前幾日，我認識咗個傻人。
好多人都笑佢係傻仔，話佢唔識做生意學咩人做老闆啊！
佢叫郭Sir，喺我眼中老闆就係：
就係「賺錢要緊」「愛面子」「員工係condom」
但瞭解過郭Sir 呢幾個月所做嘅事之後，
完全顛覆咗我對於「老闆」嘅認知。
呢幾個月嚟，好多香港人都變得好神經質。
驚無口罩用，驚無廁紙用，連撳個升降機都驚。
郭Sir亦都一樣，佢好驚，不過佢驚緊嘅係其他嘢…
好地地做緊游泳教練，教小朋友游水，賣埋游泳保暖衣，生意做得唔錯。
最近疫情關係，泳池要提早關閉，教水嘅課程亦被逼取消。
不過～其實呢段時期，有邊間公司唔係咁㗎？
大不了咪炒幾個員工囉，下年泳池重開，繼續教游水，請返批新嘅員工，支出仲平咗～
但郭Sir係驚啲員工無糧出，支撐唔到生活。
所以佢做咗一個最愚蠢嘅決定。
郭Sir 決定公司繼續運作，令大家都有工開！有糧出！
我真係第一次見到一個老闆，會為咗班員工眼濕濕。
但無人游水，點樣教水啊？點賣游泳用品啊？
郭Sir 又係因為一個「驚」字，佢驚啲家長買到啲唔合規格嘅口罩同搽手液，於是辛辛苦苦買咗好多口罩同消毒液返嚟賣。
佢唔係想趁呢個機會賺大錢，因為啲口罩搽手液淨係賣畀會員。
最近，仲同廠商合作，推出一個可隨身攜帶嘅負離子空氣淨化機。
我問佢：「喂阿哥，你教游水咋喎，你識咩？」
郭Sir 答我：「唔識㗎，唔識咪周圍問人囉。我逐個廠商都親自同佢哋溝通，我自己無信心嘅，都唔會畀班家長用。」
郭Sir講佢嘅經歷時，有一句口頭禪，就係：『我真係好好彩』。
話自己好好彩，搵到一間出名嘅廠商合作，亦好好彩啲家長會放心用自己嘅產品。
佢不斷稱讚合作伙伴好好人，自己好好彩…
但我好想同佢講：「其實唔係你好彩，係因為你好人，先會遇到一班好人。」
好多人眼中佢係傻人，唔識做生意。
但好彩嘅係我哋香港人，可以擁有一個為咗香港出心出力嘅傻人。
睇到呢度，可能你會話：「嘖～講咁多咪又係賺錢！」
郭Sir 坦言：「係，我係想賺錢，不過做咁多嘢，只係希望盡快恢復正常，做返我嘅本職，開開心心咁教小朋友游水去賺錢～」
郭Sir 提醒我，千祈唔好幫佢Hard sell賣廣告。
佢話驚讀者唔鍾意…
但我偏偏要畀多啲人知道你哋存在，吹咩？！
Water Sports Articles
網頁：https://www.watersports.hk
游泳保暖衣 在 【 Water Sports 幼兒及成人游泳保暖衣專門店 】... - Facebook 的推薦與評價
❄️氣溫急降啦， 小朋友學游水著得夠暖未呀？ ♂️本店售賣幼兒及成人2~3.5mm厚薄毛巾底保暖衣、抓毛加暖打底衫、上水褸、泳裝、泳帽、泳鏡等等，各類游泳 ... ... <看更多>