#PRAYA //而香港仲有一個獨有英語辭彙就係「海旁（Praya）」，呢個無論響英國同美國都無嘅英文詞，而居然係殖民地香港專有嘅辭彙。「Praya」響香港英文特指城前海旁嘅石路；其實係原自葡萄牙語「Praia」，但原來意思係海灘、海岸或者海灣。而響澳門嘅南灣（Nam Van）嘅葡萄牙語就係「Praia Grande」，意指「大灣」。
第四任港督寳寧爵士（Sir John Bowring）任內欲推動「寳寧塡海計劃」但被寳順洋行大班兼定例局議員員顛地（Lancelot Dent）批評塡海計劃侵犯原海旁地段邊界業權、破壞景觀等。塡海計劃擾攘近四十年，第十任港督德輔爵士（Sir George William Des Vœux）正式推動海旁塡海計劃（Praya Reclamation Scheme）；其實最初「Praya」祇係響香港葡裔社區內使用嘅，後黎變成香港專有詞語。
自此，海旁英文就自動謂爲「Praya」，無論係堅彌地城海旁、長洲海傍、鯉魚門海旁、香港仔海旁、田灣海旁都係咁。//
#殖民管治 #海旁 #寳寧 #德輔 #海旁塡海計劃
《街道尋眞》
第一話 「PRAYA 海旁」
過往港式英文帶畀人一種唔好嘅印象，有啲人會刻意眨低添。有唔少港式英文流傳海外，發揚光大，例如「飮茶（Yum Cha）」、「Kaifong（街坊）」呢啲經廣東話變成英文嘅外來語。香港有嘅英文詞，英國都唔一定有；例如「着數（Jetso）」、「Chop」嘅港式英文。
而香港仲有一個獨有英語辭彙就係「海旁（Praya）」，呢個無論響英國同美國都無嘅英文詞，而居然係殖民地香港專有嘅辭彙。「Praya」響香港英文特指城前海旁嘅石路；其實係原自葡萄牙語「Praia」，但原來意思係海灘、海岸或者海灣。而響澳門嘅南灣（Nam Van）嘅葡萄牙語就係「Praia Grande」，意指「大灣」。
第四任港督寳寧爵士（Sir John Bowring）任內欲推動「寳寧塡海計劃」但被寳順洋行大班兼定例局議員員顛地（Lancelot Dent）批評塡海計劃侵犯原海旁地段邊界業權、破壞景觀等。塡海計劃擾攘近四十年，第十任港督德輔爵士（Sir George William Des Vœux）正式推動海旁塡海計劃（Praya Reclamation Scheme）；其實最初「Praya」祇係響香港葡裔社區內使用嘅，後黎變成香港專有詞語。
自此，海旁英文就自動謂爲「Praya」，無論係堅彌地城海旁、長洲海傍、鯉魚門海旁、香港仔海旁、田灣海旁都係咁。
♫～邊一個發明了海旁（咦唔岩音嘅）♩～
文 Gary Yau
攝 Lok Ho Lam、Mike Yuen
