關於 最後加左飲品 ，我們在網路上蒐集到這些相關的討論、資訊與評價

【六神下海】
呢間由前藝人Oscar創立嘅生煎包店，最近為左慶祝開張6周年，推出左期間限定嘅「下海小籠包」，每籠有白、紅、黑、橙、黃、綠，6種顏色嘅小籠包！

賣相就夠繽紛啦，而味道方面，小編試食完嘅排名係：

1. 黑（墨魚汁配燒汁鰻魚味）：鰻魚配小籠包係咪好難想像？食落鰻魚味算幾濃，而且同鮮肉原來都夾到！夠晒驚喜！
2. 白（原味）：可能因為無添加其他味道，呢款嘅肉味同湯汁嘅鮮甜度都係最突出，鰻魚味係有創意分搭救先拎到第一名！
3. 紅（紅菜頭汁配胡椒蟹味）：一咬落就有食到蟹嘅味道，慢慢會滲出胡椒味，但只係好輕微，唔食辣嘅朋友一啲都唔洗驚會辣！
4. 綠（斑蘭汁配蒜蓉瀨尿蝦味）：呢個系列有兩款蝦味，呢款就比較明顯食到有蝦嘅味道！食食下仲有少少大排擋嘅椒鹽味，幾得意！
5. 黃（日式咖哩汁配咖哩墨魚味）：入口有淡淡地嘅咖哩味，但好似唔係太食到墨魚喎！
6. 橙（甘筍汁配冬陰公蝦肉味）：如果唔睇介紹，小編會覺得呢款係原味（淡味版）！食唔到冬陰公嘅味道之餘，原本肉汁嘅味道又溝淡左！

五顏六色嘅小籠包唔係第一次見，但呢間嘅配搭都幾創新，而且小籠包嘅皮、肉質同湯汁份量都掌握得唔錯，可以一試！

上海生煎皇
旺角豉油街72號
深水埗福榮街100號

#foodtone #旺角有咩食 #人氣生煎包店 #六色小籠包 #特色口味 #始終原味最好味 #夜晚六點後先有得𧷗 #小插曲 #店員話唔可以單點外賣 #最後加左飲品 #但之後見到有人單點喎 #有冇人試過 #究竟有冇俾人呃

=====================================
想睇更多搵食資訊？即刻訂閱《Foodtone飲食通》全新YouTube頻道！
https://www.youtube.com/channel/UCdEUKatIDGKZgnDxRiK4STw

咁多間海南雞飯真係唔知從何入手
咁就先搵左分店比較多既水門雞飯做入門
裝修到冷氣溫度都非常泰式,即係唔夠凍,笑
30幾度好難要求佢變雪房既,不過飲返杯佢既冰沙就即刻降到溫,真心涼！

尖沙咀分店長期排隊,旺角就好少少,當日7點幾只排數分鐘就安排到位!
店員都有好有效率！服務態度亦好好！
落訂單後先上飲品，即時解渴先！再黎就係雞飯同湯河上菜
要炸既雞翼就最後先上！

海南雞飯雞夠滑，但就咁食個味道偏淡，點返少少佢比既醬汁食，味道豐富好多！
雞肉唔肥，但都做到嫩滑質感，唔錯！
另外送上一碗雞湯，飲到濃濃既胡椒味，平時既只係雞湯！佢係胡椒冬瓜雞湯～
油飯方面，泰國米加香料煮，食落爽身唔油膩，入口淡淡香氣散出黎
炸雞就唔得，唔係即炸，預炸放耐左，唔脆身～雞肉亦唔滑

湯河有驚喜,湯色深,飲落夠燙口,河粉條唔怪佢,來貨碎左d
個湯底好夠味,濃郁鮮甜,救返成碗粉,肉丸同牛肉片就係無乜特色,係牛肉夠大片,但熟左少少

炸雞翼,夠脆身,即炸,咬開有肉汁,本身亦夠味,唔洗另外靠醬汁

泰式檸茶加冰沙,夠解渴！
#水門雞飯 #泰式 #海南雞飯 #海南雞飯 #旺角美食 #尖沙咀 #元朗國 #黃店 #黃色經濟圈
#canonphotography #BLOG #blogger #HKBLOG #hkblogger #HKFOOD #HKFOODBLOG
#hkfoodblogger #HKIG #HKIGFOOD #HKIGFOODBLOG #hkigblogger
#foodie #foodiehk #hkfoodie

銅鑼灣越開越開多新餐廳,除左好多過江龍之外,亦有好多東南亞菜
今次有朋友介紹,開左一間新既泰式餐廳
咁一於襯有時間就約人食飯
晚市有2或4人餐,價錢平均200蚊一位
湯品2選1,冬蔭海鮮或椰汁雞湯
小食三款選一,酸辣鳳爪或脆炸蝦餅,或青木瓜沙律
主食,海南雞半隻或原隻滷手豬手或青黃咖哩豬雞牛
仲未完,仲要上多碟泰式炒雜菜,仲有2碗油飯,包飲品2杯
未食已經覺得肯定食唔曬,呢個份量根本夠3-4人食...lol
$398咁多野食,最好自備外賣盒,食剩唔好浪費！
最快先上飲品，凍檸茶無乜特別，茶味唔夠濃

再黎就係唔洗煮既海南雞飯,有加熱過

份量超勁,半隻?!雞胸肉厚,皮薄帶脂,但本身雞味淡,浸雞應該無咩落香料,食唔到
但唔算柴皮,合格水準,雞肉厚身啖啖肉,靠個辣汁同黑醬汁提味
再黎兩碗勁大油飯,食得出好乾爽,淡淡油香,薑黃唔會重味

再黎就係炒雜菜
乜都有,大堆頭,連椰菜花都有,估佢唔到
炒出黎幾香口,份量又係勁大碟,食左七成已經投降

再黎就飲湯,冬蔭功湯,足料酸辣,料頭比足,蝦,魷魚,各種香料,飲落味濃刺激開胃
全靠佢解膩將個兩人餐食得七七八八,係好飲既



我忘記左原來仲有個大佬,叫做炸蝦餅~四大件!牛肉咁大球~

炸至脆身黃金色澤,咬開勁彈牙,仲有蝦肉碎,出奇地好食,咁大粒都咁彈牙香脆

最後只食剩2件雞半碗飯,總算無浪費廚房心機
食量細既朋友唔好點2人餐,肯定食唔曬,份量勁多
足料抵食,價錢合理,食物水準中上水平 冷氣夠勁凍

#銅鑼灣 駱克道463-483號 #銅鑼灣廣場 2期6樓
#泰式 #泰國菜 #銅鑼灣美食 #炸蝦餅 #堂食 #外賣

抗疫生活,連帶飲食生活都大改變
放題燒肉已經好耐無食過了
最近旺角有間新開既,好勇敢,只做午市都照開
而家仲做緊指定放題買一送一
平均一位都係$200左右,情人節前就去左試
選擇都唔少,同時提供刺身一盤

無限刺身要另加錢,一分錢一分貨,明的
主力食燒肉就對了！濕式熟成牛西冷
芝士雞腿肉，韓式醬油牛肋肉，甲羅燒
魚乾，米澤三元豚肉，牛板鍵等等
海鮮也有牛油廣島蠔，虎蝦，帆立貝
飲品自助自取,雪條雪糕也是自助取

刺身會先上兩人份量,食過想追加考慮
我自己就建議黎到主力燒肉!時間有限

食完刺身就上埋肉同海鮮

海鮮質質唔錯,鮮度合格,肉有調味
有醬汁要睇火慢慢燒就OK,海鮮放埋邊燒

自助調味料區自己拿燒肉醬汁,辣粉等醬料

牛肉質感以平均200蚊一位唔錯
就算無調味既濕式熟成肉一樣好食
落左第一盤肉就建議你追加下一輪食乜
人多上菜快,叫左好快就上埋

芝士雞肉就將烤熟既雞腿肉沾芝士汁食
韓式熱芝士食法,虎蝦連殼燒,肉質還好
個人比較喜歡食調左味既肉,燒熱就食得

次輪食芝士廣島蠔,雞肉等等
肉本身油花重脂感濃,配返個冷素麵食會中和下

另有一些小吃類炸芝士條小丸子,天婦羅等
感覺上就無咁特別,亦好飽肚,都係試少少就夠

牛肉方面,真係幾有質素,牛舌亦切得厚身
肉解凍方面亦做得好,唔會好似另一間成片凍肉比你食,燒肉最忌做解凍做得差

最後食埋甜品就埋單
整體都抵食,想食就訂位比較穩陣,旺角區多人食怕要排隊
旺角彌敦道700號T.O.P. This is Our Place 4樓409A & 409 B號舖
Shop 409A & 409B, 4/F, T.O.P. This is Our Place , 700 Nathan Road, Mong Kok
21519939
61448242 (whatsapp)