Search
我暫時住喺service apartment
所有烘焙用品欠奉🤷🏻♀️
但係盒北海道四葉草忌廉芝士今日到期😓😓
十萬個不願意浪費
又係時候發揮小宇宙😆😆😆

我所有嘅創作
都係買得太多逼出嚟嘅🤣🤣🤣
就地取材
用上最簡單嘅方法做咗呢個
Cheesecake dessert cup 
係無磅、無自動打蛋器、無用焗爐嘅情況底下
用咗4+2種材料完成😏🥳🥳
有興趣攞食譜？
快啲俾個叻叻👍🏼👍🏼我先😆😆
#北海道忌廉芝士
#超簡易芝士蛋糕杯
#甜品杯都係得一隻
#其餘用晒玻璃水杯😆😆
#我諗要開個live教🤓🤓
💝 Edible Beauty 👩🏻🍳 Bake with Vie 💕
laVie甜品. 生活 IG⏩ http://instagram.com/chez_la_vie
每日好便當 IG⏩ http://instagram.com/daydayho.bento
FB▶️ https://m.facebook.com/chezlavieestbelle/
大家好今日去銅鑼灣搵食
好多網友叫我搵多啲唔同類型嘅餐廳介紹一下
咁好呀咁今日就去咗銅鑼灣廣場二期上面一間叫做mini friday嘅餐廳
咁佢係食呢個西餐嘅有午餐同晚市套餐
晚市套餐最平188蚊起
咁就包沙律 餐湯同埋餐飲一杯仲可以加一蚊換埋甜品 另收加一
咁落咗單之後呢佢會先上咗呢個前菜同埋沙律同埋餐湯
咁大概等15分鐘之後 其他菜色就會慢慢上
咁可能因為新開嘅關係
成個場都坐滿人嘅如果你夜晚去最好就訂定位先啦
通常佢會問你有冇訂位
咁我哋今日嘅套餐
磯燒鮑魚拼美國雞扒配燒汁價錢188蚊
另一份係香草燒牛仔骨配蜜糖燒汁 238蚊
呢度嘅服務同埋收碟速度都非常之有效率食完沙律就會幫你換碟
咁態度服務完全無挑剔非常之唔錯
燒鮑魚有兩隻
有一塊美國大雞扒咁伴碟就會有粟米仔,甘筍球,黑松露薯蓉,同埋迷你露筍
鮑魚煎得香,雞扒厚身仍有肉汁,食落唔會好乾柴仍帶點
大雞扒煎得岩岩好熟,唔會太熟流失肉汁
配埋燒汁食味道岩岩好
牛仔骨七成熟左右,但略嫌熟左少少,但肉味濃,肉有彈性
骨位肉太熟,其他部份無問題~有三大片牛仔骨份量十足~
呢度成本都唔平,有買開凍肉就知好重本!濃厚的牛肉味好味道~
總評: 200蚊一位,環境唔錯,冷氣凍左D,場入面好多人都係投訴呢樣野
銅鑼灣駱克道463-483號銅鑼灣廣場2期6樓
6/F, Causeway Bay Plaza 2, 463-483 Lockhart Road, Causeway Bay
而家食貴價野反而排長龍或訂位
我唔鐘意限死自己行程！
反而普通餐廳晚上客少又唔迫
我寧願去搵間少人唔洗排隊仲可以食到自己鐘意既菜式,上次解禁堂食,我都係第一晚即刻出黎呢度食鐵板扒餐,最大原因係抵食同好食
呢間餐廳黎過好多次！最正係佢個２０蚊鐵板扒餐，已經介紹過比好多朋友食！一致好評！
無他，夠平份量又多！唔係人人真係追求食和牛咁高級架嘛！港式鐵板一樣好食！
有咩食，好多野食，但我只集中講返佢個鐵板
最平＄２０，真係２０蚊有份吉列豬柳
限量５０份，除非係周末，平日一定食到！
不過今次黎唔係食吉列豬柳！
係食牛柳同什扒！牛柳五成熟，什扒全熟ＸＤ
加錢要埋套餐包湯包餐飲仲有甜品！
凍飲加５蚊！今次既餐包有加熱，夾牛油會溶
咁先係架嘛！細節真係做足先好食！
個紅湯係番茄羅宋湯，無以前咁辣
不過足料，好多番茄同洋蔥蘿蔔！
白湯就無咁特別，白汁粟米湯！
鐵板牛柳５成熟，加埋鐵板熱力食到尾會變七成熟，所以唔好點太熟會好乾身無肉汁
５成熟岩岩好！食到牛柳本身既肉汁之餘
肉質極細嫩，又嫩又多汁，牛肉味濃郁！
配埋大量粟米，薯條同水煮蔬菜！
賣相豪邁但味道一絕！
鐵板什扒餐，呢個係抵食之選！
一隻炸雞全翼，牛扒，豬扒，半條腸，煙肉
堆到山咁高！出盡力食都係食剩少少！
底層墊有大量薯條同蔬菜做底
全部肉都係全熟包括薄牛扒！
雞翼炸過既，好脆口，但無乜特別
豬扒肉質緊實，可以鬆佢２野再鬆化Ｄ就好
牛扒就薄身，靠個汁搭救～
最後甜品有啫喱或雪糕杯~
簡簡單單收尾~平均100蚊位,無投訴!仲好滿足~
手打牛肉漢堡
大大件,夾有新鮮沙律菜,番茄,芝士
牛肉漢堡扒肉厚多汁鬆軟好味道!
肉肉強食by 鋒膳
長沙灣東京街31號1樓
Meat Hunter by Flower Drum
食得花巧不如食得好
大家對CAFE既印像就係用黎HEA
食物一般都係好普通或者只係簡單小吃
其實,我地仲有好多人真係用心做食物既
只係大家比打卡文化影響左,唔再味道排第一
講到尾食物都係要好吃先係最重要
之前係荃灣食過一間CAFE,行到入工業區
人地晚市一樣爆曬場,就知道食物好先係皇道
佢地而家係旺角開左新分店!~~
今期仲有午市優惠,有水準又抵食
今期優惠,跟餐甜品第2件1蚊,第一件半價
點講都係著數,同埋唔會因為減價而縮水
都係比足標準份量上菜,夠老實!
主打意粉!今次試下溫泉蛋卡邦尼意粉 $98
另一碟叫左雙重芝士長通粉 $108
而家優惠包餐飲同櫻花濃蝦湯
先上濃湯,佢呢度既Soup真係幾好飲
有西餐廳水準,蝦味濃郁,十分鮮味,飲完不口乾
飲完好開胃,胃口打開,而且今日咁凍,好暖胃
長通粉掛滿芝士醬汁,有肉腸切片做配角
長通粉仍然好有彈性,醬汁特別濃香!!
佢地既意粉唔會煮到太淋身,係幾好食
溫泉蛋卡邦尼意粉 $98
意粉中間放左一隻溫泉蛋伴煙肉片同洋蔥
碟邊仲有少少芝士碎,將隻蛋中間開一刀
將蛋汁同意粉拌勻一起吃,味道特別濃郁
食起黎層次豐富,啖啖味濃令人相當滿足
食完主菜,叫左杯餐飲同咖啡休息一下先
坐一陣再落單食甜品
跟餐可追加甜品,第一客半價,第2客$1
唔好講笑,佢d甜品靚到可以單賣
有水準有賣相味道佳,而且價錢抵食!
最貴一款都係$38!
叫左個MK熱香餅同芝士蛋糕
即係$19+$1 就食到2款甜品!
擺盤真係好比心機!未食已經覺得好心情
柚子芝士蛋糕食到淡淡酸香清新柚子味
芝士同柚子既味道都好平衡!
熱香餅,層層夾上香蕉片再灑上糖漿
最後再上一球雪糕!同大量忌廉~賣相都靚!
將佢切半抹上忌廉同雪糕一齊食!好滿足~
https://www.facebook.com/RIMK-105860774677148/
旺角豉油街21號昌記大廈2樓B
