🐂人生必試一次的關西風壽喜燒？🥢
-
依間咁出名嘅壽喜燒就唔需要同你講有幾好食，可能有唔少人已經食過好幾次，所以依個post純粹提大家又到book位嘅時間喇🤣 皆因依一間就算見到幾好食都好，假期嘅日子最好早一個月book，仲要注明食sukiyaki set (須預訂)，如果唔係可能想食都冇得食🤷🏽♀️ 而今次去嘅依間係中環嘅第三分店，係今年二月份開，由於比較新，訂位相對比較容易~
-
Sukiyaki Lunch Set ($580/位) 建議預約bar枱位，有啲似食omakase feel，卡位坐得就較舒服，兩邊都有師父幫手煮。
*
<前菜>
味噌漬茄子🍆 青紅椒&茄子，配搭下層係粒粒桃膠，整體口感幾特別
*
<蒸物>
櫻花蝦蒸蛋，面層嘅櫻花蝦唔係全乾身個種，係比較大隻飽滿，蝦嘅鮮味好出，但就偏腥左啲，腥在有薑蓉緩和一下。而蒸蛋就幾滑溜🥰
*
<壽喜燒>
有牛同豬可以選擇，牛肉就採用左A4近江牛 (牛西冷，2款牛肩胛) 晚餐好似會多一款牛肉眼。師傅會先放糖，再放肉，途中會倒入壽喜燒醬汁。牛肉軟淋入味，而且口感嫩滑。西冷就肉味較濃，但質感都同樣柔軟。為免一次過食牛肉會膩，所以會梅花間竹咁加插蔬菜環節🤣 食材多新鮮，由其係洋蔥吸哂壽喜燒嘅精華，甜而爽脆，蒟蒻麵個種QQ彈彈嘅口感更係一試上癮♥️
*
<滑蛋牛肉飯>
煎香啲牛肉碎再加雞蛋一齊煮，蛋香味濃，而且仲keep到蛋汁。聽到隔離枱可以選擇多飯定少飯，但就冇問到我哋☹️ 蔥嘅份量亦都可以叫師傅調教
*
<甜品>
每人一球雪糕，問左係日本來貨🇯🇵 由於當日係慶祝生日，店員唔記得左，所以補返兩球雪糕加美美擺盤🌿 試左抹茶，oreo同椰子，三隻味道都不錯
-
すき焼 森 (歌賦街) (中環)
中環歌賦街29-31號地庫
櫻花蝦蒸蛋 在 櫻花蝦蒸水蛋私家車廚房簡易食譜- YouTube 的推薦與評價
私家車廚房新手入廚冇難度感謝每一位關注及訂閱我的朋友車車是一個非常喜歡煮食、熱愛下廚的家庭煮婦在這裡紀錄著我和我家人及朋友都喜愛的菜式. ... <看更多>