平時唔會點樣留意high brand嘢！丫仁見到朋友去完原宿嘅LV&展影啲相好靚，見唔使錢入場就即刻book咗個時間，哪怕自己一個人都衝入去睇一睇。
與其話係一個藝術展覽倒不如話係一個show Room，展示LV的一生同點樣影響時裝界。除咗手袋之外，原來仲出咗好多旅行用品、摺疊式帆布床、行李箱型拉書枱等等家居用品都想食一杯羹，連最近好多藝人都收到LV香水都有展出。
最初入到去見到嘅圍巾展，歷代LV專屬designer設計嘅圍巾mount喺帆布板上又有另一個味道，最近期名畫系列甚至乎係有埋金線刺繡添🥰再踩入另一個真真正正手袋嘅世界，小弟真係冇咩興趣，反而周邊side products搶走我嘅眼球，例如LV嘅縮骨遮、唔同物料嘅使用的確係令我眼前一亮，唔覺唔覺原來係我生命裏面都見到好多個系列嘅LV袋出現，由classic皮到牛仔布、再度黑藍沉實穩重系列、去到村上隆彩虹可愛版本、龍虎豹暴走族畫風到波點女王草間彌生、街頭supreme series全部都好似係我身邊都有好深嘅印象。令一邊就係新進designer cross 專櫃，珠珠串？碎布浮誇collage？起角LV設計都有，完全突破晒啲框框，出唔出就who knows
最後到時裝區，眼見男裝原來有啲系列真心着得上身，丫仁一直都覺得high brand啲Fashion通常都浮誇嶄新搵gimmick，亦有幻想過自己着想去嘅時候會係似土豪？還是入型入格當一個衣架晾得起件衫？最後走出展覽廳就係禮物專區，邊買得起啊！走咗之後丫仁先發現自己對LV嘅香水有少少興趣，希望bonus可以多少少買一支仔嚟試吓🙈
#Louisvuittonand
波點女王草間彌生 在 波點女王- Explore 的推薦與評價
M+博物館現正舉行「草間彌生：一九四五年至今」展覽，這是人稱「波點女王」的草間彌生在日本以外亞洲地區的最大型回顧展。 93歲的日本著名當代藝術家草間彌生曾透露，年 ... ... <看更多>