【去堅尼地城玩呀】
📍卑路乍灣海濱公園
回程時，uber 司機都話「嘩，去到咁遠玩」🤪，係呀，我地由北區遠征堅尼地城，過咗好滿足嘅一日😊！
原本係為咗完成哥哥嘅暑期任務，搭叮叮🚎！對於北區小朋友黎講，搭叮叮真係好特別嘅體驗🥰，今次仲有學校送嘅免費搭電車車票🤗。
由銅鑼灣搭叮叮到堅尼地城，小朋友見到自己同雙層巴士一樣高，真係好興奮😂！
去 #堅尼地城 總站附近嘅 #卑路乍灣海濱長廊，因為知道有啲非一般遊樂設施😁！
呢度嘅設施簡約，大部分都可以 #隨意移動，兩兄弟超❗級❗鍾❗意❗可隨意組合嘅 #膠卡板，推來拉去，平瞓企直， #設計出自己嘅遊樂場😍！
仲有好多可以坐上去飛嘅 # 裝貨箱🛒，好多小朋友飛車，玩得好過癮。
聽聞 Summer Fun @ Belcher Bay 係最近嘅限定期間設施，將 #水上樂園 🏄🏻♂️搬到岸上 ，有 #水床、#香蕉船＆ #衝浪板，估唔到陸地上
都咁好玩😂，更加估唔到澄兄原來已經大膽咗咁多，可以自己喺水床彈跳！（2個月前仲未敢玩彈床... ）
湜弟玩彈彈水床有啲驚，但又堅持陪哥哥玩🤪，唯有爸爸陪湜弟喺旁邊試下un下💕。
卑路乍灣海濱長廊仲有好多色彩繽紛嘅 #攀爬架🌈，各有特色，適合唔同嘅小朋友。
湜澄媽好欣賞呢度空間大，有足夠位置俾人放狗🐶、滑板🛹、踩單車🚲等，又有避雨嘅地方，遊玩設施又可以俾各位隨意發揮，希望香港多啲呢類型休憩地方🥺。
兩兄弟走果時，不停講拜拜公園，下次要再黎😆！
⭐ 大家記得都要好好愛護可以隨意移動嘅設施。有啲卡板已經爛咗裂咗，要提醒小朋友小心手腳。玩水床/香蕉船都要注意衛生，同上限人數呀。
晚餐我地隨便喺附近嘅 Jaspas 食，記得一定要食 #心太軟，超正🤤！牛扒🥩、pizza 🍕、 risotto 都好味，不過，冇乜影相，就唔詳寫啦😂。
#媽媽話
#細時唔讀書 #大時做運輸
#澄兄湜弟話
#今日做運輸 #遲啲先讀書
#攰過返工
#小朋友力量爆發
#乜都搬得郁
#手瓜起展 #食飯呀媽俾錢
#海濱共享空間
#澄兄湜弟去邊玩
海濱共享空間 在 #海濱共享空間 - Explore | Facebook 的推薦與評價
4個海濱共享空間將會喺10月至11月一連5個周末舉行collab@VictoriaHarbour「共融海濱」藝術體驗活動，每個周末都會結合跨世代、跨種族和跨界限嘅人去展現藝術。堅尼地城卑路 ... ... <看更多>