【易潔鑊化學層脫落食咗「好大鑊」】#Like健康Tips
易潔鑊嘅出現，令好多人脫離「地獄廚神」惡名，升級至「食得下人」level。
若果簡單煎隻蛋、炒碟菜都叫入得廚房，有隻易潔鑊，都唔使擔心被人嫌廢。之但係世界有善亦有醜惡，易潔鑊唔黐底嘅秘密，在於其防黏塗層。部分易潔鑊用上PTFE塗層，呢種物質喺烹調過程中有可能釋出PFOA。
有動物研究顯示，呢種物質有可能損害肝臟、生殖功能及致癌。PFOA喺2000年代已被發現有毒及會致癌，喺美國已被禁用。近年好多易潔鑊都標明不含PFOA或不用PTFE，但有仍有部分沒有標示用料成分。
為健康著想，建議大家唔好買無牌子或無標示製造成分嘅易潔鑊。
其實就算無用PTFE或PFOA，但生產商可以用類似物質代替，化學嘢接觸得多都係唔好。所以大家使用易潔鑊時，第一守則係唔好用太高溫煮食。如易潔鑊被加熱至超過攝氏250度，會令塗層變得唔穩定，有機會釋放有害物質。
使用時，盡量唔好「乾煎」或「空燒镬」，煮食前宜先喺鑊加油或水先開火，等熱力轉移，使鑊嘅溫度唔會太高。另外，唔好用金屬鑊鏟或用具煮食，以免刮花塗層，食咗化學物落肚。
最好唔好用易潔鑊炒蝦蟹，刮花塗層，又係自己食。煮食後，記住等鑊冷卻咗先好洗，唔好用冷水浸，一冷一熱，塗層好快玩完。唔好用百潔布、鋼絲刷洗鑊，亦唔好放入洗碗碟洗。
=====================⠀⠀⠀⠀
【每日送上優質生活Tips】http://www.likemagazine.com.hk/
【Follow IG】http://instagr.am/likemagazinehk
易潔鑊塗層脫落 在 職人吹水| [正確使用易潔鑊] - Facebook 的推薦與評價
易潔鑊 從來都是有損耗的產品，平貴及耐用度完全視乎塗層物料的廠商跟鑊具製作上的工藝而定，至於因食用脫落塗層而引致的健康問題，情況跟食用窩蛋牛肉飯會引致禽流感 ... ... <看更多>