！拉唔到人之嘛。之後你班市民打唔到電話想行去警署報案呀！？我哋就玩落閘收皮先！有報案一陣又要寫report，有晒片有晒證據又要搞一輪！所以呢我就不接受報案㗎啦！等你哋班人知道警隊嘅重要性呀嘛。收工。
今晚過後，撐警撐政府嘅市民會沈默反思或什轉向，反警反政府嘅市民會震怒到喊同政府誓不兩立。市民唔會再相信警隊入面嘅人存有一絲良知，中立嘅人唔再存在。不論係中西區定元朗，警黑一家嘅暴行係會分享至世界各地。呢啲無法無天嘅行為係會受到國際譴責，深深影響香港長期美好嘅形象同經濟。我相信物極必反，林鄭政府同佢嘅黑警離地獄嘅日子又邁進一大步。
#的確好無助又好嬲好想喊
#但今日我哋畀更多人看清呢個政府同班黑警
#地獄中最黑暗的角落是那些在道德存亡之際
#仍然堅守中立的人。
#進行城寨時代
#警黑一家合作無間
#編劇係咪姓何
——————————————
更新 :
緊急發起明天罷市罷工罷課，理由係今晚元朗發生的事件，顯示香港政府同香港警察已經無能力保障市民生命財產安全，現呼籲全港市民發起三罷，直至政府及警察為事件作出交代，
包括：
1）全數緝拿涉事兇徒歸案
2）全盤交代警力不足及遲遲不到現場原因，追究一切相關人事責任
3）因應有市民拍到立法會議員何君堯於事發前與疑似元朗黑道中人相約面談，要求徹查何於事件中的角色！
以上三項，缺一回應，堅持無限期三罷！
請廣傳轉發！
