#戶外好去處 #影燈塔秘位超靚
剛過去嘅復活節假期,我哋除咗去流水響+鶴藪,仲去咗 #鶴咀。今次係第三次去😆,路線同以前冇分別,但帶住細佬B,反而行少咗某 d 景點,所以我補咗 d 舊相比各位參考👀。
筲箕灣港鐵站外,坐9號巴士🚌,大約半小時內到達鶴咀道落車,沿石屎車路行45分鐘至1小時,到達鶴咀電台位置,繼續向海邊方向行。多人嘅時候要小心行❗,崖邊位置有點兒窄。
接住返出石屎路,行前多少少,左邊有條樓梯,行到最頂轉左,會見到一間類似破屋,果度就係 #遙望燈塔嘅靚位,燈塔旁有橙色頂建築物,加上䇄立崖邊,影幾多次相都勁靚📸。雖然路徑容易,樓梯亦短,小朋友都行到,但上到最頂冇圍欄,千祈唔好比小朋友自己周圍跑🚫。
影完相,落番黎,繼續向海岸進發。仍然都係寛闊石屎路,好快見到一大片海,心曠神怡。正常情況下,行畢石屎路可直達鯨魚骨,不過道路維修關係,要繞道落石灘,先可以到達最盡頭嘅岸邊及 #蟹洞,帶住細佬B,怕跣腳危險,今次就唔行到最盡頭了,留喺石灘摸摸石仔就算。
另外,仲有必到點 #雷音洞,大浪從洞隙中打入,驚濤拍岸,值得一睇。遊完幾個景點,時間差唔多,從原路行番出去,#今次冇上燈塔,可以參考舊相,沿斜路行上去,亦係打卡熱點。來回共行 9公里,用咗 2.5小時。
⭐路線易行,但注意岸邊/崖邊位置要小心
⭐遇正假日,筲箕灣9號巴士會多人搭,因為佢嘅總站係石澳,及途經龍脊起步點。預多少少時間等車,走嘅時間都係,可能需要等幾班車先上到。
⭐一路上冇遮蔭,黎緊夏天陽光猛烈時記得擔把遮,冇咁辛苦。
#行山 #戶外活動 #親子好去處 #假日好去處 #海岸保護區 #kidshiking #hiking
同時也有3部Youtube影片,追蹤數超過9萬的網紅David 大衛,也在其Youtube影片中提到,流水響 - 有「香港小桂林」及「天空之鏡」的美譽,這裡山水一色,塘水澄綠無痕。塘畔有白千層和落羽松圍繞,落羽松會隨著四季變化,轉換成橙、黃、褐等不同顏色,10至12月時更會結毬果和開花。沿途亦有不少白花魚藤,在林間攀附生長。 加入會員支持大衛:https://www.youtube.com/cha...
流水響鶴藪 在 Nana 媽媽 × 藍哥。璦妹。礥弟 Facebook 的精選貼文
一連五日嘅復活節假期,天氣算唔錯,只有清明當日有小陣雨,其餘時間都有太陽🌞微風,適合戶外行山郊遊。
上星期六,我哋去咗 #流水響 + #鶴藪,呢個路線話難唔難,話易唔易,睇下你點行,想行幾遠🤔。今次,我哋行嘅路線,較為適合大年紀嘅小朋友家庭。影相 + hea + 行 用咗 3小時,共 9公里。
粉嶺港鐵站外搭 52B 專線小巴,行鶴藪道,到達流水響。流水響水塘本來係攝影勝地,年頭時大家都紛紛黎影📸「天空之鏡」,不過今次黎到,整個塘已經乾涸,靚相就冇喇,但行落塘底橫過對面岸,都幾特別嘅😅。
沿郊遊徑行走,路面係舖過嘅路,算易行,大約唔夠半小時到達分岔位,一邊往「大埔公路」,一邊往「九龍坑山」,我哋向九龍坑山方向進發,會開始變成石屎路及上斜,吃力的💪🏻。
再約大半小時,到達涼亭,會有指示牌指引返回「流水響」,接行衞奕信徑,向鶴藪水塘走。差唔多進入鶴藪時,有頗多山路樓梯需要下走,需小心翼翼,有 d 位置土地較乾,容易跣腳。
落完一大堆樓梯,見到鶴藪水塘,影幾張相,就可以沿鶴藪道離開。到達村口有農田,村民售賣各種有機即摘蔬菜🥬。有一家叫「瑰蘭」,主要賣花,有位婆婆以前曾經比我哋落田揀生菜、自己拔紅菜頭、摘木瓜等。但可惜,今次過去,未有收成,我哋唯有空手而回。所以都要看彩數😬。
⭐小提示: 流水響及鶴藪郊遊徑,路線多變,可長可短,自行選擇適合自己的。長嘅可延伸上九龍坑山頂、沙羅洞、屏風山過八仙嶺 (呢幾個路線我哋都行過,屬長途 + 體力)。如果同細小朋友/BB 就可以留喺水塘邊兜下圈、野餐🥰。
#行山 #郊遊 #kidshiking #hiking #戶外
流水響鶴藪 在 籽想旅行 Facebook 的最讚貼文
📝 駐場博客| 蒲.臺島 Gold2TW
西貢的北港古道,與馬鞍山的茅坪古道互相連接,屬百年前嘅古人步道。北港有兩條竹林隧道,竹葉、竹幹密不見天,仿如進入穿越時空之秘道,靜看昔日足跡。 bit.ly/2JamTl0
〖#香港山野行〗
>油塘魔鬼山遊碉堡廢墟 半小時攻頂賞270度維港景 bit.ly/3m3bTnC
>行兩小時登釣魚翁 手腳並用攻頂考體力 bit.ly/3m6Oul9
>輕鬆行流水響鶴藪水塘 遠離煩囂最啱放空 bit.ly/2UZJfrH
#竹林似京都嵐山 #做一日鄉港古人
==============
8大一日遊行程懶人包 食盡本地海鮮農家菜
即睇《遊嚐假期2020》電子書 bit.ly/365oYXW
==============
想知更多 #籽想旅行 活動👉🏻 bit.ly/35OmrRK
==============
🍎 8折全年睇《蘋果》即慳$121!
現有日費訂戶亦可轉訂:bit.ly/33tEOZC
流水響鶴藪 在 David 大衛 Youtube 的精選貼文
流水響 - 有「香港小桂林」及「天空之鏡」的美譽,這裡山水一色,塘水澄綠無痕。塘畔有白千層和落羽松圍繞,落羽松會隨著四季變化,轉換成橙、黃、褐等不同顏色,10至12月時更會結毬果和開花。沿途亦有不少白花魚藤,在林間攀附生長。
加入會員支持大衛:https://www.youtube.com/channel/UCuXXWWJQcYNZ641hmejr_3Q/join
加入方式示範 : https://www.instagram.com/p/CFoynJXpnYZ/?igshid=1doq8algqavot
大衛 Facebook : https://www.facebook.com/DaiWaiChannel
大衛 Instagram:https://www.instagram.com/DavidYoutubeChannel/
https://www.discoverhongkong.com/tc/see-do/great-outdoors/hikes/shing-mun-country-park.jsp
流水響鶴藪 在 果籽 Youtube 的最佳解答
大家好!行山愛好者JoyeeWalker繼續帶大家行不同的行山路線。今天就帶大家走一條有水塘美景又相當輕鬆的行山路線,由流水響水塘到鶴藪水塘。
《果籽》栽種品味,一籽了然。
https://hk.appledaily.com/realtime/lifestyle/
流水響鶴藪 在 隨我行FolloMe Youtube 的精選貼文
流水響位於新界東北,在龍山及石坳山之間,屬八仙嶺郊野公園範圍。流水響是一個灌溉水塘,水塘的湖面非常平靜。天清氣朗時,天空的藍天白雲及湖畔的白千層樹林的倒影,都能映照在湖面上,尤如一面「天空之鏡」。
Lau Shui Heung is a reservoir which is located at Northeast of New Territories. It has long lost its irrigation function for agricultural lands nearby as Hong Kong’s farming lands have become a rarity.
路線分享 ‧【流水響 Lau Shui Heung】: http://wp.me/P6CvAS-3WV
遊記分享 ‧《流水響現天空之鏡 反映積極人生》: http://wp.me/p6CvAS-3OO
BGM: 産風(うみかじ) by 昂-TAKASHI- (from DOVA-SYNDROME: http://dova-s.jp/)
#流水響 #新界東北 #珍貴水塘 #山野航拍 #Phantom4