蒸氣焗爐拿手菜~ 蜜味糯米釀雞翼
糯米釀雞翼呢道菜好多人都鍾意食，外脆內軟，邊咬邊滲出糯米香，一次過享受兩種唔同口感與味道。亦正因做法繁複，所以唔係容易喺出面食到，呢啲心機菜多數都留返喺屋企慢慢整。
要說蒸氣焗爐最佳嘅示範菜式，糯米釀雞翼亦必佔一席位，今次有Rasonic座檯式蒸氣焗爐幫手，輕易將步驟簡化，唔洗再分拆兩種煮法、處理兩堆廚具，一機真正同步做齊蒸軟糯米飯及烤雞翼，蒸焗更可保留食物原汁原味，糯米飯因而唔會太乾，過程中雞翼更吸收哂糯米飯嘅香味，烤香嘅雞翼皮外輕輕掃上蜜糖，上枱後好快被掃光！
今次用呢部Rasonic座檯式蒸氣焗爐，有6種烹調模式，包括：純蒸、燒烤、蒸烤、上烤、下烤、熱風對流，呢個陣容已經可以發揮到千種菜式，同時亦眷顧新手，因為佢有10款預設食譜，㩒個號碼就整到燒雞、焗到蛋糕Pizza、蒸蔬菜......除咗煮食，部機仲有6種特別功能👉🏻發酵、解凍、烘乾、消毒、除油污、除水垢，由預備工夫到後續清洗工作都照顧到，一機多用。
外型方正慳位，但有26升容量大，滿足到2-6人家庭，放到兩款餸一齊蒸，加上佢水箱有1.3升大容量，蒸完都仲有水淨，免卻成日要加水嘅步驟，值得一提係操作時出嘅蒸氣唔會好誇張，啱哂開放式廚房嘅屋企！想簡易煮到美味，Rasonic座檯式蒸氣焗爐會係個唔錯嘅經濟選擇。
♥️蜜味糯米釀雞翼食譜♥️
材料：
雞全翼8隻
白糯米1/2飯碗(先浸3小時)
蝦米、瑤柱粒各1湯匙(先浸軟)
*（喜歡也可用臘腸粒/乾冬菇粒）
蜜糖及水各1茶匙混合
雞翼醃料：
生抽/麻油/黃糖各2茶匙，胡椒粉少許，生粉1湯匙
做法：
1. 先將全翼切去雞槌部分，再用剪刀剪開兩支骨及筋膜，然後推出雞翼骨。
2. 用醃料醃雞翼，最後加生粉拌勻元，醃1小時
3. 糯米瀝走水份，加入蝦米及瑤柱粒混合，放入雞翼中，由於糯米會澎漲，所以切記不要放太多，然後用牙簽封口。
4. 把蒸焗爐水箱注滿水，把雞翼放上蒸盤，選蒸焗模式，130度/25分鐘。
5. 然後把雞翼移到烤架，選燒烤模式，200度/20分鐘，期間把雞翼掃2次蜜糖水。出爐後取走牙簽，灑上蔥花即成。
IG: https://www.instagram.com/rasonic.hk/
#蜜味糯米釀雞翼 #一機多用 #煮藝新手福音 #Rasonic #Rasonic快樂煮意
燒雞翼做法 在 【鹽燒雞翼】 簡單材料+簡易步驟日式居酒屋風味材料 - Facebook 的推薦與評價
材料： 雞翼 12隻、清酒約1杯、海鹽約1/2茶匙、黑胡椒約1/2茶匙、芝麻/紫菜碎/七味粉少許（可省略） 做法 ： 1. 雞翼 洗淨、抹乾，放入大碗內，加清酒浸15分鐘 ... ... <看更多>