🎈古琴雅苑 (太子集團中心) (尖沙咀)
🔍尖沙咀北京道12A號太子集團中心15樓
-----
自從限聚之後，好耐都冇同家姐、媽咪、爹哋一齊出街食飯，媽咪喺屋企日煮夜煮非常辛苦，所以琴晚就帶佢哋出嚟食中菜，等媽咪可以休息返一日☺️。
餐廳呈一個四四方方嘅正方形，其中兩邊都係全玻璃窗戶，採光度十足，夜晚嘅景色亦都好開揚，整體用餐環境舒適。
🥢雞絲粉皮$75
晶凝通透嘅粉皮，柔軟而不失彈牙，麻醬份量落得頗重手，加上餐廳選用嘅粉皮呈微微捲曲狀，正好兜住啲醬料，食落會比較濃味，重口味嘅👶🏻B仔個人幾鍾意。
🦆烤北京填鴨$185-半隻
店員會先上一口酥及醬料，所謂一口酥就係將填鴨最酥嘅部分切出黎，比大家蘸點少少秘製蜂蜜黃梅醬同埋砂糖食用，入口酥酥化化，油香滿嘴。食完之後，片好嘅填鴨就會送上，記得趁鴨卷餅仲熱辣辣，就將京蔥、青瓜、哈密瓜、京醬同鴨肉片迅速包裹在內，一啖咬落去，豐富嘅口感層次會令每個味蕾都感到幸福非常。
🐥砂鍋雲吞雞 $168
奶白色嘅湯頭浸泡住原隻嫩口春雞，加埋大量索汁白菜、扎實雲吞，整體湯底清甜，又飽肚暖胃，好啱一家人share嚟食。
🐟風味松子魚 $238
呢碟色澤亮麗嘅松子魚，係次次食親上海菜都必叫嘅，因為自己整工序相對繁複，所以一般都唔會係屋企煮。佢哋嘅松子魚炸得皮酥肉嫩，加上濃稠得宜嘅糖醋汁作調味，甜酸開胃，非常催人食慾。
🥄紅糖桂花湯圓 $32
裏面一共有六粒湯圓，湯圓皮薄，餡料係芝麻餡，如果冇食錯應該係小寧波湯圓，加上甜得黎又自帶清香嘅薑味紅糖桂花糖水，整體不錯，但唔算難整，自己喺屋企都應該整到，下次都係試下比較考功夫嘅高力豆沙。
🍴杞子桂花糕 $45
冰涼爽口嘅杞子桂花糕，味道清新自然，質感係大菜糕嘅口感，整體甜度低，怕甜膩嘅長輩幾啱食呢款甜品。
💕PS：
◆北京烤鴨配料（青瓜、哈蜜瓜、京蔥）及醬料（京醬、蜂蜜黃梅醬）可免費添加
◆茶飲有5款唔同嘅國產茶葉供選擇「玫瑰荔枝茶、桂花烏龍、茉莉香片、陳年普洱、胎菊王」*每人$13 一個茶位🫖
👶🏻B仔整體評價：7.9/10個👍🏻
👶🏻B仔抵食程度：7.5/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
跟住我一齊吞食香港啦！🤤
#swallowtst
#北京填鴨 @古琴雅苑 Zither Garden
晶沙酥評價 在 阿美麻糬- 『商品介紹-晶沙酥』 來到阿美麻糬 你知道什麼必買 ... 的推薦與評價
晶沙酥 有著多層次酥皮， 內餡嚴選紅土鴨蛋核心鹹蛋黃研磨成金黃細沙狀 ， 加上香甜細柔的白鳳豆餡及頂級紐西蘭奶油， 在酥皮的表面刷上蛋汁輕撒 特級芝士粉， ... ... <看更多>