上集:【香港歌手經已死…】
正所謂 #流行曲見證我們興替
呢個hash tag係我作嘅
知音人就知係演化自邊一首歌
香港流行曲陪住每一個人成長
細個嗰陣 父母係屋企聽咩
你就會識咩歌
四大天王/彭羚/陳慧嫻....
青春期 追偶像追星
TWINS/Boy'z/SHINE/COOKIES....
買CD/扭Yes card/買雜誌
唱K/抄歌詞/MSN要寫住聽緊咩歌
聽歌為咗好聽/潮/同埋撐自己偶像
到長大咗
偶然聽返以前好鍾意嘅歌
突然明白歌詞講緊咩
就會不自覺地喊出嚟
成長有好多經歷
原來係流行曲歌詞入面
會勾起好多回憶
每次嗰首歌嘅音樂再響起
就好似打開咗時間囊咁
當年嗰種記憶 返哂嚟
你以為新不如舊
而家冇人聽廣東歌
新人唱得又唔好聽
當年你父母咪又係覺得
你聽嗰啲唔好聽
TWINS走音 Stephy走音 唱功點及徐小鳳
邊個冇係畢業嗰陣聽 #我們的紀念冊 聽到喊
全班上台唱 #ForeverFriends
失戀嗰陣 係K房唱 #眼紅紅 #多謝失戀
啦啦隊會跳 #明愛暗戀補習社 #愛情當入樽
開Party就播 #心急人上 #宇宙最強
學校歌唱比賽 同Best Friend拖住手扮TWINS唱 #朋友仔
邊個嘅青春 完全同廣東歌無關?
而家班小朋友就係鍾意Mirror
佢哋成長入面已經冇咗兒歌
難得佢哋仲有星可以追
紀錄一下青春
係一件好熱血嘅事
無論你鍾唔鍾意、認唔認同新一代嘅真。年輕歌手
佢哋就呢一代人眼中嘅 #TWINS
佢哋就呢一代人眼中嘅 #四大天王
幾十年後 再下一代就會覺得 #Mirror 十二個阿叔唔好聽
但佢哋就紀錄咗2020年代嘅歲月
待續......
-----------------------------
#樂壇已死
主唱:#吳林峰 #柳應廷 #樂壇已死大合唱團
作詞:#小克 作曲:吳林峰
編曲:#王雙駿/吳林峰/ #孔奕佳/ #阿權/ #JasonKui/ #黃兆銘
監製:王雙駿
『香港歌手經已死
甩嘴走音兼無氣 企在原地
所有青春嘴臉 邊個邊個都沒有星味
嘆口氣 往昔金曲的歲月 哪可媲美
別再開收音機 沾污這大氣
豆豉記錄興與衰
用心愛 這裡 小店 小區
六百字 四十句 是故事 與情緒
有歌 在我心裡』
-----------------------------
#廣東歌 #流行曲 #歌詞 #青春紀錄 #回憶 #追星 #香港樂壇
同時也有10000部Youtube影片,追蹤數超過2,910的網紅コバにゃんチャンネル,也在其Youtube影片中提到,...
眼紅 紅 好似 twins 在 空姐發夢日記 A daydreamer's diary Facebook 的最佳解答
再次寫Twins, 因為佢地佔據左我少女時代太多回憶。
Twins出道個年 我讀小六 ,仲記得個陣我識背唒明愛暗戀補習社 女校男生 仲有..盲頭烏蠅既歌詞。
當年身邊所有同學仔朋友都會分黨分派,一邊係鐘意阿Sa多啲,而另一邊係鐘意阿嬌多啲。唱K個陣,最好對手係鐘意另一個,咁我地就唔洗爭做阿sa定阿嬌啦。
第一次拍拖 我同老友一齊唱:
「同學愛新鮮 戀愛大過天 想不想也日夜懷念 連甜夢也不夠甜。」
第一次失戀 我聽左365次「眼紅紅」
「仍然懷念他一起去學結他 一對黑眼圈回望中三暑假。」
第一次為左一個暗戀既男仔爭風吃醋,我嗌
「以前得得意意好似一舊雲 今日開始我要認認真真。」
第一次經歷失戀後重生 我信
「全靠當天喜歡過錯的人 今天先會自我解窘。」
其實我好多個第一次 都係Twins既歌陪住我渡過。
到最後我發現,就算我鐘意阿Sa定阿嬌多啲,點都會鐘意埋另外一個,因為..
佢地係分唔開既Twins。
就好似今日阿嬌出嫁,阿Sa仲激動過嬌媽媽一樣,因為一直以黎經歷過既,只有佢地兩個人先會知。
佢地係彼此無人能取代既雙生兒。
唔知點解 人大左好易為小事感動,
可能因為長大後發現小日子先係最難能可貴既幸福。
每次聽人講婚禮誓言 我既眼淚都會好唔爭氣咁流埋一份。
就算見番一啲以前細個鬧過交既死對頭; 見到佢地結婚生仔 一家三口幸福快樂 我都好想 好想祝福佢地要一直幸福落去。
(大個之後 好多野都慢慢睇化左..)
因為我知道 每個女人都總會經歷過一段艱難既日子 先得到而家既幸福 然後珍而重之咁將佢捧係掌心入面。
在此祝福阿嬌永遠幸福
但願人長久。
(忍唔住開番Twins既歌黎播,今晚有排聽....)
IG: genie1184
圖片來源:香港01
眼紅 紅 好似 twins 在 譚雅元 Cherrie Tam Facebook 的精選貼文
這是回憶,是集體回憶,也是陪伴我成長!
15年了,我鐘意既男神,首先一開始小學鐘意謝霆鋒,但我爸爸話佢唔知想點,係中二鐘意黃又南,繼而余文樂,到之後周柏豪,我都不太記得,不過其實而家都仲好留意余文樂😂!但女的鐘意twins之前,是鐘意容祖兒,後來twins 一出道就改左鐘意佢地,佢地既CD我都有好多,雖然唱功唔係話好勁,但歌詞我比而家都記得點唱,洗哂腦!
直到中學掛住拍拖無咩點留意啲明星,雖然我只鐘意阿sa,佢既全部戲我都睇過好多次,唔知有無人好似我咁,因為"這個夏天有異性"要跟阿sa著過頸一條帶既top,因為"我老婆唔夠秤"要著裙內加一條黑色legging,仲要係7分😂直到琴晚我著起一件灰色衛衣睇阿sa既Instagram,都要講一句,阿sa都係著灰色衛衣入面搭白色tee架,想起真係好好笑,全部都一切成長既路同回憶!
【絕望真相】
《同人講鐘意Twins一定俾人笑到喊出黎,但我真心慶幸經歷過佢地既全盛時代》
講真,如果你喺Facebook或者朋友聚會大大聲同人講你鐘意Twins,一定俾人笑到崩潰。
「唔喺呀麻…鐘意Twins…好無taste囉…」
呢一點我非常了解,因為小弟已經俾人笑左15年。
無錯,係15年。
由她們一出道開始已經留意、然後鐘意和支持這個組合,追她們的歌,到後來她們的低潮,再回來。
不過就算俾人笑,我都真心慶幸我既少年時代能夠與她們的全盛時期相遇,有她們的歌一直在旁陪伴著成長的每段路。
想當年因為她們的空前成功,很多公司、經理人均希望複製奇蹟,樂壇接二連三出現組合潮,同公司的Boyz,不同公司的2R、Cookies、再之後的Hotcha等等等等...男男、女女、男加女, etc
但無一個能夠與之相比。
無錯,呢個時候你會話
「超...佢地唱歌又唔好聽又走音,紅埋哂啲K歌,樣得呀嬌好啲,身材又無,做戲又屎...」
誠然,唱歌佢地基本上下一個紀元都唔會追到容祖祖,
樣同身材同依家啲靚模比可以講係完敗,
拍戲咁耐,或者呀Sa係愈演愈好,但始終非影后之流,
但好似有人話楊千嬅是被眷顧的一個,Twins同樣也是沒有超級技能/ 條件,卻得到伍樂城、夕爺加Wyman的偏心、寵愛,為她們打造出一首又一首的王牌歌,紅到就算不是die hard fans都一定識唱。
15年過去,還能夠站在紅館開足5場四面台的組合不多,但Twins就是其中一個。
而驅使我們經過這些年還進場支持的,不是甚麽實際的硬件,卻是兩個女生唱出的一份感覺,一股親和力,一直見證著我們的成長,同時我們也看著她們由兩個傻女孩變為成熟女人,這份一同走過的感動,不是唱得好聽就能換到。
可能有人會笑佢地、鬧佢地、不齒佢地,
但同時亦都很很定,有好很好很多人曾經在自己的ICQ、Xanga、MSN、Facebook、IG post過她們的歌詞、MV用以抒發那些說不出口的情感,在中學、大學、工作的每段旅途,代我們唱著一句句心聲。
和朋友吵架不敢破冰,我們會在ICQ的尾巴加上「我更要永遠記得拒絕再因小事怪人」,
就好似同朋友淡左要post《最佳損友》一樣,定律黎既;
與另一半分了手,《丟架》、《你不是好情人》、《眼紅紅》通常都走唔甩;
情人節無人陪點都想整首《雙失情人節》,
不敢表白就只好寄情為甚麽只可跟你維持《朋友的愛》,
Grad din/ 夠18歲/ 著下高踭鞋都會在照片加句「我著得高踭高過人」,甚至痴左線咁喺K房跟著MV起舞;
六週年caption會加一句我們《相愛六年》;
《風箏與風》的二部經過千錘百鍊,終於和相識十年的好姊妹成功夾到;
每次叫人不要離開就會唱起「不要走,大鐘即使敲響你別放開手」;
畢業時下意識會哼著《我們的紀念冊》,可惜到現在可能已沒有人會寫紀念冊;
由當年要上Coolmanmusic睇歌詞,還很流行聽電台,常常希望DJ們播她們的歌,
到現在YouTube、iTunes有齊全部任聽,
終於明白咩叫時光可變,世界可變,人情亦許多都變遷,但有些事和回憶,卻不可能被改變。
如果碼頭、鐘樓、獅子山是一群人的文化記憶,Twins就是我們的集體回憶,但不同其他文藝建設,你可以喺博物館同人講你鐘意考古;
可以喺港台話你玩三項鐵人;
食飯同人講你玩車有幾勁;
但你無可能喺蘭桂坊大聲問「喂,LOL1月4加場喎,一齊去呀?」
即使不能換來欣賞,我們還會珍惜,就是因為回憶。
縱然現在韓星當道,曲、詞、舞、星、制作各方面亦被外界認為已超越香港9條街,但你糾結於應否say sorry時亦不見得會post一首《sorry sorry》,
失戀時post一首《Loser》,就好似去譚仔食土匪雞翼剝左層皮先食,無話唔得既,但我唔會...
如果你未經歷過Twins的年代,聽過、鐘意過、沉迷過她們與她們的歌,你很難明白,原來支持一個偶像,有時不需要太理性,相隔5年再踏紅館,仍有如此多人希望入場支持,她們就是靠著一份感染力,在我們十多歲這個總是想得太多,可以說的太少的尷尬年齡,唱出一句句我們開不了口的身世感受,同時也自白著她們自身的故事,那一份共鳴再加上一點膠膠地的「然後買襪買衫可以做風紀」,就和大家走過了15年。
唯最感觸的是,很多𡃁仔𡃁妹已經不認識她們的歌;
入到場發現99%都係廿尾到三十幾;
就像每次看到一些電影多年後的續集,如《我老婆唔夠秤2》,就會想起時日太快,10年可以轉眼就過哂,
由《零四好玩》,《相愛6年》,《3650》到今天,這個側手翻已經打了15年,再難相信,也要接受自己已經不是當年十幾歲無憂無慮的死𡃁仔,當年興奮的期待,今天已變成感觸的眼淚,誰在悼念快將接近成年,原來來不切悼念,今天我已經成年。
和Twins一樣,這15年來我們也開心過傷心過笑過喊過,好事壞事也發生過;
和友人出走過、爭吵過,在感情路上熱戀、分開、再從頭黎過;工作上跌過、碰過,
終於明白,事情發生後總會過去,結果原來不是最重要,關鍵的是過程、回憶和自己。
我們可以擁有一時的成功,但低潮亦必定在前方等著,
就算是當年的難堪,一切閒言閒語亦終將逝去,留下來的是繼續走下去的自己和仍然留下來支持你的人。
香港這數天經歷著黑暗時期中的極端,相比起share開心門票自拍、坤歌終於吐氣揚眉、學修不敵鳴煒,應該有些事情更值得留意,寫Twins除了被這場LOL感動了之外,也想提提大家和自己,難關重重,也要繼續向前走,可以選擇氣餒、放棄、絕望,但事實證明能夠繼續走下去面對的,才能笑到最後。
現在香港音樂事業不境氣,要再出現另一隊紅遍樂壇的組合,有機會,但很難,仍好她們還在;
就算同人講鐘意Twins一定俾人笑到喊出黎,我仍慶幸,做𡃁仔既時候經歷過Twins的全盛時期,和身邊那個不介意與你一起俾人笑既人,每次你唱一句,佢就接一句,
同你一開心唱飲歌,不開心唱飲歌,當中記錄我們這麼長大過。
就算50歲,我都會入場睇側手翻。
#LOL真係好好睇
#泰臣真係好好好樣衰
#希望有Part2
#然後買襪買衫可以做風紀
#最重要希望大家睇演唱會同時亦會關心銅鑼灣書店事件
逆行@電視汁撈飯