==下半有繁中華語版==
==下半有繁中華語版==
(1)https://bit.ly/2TkbVhF
幸好,我嘅朋友都非常通情達理,聚會嗰時佢哋見到妃歡同佢手上閃到令人無法忽視嘅鑽石戒指。
朋友們可能以為我同老婆分咗手,都好識趣咁無過問。
『無法忽視』係女人用作宣示主權嘅方式,就好似狗喺燈柱撒尿一樣,所以我當年先可以靠隻戒指求婚成功。
好多時候,男人買名牌手錶,因為怕刮花留到重要場合先戴。女人嘅名牌手袋或戒指,就算返工或日常朋友聚會都一定會戴,為咗向同事同朋友炫耀,其他人睇唔睇到比實用與否更加重要。
而男人用作炫耀嘅工具,就係女人。
我當然無同任何人講過,喺我眼中女人係用完即棄嘅工具。
我同一班朋友租咗間Party room打算通宵慶祝。係邊個嘅生日呢,我都唔太清楚。叫返嚟嘅嘢食掃清光之後,大家就開始飲各自帶嚟嘅酒,朋友們同妃歡傾得慶高采烈。無乜怨言,又容易融入氣氛,一向都係佢嘅優點。
我坐埋一邊,點咗支雪茄,搭配住唔知邊個帶嚟嘅威士忌。
輕啜一口雪茄,將煙含喺口腔入面,雪茄同香煙唔同,唔吸入肺部先係重點。將煙吐出嚟之後,最好就係飲返啖麥芽威士忌。
可能太耐無享受,我有啲頭暈「煙醉」,思緒同眼前嘅燈光一樣變得模糊,將我帶到同老婆離婚嗰個晚上。
為咗咩事而鬧交呢?好似係洗衣桶隻襪反轉咗,定係穿住出街嘅衫上床瞓…
女人總係為咗小事而大吵大鬧,可能我當晚都飲咗少少酒,嗰刻我突然間好想同佢離婚,於是不假思索就將呢個想法脫口而出。
佢問我點解。
有乜點解?飲醉咗啩,男人做錯事就會話係飲醉酒㗎啦。
「我外面有女人,已經好耐嘅事,係識妳之前…」我希望直接咁講可以盡快完結呢件事,我唔喜歡拖泥帶水。
可能佢係呢個世上唯一一個,令我可以將心底話暢所欲言嘅女人。但如果畀我再嚟多次,我應該會選擇溫和少少嘅方法。
男人面對女人,或多或少總會有啲難言之隱,如果唔係佢又會抱怨你變咗。
我完全估唔到到接下來會發生嘅事,佢歇斯底里咁向我尖叫,成個小朋友發脾氣咁亂丟嘢,好似誓要將眼前嘅一切都摧毀,等呢個世界只剩返我同她,我就伋遠逃唔出佢魔爪。
「呢支酒我很難先搵到,唔好丟爛啊!」我又衝口而出喇。
老婆來不及反應,酒瓶迸裂成碎片喺地上散落滿地,成個客廳都彌漫住酒精嘅香氣。
我估唔到,我會因為飲咗廉價嘅啤酒提出離婚。
又為咗一支貴價嘅酒而動殺機。
老婆似乎知道自己做得過分咗,恢復返冷靜,成個人軟攤喺梳化上大喊。女人以為眼淚可以解決一切問題。
「無事,等我執啦。」我走入浴室拎拖把,踎低好小心咁將玻璃碎執起,幫我嘅酒默哀,如果無人喺屋企,我肯定會趴喺地下好似狗咁舔地板。
順便,都幫我老婆默哀…
當我回過神來,朋友們已經飲到醉晒,嘖,仲講咩通宵慶祝。我扶住半醉嘅妃歡,由於我唔記得咗係邊個嘅生日,所以只係大聲講咗句:「喂!生日快樂,你哋玩得開心啲。」就同佢離開坐的士返屋企。
嗰晚,我發咗個惡夢。
我被自己嘅慘叫聲嚇醒,我坐起身用手抹一下塊臉,先發現全身都出緊冷汗。
「點啊?沒事嘛?」妃歡都被我嚇醒埋。
「無事,可能飲多咗…」
我當然無話佢知,但我感覺到,我老婆返咗嚟。
我行出睡房,客廳嘅窗打開咗,窗簾隨晚風飄揚。佢果然返咗嚟…
佢係點樣識路返嚟嘅呢?明明嗰晚…我已經將佢棄置咗喺郊外深山。
2000like & 200share達標!明天下集!
男主角故事會連載到完結,但大家一定期待阿公出場吧?!
咁就要睇《阿公講鬼4:魑魅》了~
已公開預售,7月出貨~
https://bluegodzistore.boutir.com/
(注意:是廣東話版)
*********
**繁中華語版**
*********
幸好,我的朋友都很通情達理,聚會時他們看到妃歡以及她手上的閃爍得令人沒法忽視的鑽石戒指。
朋友們可能以為我跟老婆分手,識趣地沒有多問。
『沒法忽視』是女人用作宣示主權的方式,像狗在燈柱撒尿一樣,所以我當年才會靠著戒指求婚成功。
很多時候,男人買名牌手錶,因為怕刮花留到重要場合才戴。女人的名牌手袋或戒指,上班或日常朋友聚會才一定會戴,為了向同事和朋友炫耀,別人看得見比實用與否更重要。
而男人用作炫耀的工具,就是女人。
我當然沒有告訴過任何人,在我眼中女人是用完即棄的工具。
我跟朋友租了一個包廂,打算通宵慶祝。好像是誰的生日,我也不太清楚。把叫來的食物掃清光,大家開始喝著各自帶來的酒,朋友們跟妃歡聊得慶高采烈。妃歡這個人,沒有怨言,很容易融入氣氛,是她的優點。
我坐在一旁,點了根雪茄,搭配著不知是誰帶來的威士忌。
輕啜一口雪茄,將煙含在口腔裏,雪茄跟香煙不一樣,不吸進肺部是重點。把煙吐出來之後,最好喝一口麥芽威士忌。
太久沒享受了,有點眩暈煙醉,思緒跟眼前的燈光一樣變得模糊,將我帶到跟老婆離婚的那個晚上。
為了什麼事而吵架呢?好像是丟進洗衣桶的襪子反轉了,還是穿著出街的衣服上床睡覺…
女人總是為小事而大吵大鬧,不知怎的,當晚我也有喝酒,腦海突然冒出離婚的想法,不假思索便將這想法脫口而出。
她問我原因。
有什麼好解釋,喝醉了吧?男人總是喝醉然後做錯事。
「我外面有女人,已經很久了,比認識妳還要久。」我希望這樣說,可以盡快完結這件事,我不喜歡拖泥帶水。
也許她是這世上唯一一個,令我可以把心裏的話暢所欲言的女人。但如果讓我再來一次,我應該會選擇溫和一點的方法。
男人面對女人,不多不少總會有些難言之隱,不然她會抱怨你變了。
我完全沒料到接下來發生的事,她歇斯底里地向我嘶叫,像小孩鬧脾氣般亂丟東西,彷彿要將眼前的一切摧毀,好讓這世界只剩下我和她,我再也逃不掉。
「這支酒我很難才找到,別摔爛啊!」我又衝口而出了。
老婆來不及反應,酒瓶迸裂成碎片在地上散落滿地,整個客廳都彌漫著酒精的香氣。
我沒想到,我會因為喝了廉價的啤酒提出離婚。
又為了一支貴價的酒而動了殺機。
老婆似乎知道自己做得太過分了,驟然恢復冷靜,整個人軟攤在梳化上大哭。女人以為眼淚可以解決一切問題。
「沒事,我來收拾吧。」我從浴室拿出拖把,蹲下來小心地將玻璃碎拾起來,替我的酒默哀,要是沒人在家,我肯定會趴在地上像狗一樣舔地板。
也順便替我老婆默哀…
當我回過神來,朋友們已經喝得爛醉,嘖,還說什麼通宵慶祝。我扶著半醉的妃歡,由於我忘了是誰的生日,所以只大聲說了一句:「生日快樂,你們玩得開心一點。」便跟她離開坐計程車回家。
那晚,我做了一個惡夢。
我被自己的慘叫聲驚醒過來,我坐起來用手抹一下臉,才發現全身都在冒冷汗。
「怎麼了?沒事吧?」妃歡也被我弄醒了。
「沒事,也許喝太多了…」
我當然沒告訴她,但我感覺到,我老婆回來了。
我步出睡房,客廳的窗敞開了,窗簾在隨著晚風飄揚。她果然回來了…
她是怎樣懂得路回來的呢?明明那晚我已經將她棄置在郊外的深山了。
2000like & 200share達標!明天下集!
男主角故事會連載到完結,但大家一定期待阿公出場吧?!
咁就要睇《阿公講鬼4:魑魅》了~
已公開預售,7月出貨~
https://bluegodzistore.boutir.com/
(注意:是廣東話版)
同時也有1部Youtube影片,追蹤數超過3萬的網紅Wujai食胡仔,也在其Youtube影片中提到,??全新LIVE節目 《靈性冧冧豬》嚟啦! 點解叫冧冧豬? ?因為我地鍾意冧下你、滋養你、喚醒你! ? 「靈性冧冧豬」首次LIVE ? 主題:「你係高敏一族嗎?」 日期: 11/5 /2021(二) 時間: 晚上8:30~9:30 ?Live聚會由「天使靈昇學院」導師Sharon,Samuel...
瞓覺有好多夢瞓醒之後記得好清楚 在 孔明 Facebook 的最佳貼文
深夜無人睇,靜靜雞講故仔......
《失蹤2》
今日係林頌明表哥嘅喪禮。
當我同父母到達靈堂後,現場愁雲慘霧,哭泣聲不絕。本身我今日情緒都唔係太好,遇上呢種氣氛就更加傷感。
「有客到,來賓請上前」
我同父母慢慢行到去表哥遺照前,見到遺照上面嘅表哥充滿自信,就好似世間上任何困難都難佢唔到咁,但千其唔好咁而覺得佢好高傲無禮貌,事實上表哥非常溫柔,對於我呢啲後輩非常照顧,不但教我學識易經占卦、仲同我講解香港好多古怪故事,所以由細到大我都好尊敬同好鍾意纏住佢講故事比我聽。
我會諗,究竟表哥遇到咩事而令到佢連命都賠上。
「一鞠躬,再鞠躬,三鞠躬,家屬謝禮」堂倌一路說,我亦跟隨地向表哥表示敬意,真誠地鞠躬,希望佢死後可以安息。
鞠躬完後,我同父母坐埋一邊靜候其他人,人場都唔少,有親戚亦有好多表哥朋友,亦因為表哥曾經做過社工幫過唔少人,唔少受佢恩惠嘅人都專程來見佢最後一面,顯然出表哥人緣真係唔錯。
同時間,見到林頌明媽媽已經一把年紀,白髮滿頭,佢一定估唔到如今白頭人送黑頭人,以後得佢一個人生活,失去唯一至親,究竟生活動力剩返幾多?一諗到咁我就心痛,於是忍唔住起身行去明媽到慰問。
但明媽雙眼已經喊到紅腫,神色哀傷,對身邊事物全無興趣,連我把聲都聽唔入耳。
「有心。」突然有把女人聲從明媽身旁出現。
我望一望佢,見到一個女人,令我一時之間唔知點叫佢。
佢似乎都留意,於是介紹自己:「我叫Karen,係阿明嘅舊同事。明媽我會繼續照顧,你可以放心。」
我點頭以示感謝,就返番座位坐,趁呢段最後時間好好回憶同表哥相處嘅日子。
喪禮結束後,對於表哥嘅死,我腦海充滿迷團。
「點解明表哥失咗蹤六年先搵到條屍?報紙仲話屍體發現嗰陣只係岩岩開始腐爛,姐係話佢只係死咗無幾耐,但無理由表哥一直喺山上面六年?六年都落唔到山?我地六年嚟都搵唔到佢?」我忍唔住將心中疑問講出嚟。
「你知唔知明媽每一日都打去報警,話個仔一直喺西貢山上面,仲試過親自上山搵佢而跌親,所以邊個話無人搵佢,係真係搵唔到。」我媽按佢所知嘅事講我知。
呢個時候,阿爸都參與埋討論,佢話:「六年前,你個明表哥同一班警察上山查緊一單失蹤案,但就喺西貢大枕蓋附近失去聯絡,嗰陣社會好轟動架,查失蹤案點知自己失蹤喎,之後過咗一星期先搵到佢地條屍,足足死咗一個高級督察,兩個沙展同一個軍裝警員。而你表哥就一直都搵唔到,要等成六年先搵得返。」
「所以你無咩事千其唔好上山呀!我唔想好似明媽咁淒涼孤伶伶一個人。」阿媽千叮萬囑,驚死我會出事咁。
「你仲有我呀嘛!」阿爸講完呢句,大家都笑了,算係今日哀痛之中唯一嘅笑聲。
而事實上,本身我對呢件事都無咩好奇,只係知道明表哥行山失蹤咁簡單,無諗到咁深入。但今日踏入靈堂望住表哥張遺照,佢嗰一副充滿自信嘅樣,點解會落得咁嘅下場,同時間佢識得易經占卦,佢應該知道自己會出事而避開吧?
夜晚,喺街度,我同身處台灣嘅女朋友傾電話,我將成件事分享比佢聽,諗住佢會比到啲獨特睇法我知,點知佢一句:「我聽日要行山呀,我唔想聽到有關行山失蹤嘅事呀!」
我講笑咁講:「香港就話西貢有結界,你地台灣都有嘅咩?」
「總之我就唔想聽同討論喇!」
當我行行下時候,突然隻左眼比樓上嘅水滴中,即時抬頭一望,只見一棟舊式唐樓,應該係冷氣機滴水。
「屌!真係好憎行舊區,係咁滴水!頭先滴中我隻眼。」
「鬼叫你夜晚晚講恐怖嘢嚟嚇我,個天都想教訓你,好喇,我仲有好多嘢要執架!有咩遲下再傾!」說罷,女友就收咗線。
返到屋企後,發現隻左眼好痕,我對住塊鏡望一望隻眼,又唔見有咩問題,但就聞到一陣惡臭由隻眼發出嚟,究竟頭先滴水有幾污糟呀?
雖然今日奔波咗成日,但對於明表哥嘅死仍然充滿好奇,於是上到床後,仍然用手機睇下西貢呢個地方究竟發生咗咩事。
我記得有次去明表哥屋企拜年,佢同我講過一段說話。
「山入面其實有好多結界。而所謂嘅結界可以分成三種,第一種係符印結界,結界範圍係透過符同埋印記去做出嚟。第二種係膜狀結界,係用泥所造成嘅結界,而邊界係可以清楚見到有塊膜存在,所以正常一般人見到都唔會行入去。而第三種就係無形結界,呢類結界係最危險,因為呢種結界冇辦法破壞,而且入咗去都唔知自己入咗。」明表哥細心地向我解釋。
「嘩!咁唔小心入咗結界點算呀?」我緊張地問。
「無架,走出結界得兩個方法,第一就係自殺死,等出面世界嘅人搵返你條屍。第二就係搵到結界嘅邊緣走返出去。」
「咁恐怖……點解西貢會有結界?」
「邊個話你知剩係西貢先有結界?結界根本係任何地方都會出現,就好似你擲骰子中邊個數字你都可以問點解會係呢個數字一樣。」
呢家諗返呢段對話,唔通明表哥真係入咗結界,而且喺結界入面掙扎咗六年先決定自殺出番嚟?但識咁多嘢嘅佢都走唔返出結界,結界真係好恐怖。
睇睇下手機,左眼除咗痕之外,亦慢慢感到痛楚,痛到將我彈起身。於是放低手機拿拿聲瞓覺算。
第二起身,我醒起琴晚隻左眼又痕又痛,於是去廁所對住塊鏡照一照隻眼。當我一照,我隱若見到我左眼入面隻眼珠好似有條嘢慢慢蠕動,仆街,唔係生蟲呀?
只見入面隻嘢好似見到我咁,慢慢從眼珠深入向我爬前,當我一直望住佢爬前時,我發現呢條好似唔係蟲嚟,而係一隻手嚟。
隻手愈爬前,我隻左眼就愈痛,痛得我閉上眼,眼淚水瘋狂滲出。
但突然間,我隻左眼仍然隱隱若若見到嘢,我向鏡中一照,驚見隻手掌慢慢將我眼皮撐開,然後伸出一隻手掌將我整個頭包住……
「啊!!!!!!!!!!!!!!!!!!!!!」我嚇得大叫。
……
電話聲一直響起,將我從睡夢中驚醒。張開雙眼,呆呆望住天花板,原來頭先係夢?未免太真實吧?
電話聲持續響起,我漫不經意地聽。原來係台灣嗰邊打嚟,我聽後臉色一沉。
女友喺山上失蹤。
(待續)
******************************************************************
1.
孔明古怪故事集處理當中,預計月中印刷完成,到時會通知大家開始會寄。
2.
賣斷五年嘅《失蹤》過幾日會有事宣布比大家聽,勿錯過最後機會。
3.
為慶祝盛事,繼續展開漫長創作《失蹤2》<- 暫名 哈哈
4.
其他孔明獨家故事,多多支持↓
https://www.patreon.com/Homing
5. 記得比like share 留言支持下 =]
感謝大家。
瞓覺有好多夢瞓醒之後記得好清楚 在 孔明 Facebook 的最佳解答
深夜無人睇,靜靜雞講故仔……
《我老婆由細到大都好鐘意紙紮公仔》第二回
老婆燒死咗之後,消防員經過調查之後認為起火原因無可疑,而閉路電視亦影到我老婆喺附近五金鋪買咗大量白電油返屋企,相信老婆將白電油倒落成間屋每一個地方,最後將白電油淋喺自己身上自焚。
我被通知到殮房認老婆條屍。剛到步後,殮房職員一臉凝重咁同我講:「劉生,你有心理準備入去睇?」
我唔明白佢點解咁問,我反問:「我嚟睇自己老婆,點解要心理準備?」
殮房職員無奈地點點頭,然後將我帶到殮房,亦都係我生平第一次到殮房。
一入到去,一陣刺鼻嘅燒濃味充斥住整間殮房,我慢慢行到一張床旁邊,見到一具幾乎全身燒焦嘅黑色屍體,仔細一看,部份皮膚組織仍然流出點點黃綠色的脂肪濃汁,而整個臉容都被燒到無哂皮膚無哂五官,只見露出一副稍為完整嘅牙模。
「你認唔認得係你老婆?」職員問。
「我點可能認到呀?」我激動地回應。
眼前呢個人已經失去樣貌,我點可能話佢係我老婆?見到老婆變成咁,我眼淚就忍不住瘋狂流下。突然腦海閃出無數個畫面,不斷呈現老婆經常照鏡化妝,買衫打扮自己,佢愛自己身體,更愛自己嘅臉,估唔到佢人生最後嘅結果,係被燒焦得體無完膚。
「我想問下……佢死嘅時侯,係咪有意識?」我嗚咽地問。
在場有一位法醫,佢隨即拎住驗屍報告同我解釋返:「根據返死者……嘅皮膚組織同焚燒嘅範圍,令我地相信……佢係有意識咁活生生被燒死。」
我聽後閉上眼流下淚,難以想像老婆被活生生燒嗰種痛苦。
離開殮房,老婆條屍體嘅畫面一直存於我腦海之中,完全揮之不去。同時亦會問自己究竟一個咁貪靚嘅人,點解會選擇以燒死自己嚟自殺?我更加唔能夠相信老婆會無端端燒死自己。
由於屋企仍然封閉,所以我同個女租咗附近酒店住住先。返到酒店後,一開門個女就跑出嚟天真咁問我:「媽咪呢?媽咪喺邊呀?」
我抬頭望住外母,只見外母搖搖頭,我估佢都難受。我亦因為無時間睇住個女,所以暫時交比外母湊住,而我嘅家人仍然喺外國,一時三刻未能過到嚟幫手。
我跪下來,忍痛地說:「媽咪佢暫時唔會返嚟,不如等爸爸做住媽媽先好無!」
「我唔要爸爸你!我要媽咪呀!我要媽咪!我要返屋企呀!」
「你乖喇,屋企暫時返唔到去呀,你肚唔肚餓?不如我買麥當勞比你食?」
即使面對佢喜愛嘅麥當勞,個女仍然無動於衷,更情緒激動地喊起上嚟,不斷重覆同一句:「我要媽咪呀!」
我激動地大聲罵返佢:「媽咪佢唔喺到呀!佢死咗呀!」
「嗚呀……我要媽咪呀!媽咪呀!」
外母見到我地咁,即刻抱起個女,然後罵我一句:「你咁大聲想嚇死個女咩!」說罷,就抱佢入房慢慢哄返佢冷靜一下。
我眼淚再一次湧出,忍唔住入廁所洗過臉。望住鏡中嘅自己,今後我同個女生活將會遇上好困難挑戰。
「老婆,我好掛住你……嗚嗚……嗚嗚……點解你要掟低我同個女呀……好掛住你呀……」我開大水喉聲音,然後放聲痛哭,我真係好愛我老婆,我唔捨得佢呀,我想佢喺我身邊呀,好想佢陪我行埋之後嘅人生呀……老婆呀……點解你要自殺呀……
我不斷拍打自己心口,不斷怪責自己,一定係我將佢紙紮公仔通通燒哂先刺激到佢情緒,係我將老婆逼到絕境咁……老婆呀……如果你仲在生,我一定唔會反對你儲呢啲嘢,我一定比你儲比你用比你玩……我只係需要你返嚟我身邊就可以,我真係好想你返嚟呀……
………
凌晨兩點,個女喊到累而瞓了,外母都係時候離開返屋企。
「聽早我再嚟睇佢,你好好地瞓覺聽日返工喇。」
「唔該哂……我幫你叫咗的士。」我喊到有啲失聲,外母都聽得出,但無拆穿我。
「得喇得喇,我自己識返去,你好好休息喇。拜拜。」
拜別外母後,諗起其實佢自從離咗婚後,我老婆就係佢唯一一個親人,如今無咗,但仍然幫我湊住個女,我知道佢都唔好受,但願往後我多啲探佢,令佢唔會感到孤獨,幫老婆盡點責任。
我瞓喺個女身旁,見到個女喊到雙眼紅腫我就心痛了。
我輕輕地喺佢耳邊說:「靜妍,以後得返你同爸爸喇,我地要一齊加油,互相支持丫,好唔好呀?」說罷,我緊緊地攬住靜妍,然後嗚咽地入睡。
大概瞓咗一陣,我從睡夢之中聞到一陣燒焦味道,一下子將我整醒。我張開雙眼,見到周圍都好大濃煙,係火燭?
我即時想抱起個女起身走,但我一轉身時,驚見個女變咗一個紙紮公仔,成身皮膚呈粉紅色,五官全部都係畫上去,但雙眼同把口會郁動,慢慢擰過頭對住我講:「爸爸,媽咪喺邊?」
我嚇得退後,即時離開張床走出門口。期間經過廁所時候,聽到廁所內傳出一段段令人心寒嘅笑聲。
「嘻嘻……嘻嘻哈哈!」
一把熟悉且懷念嘅聲音傳入我耳中,我停下腳步,廁所有人?
我望住呢道廁所門,濃煙不斷從廁所門隙滲出,且見到紅紅嘅火光隱若在門後。我控制唔到自己,慢慢將隻手拉開道門。
一開之下,驚見一個紙紮公仔不斷來回起舞,發出恐怖笑聲,而且見到紙紮公仔不斷被火燒著,當紙紮公仔擰轉個頭望住我時,我嚇得瞪大雙眼,因為呢個紙紮公仔臉容正正就係我老婆。
「老婆……」我忍唔住開口講咗一句。
同時亦諗起鄰居曾經同我講過:「我地嗰陣見火勢未有咁大,咪喺鐵閘出面叫劉太開門比我地救佢囉,但佢嗰陣燒到成個火人咁呀,不斷喺大廳到來回跳舞,邊笑邊跳……後來我地頂唔順濃煙吹出嚟,唯有放棄……嗰陣成條走廊嘅人都聽到劉太不斷笑,笑到令身邊所有人都好心寒……」
紙紮公仔即時停止笑聲,然後一動不動咁望住我,數秒後,即時雙眼反白,露出撕裂嘅笑容撲向我到,我嚇得本能反應將道門關上,只見紙紮公仔不斷撞向道門,但由於佢係一個用紙造嘅公仔,所以毫無力度,而火焰一直燃燒佢身體,整個廁所都充斥住佢嘅恐怖笑聲同撞擊道門嘅呯呯聲。
我想奪門而出,但剎那間有隻腳被人捉住。一望之下係我個女臉容嘅紙紮公仔,我激動地用手撕開佢隻手,紙紮公仔頓時發出尖叫聲音,好似真係有人整斷佢隻手咁,整間房都被尖叫所包圍,一直令我感到頭痛刺痛……最後我失去意識昏倒了。
……
張開雙眼,望望天花板,即時彈起身,發現自己全身出哂冷汗,望望身旁嘅人……只見個女瞓得好舒服咁,我先鬆一口氣,原來頭先係發夢。
正想落床時,覺得自己隻手好似有啲嘢,於是張開手掌,頓時個心離咗一離,因為我手掌揸住一張紙,係屬於紙紮公仔嘅紙碎……點解無啦啦有張紙碎喺我手?
我向公司請咗假,因為今日我要返去屋企睇一睇同收拾一下。返到去時,陣燒濃味道仲存在,附近鄰居見我返番都開門問候下我,我都表示多謝關心,但呢刻只係好想靜靜地收拾屋企。
關門後,面對濕透嘅地下,燻黑嘅四面牆,完全失去一種家嘅感覺。特別見到一堆被燒剩嘅紙紮公仔同物品,覺得有點諷刺,因為老婆終於得償所願,收到佢想要嘅嘢吧!?
往後日子,我一直都好擔心個女情緒受到影響,為咗哄佢開心,我帶佢去一直都好鍾意嘅玩具反斗城,以前每次帶佢去時候都唔願走,仲話大過咗一陣要買哂所有玩具返屋企。但呢一刻,佢對身邊玩具都表示毫無興趣,即使我預咗大灑金錢比佢買玩具,佢都無興趣。
我拎起架搖控車,然後笑問:「點呀?你之前唔係話好想要呢隻車車咩?」
佢望一望架車,然後木無表情地講咗一句令我心寒說話。
「我好想玩媽咪比我嘅紙紮車車。」
我輕輕放低架搖控車,完全唔知比咩反應佢,總覺得靜妍自從老婆死咗之後就同我變得陌生。
面對個女變得沉默,我真係無哂辦法,因為我仲要返工,唔可以經常請假去陪佢。所以最後我都係叫外母去湊佢。
直到有晚返酒店,當我想用行到門前正想開門時,聽到門後充滿靜妍嘅歡笑聲,我心諗點解嘅?唔通個女開心返?我頓時興奮地開門一睇。
驚見個女喺到玩緊架紙紮車車,一路玩得好開心,展露返久未出現嘅笑容。而外母見我返嚟,我未等佢到開聲講嘢,我就嬲到即時罵佢:「阿媽呀!你點解買呢啲嘢返番比佢玩呀?」
「咁佢嗌住要玩車車,我咪買呢個玩具比佢囉。」
「呢啲唔係玩具呀媽!係紙紮呀!比燒比死人用架!」
「你個女要玩唔通唔比佢玩咩,你都知佢呢排咩事喇,難得佢肯笑返咪得囉。」
「媽呀!你究竟明唔明呀?你個女就係沉迷咗呢啲紙紮公仔先會死架!」
「咁係咪我地兩個眼白白睇住靜妍日日唔出聲唔開心呀!?」外母反駁返我。
我望一望個女,佢嘅笑容係發自內心,的確呢排佢情緒好低落,本以為細路女仲細唔懂事,但其實佢不知幾清楚發生咩事。見到佢唔開心嘅樣,真係好心痛。如今佢展露返笑容,雖然方法唔好,但起碼都笑返先。
對於咁樣,我唯有無奈接受,因為我知道細路女鍾意嘅嘢都係三分鐘熱度,點會真係會沉迷玩呢類紙紮公仔丫,所以我決定一直任由佢玩。
但最後原來我做錯咗。
個女對於紙紮公仔愈嚟愈著迷,要求亦愈嚟愈高,經常喊住逼我買更多唔同嘅紙紮玩具比佢玩,買下買下……新屋充斥住大量紙紮物品,沉迷程度彷彿有佢阿媽嘅影子。
直到喺老婆葬禮上面,按規矩都買咗唔少紙紮公仔擺喺靈堂,我對住呢堆公仔就更覺討厭,但個女就完全相反,佢見到勁開心,仲不斷自言自語咁同個紙紮公仔傾計。見到佢咁,我忍唔住望住靈堂上老婆嘅照片,我覺得係老婆嘅怨靈令到個女攪成咁。
「老婆,求下你,你唔好將呢啲嘢擺喺小朋友身上喇,好嗎?」我忍痛地說。
後來儀式進行期間,我人有三急而去廁所,一出靈堂時,有個男人突然出現將我拉埋一邊,我望真啲,原來係外父嚟。
「外父?你呢家先出現?你去咗邊呀?」因為外父喺老婆細過時候已經離婚,間唔時先出現探下我,老婆同個女。只係估唔到老婆死後咁耐佢呢家先出現。
外父細細聲捉住我講:「你要小心我老婆。」
「外母?做咩事?」
「你知唔知我當年點解同你外母離婚?就係我老婆太沉迷啲紙紮公仔!佢仲逼個女玩呢啲!攪到個女有情緒病入過幾次醫院!我點阻止都阻止唔到!攪到個女唔知係咪陰影定係真係鍾意,最後連個女都迷上啲紙紮公仔!」
「你講緊咩呀外父?你講真架?」
「我頭先見到個孫喺到玩緊啲紙紮公仔,我就怕佢遲早出事!你要睇實我個孫呀!」外父激動地說。
「你意思話我老婆之所以變成咁,係外母佢……」我話未說完,就嚇得合唔埋口,同時間亦瞪大雙眼望住外父背後。
因為外母正正喺背後拖住我個女,露出一臉詭異嘅臉容望住我……
《待續》
***************************
我見大家真係幾鍾意呢個故仔
而又真係達到我開嘅3000like目標
所以我決定今篇文,我加碼寫多一倍字數,有成差唔多四千字架!
夠大家慢慢睇!
如果仲想快啲睇下一集……
今次我目標係4000 like,如果有4000like,我就即刻動筆打文!
希望大家繼續like,繼續share,繼續留言!以示對我支持!
最緊要留言!我每個留言都會睇!
記得follow ig:https://www.instagram.com/homing0624/
另外,我暫時偷偷地放隻限量預售link比大家預訂本書
如果大家鐘意《孔明古怪故事集》,記得支持我,買返本。
記住呀,《紙紮公仔》只係故事集其中一個故事咋~本書入面仲有好多故仔架~計返都係幾蚊雞一個故仔…
希望大家支持,但由於限量預賣,所以數量有限,買完即止,希望趕到復活節印起到比大家。過幾日我再出post 正式向大家預賣~
可以喺到買
購買網店:https://homingming.boutir.com/
瞓覺有好多夢瞓醒之後記得好清楚 在 Wujai食胡仔 Youtube 的最佳解答
??全新LIVE節目 《靈性冧冧豬》嚟啦!
點解叫冧冧豬? ?因為我地鍾意冧下你、滋養你、喚醒你! ?
「靈性冧冧豬」首次LIVE ?
主題:「你係高敏一族嗎?」
日期: 11/5 /2021(二)
時間: 晚上8:30~9:30
?Live聚會由「天使靈昇學院」導師Sharon,Samuel,Bonita 主持
(YouTube/Facebook 同步直播)
#情緒好敏感成日感覺到人哋嘅情緒....
#成日feel到人哋口不對心....
#去到陌生地方成日覺得唔舒服...
#瞓覺有好多夢瞓醒之後記得好清楚....
#成日覺得周圍環境好雜亂啲人好嘈好煩....
#覺得自己係敏感人
#成日發白日夢俾人話自己唔集中....
*這些感敏特質是天生的,懂得發揮,會是天賦才能,你又會點睇???
?如果你都有以上狀況、疑問?好想搵答案,記得收睇「靈性冧冧豬」live
✨✨✨✨✨✨✨✨✨✨✨✨✨
「召喚神聖之光」課程
https://forms.gle/n5Tb3GYbG2iYkp7C8
「你的守護天使水晶圖騰」課程
https://forms.gle/LNjjfYSJUwKF8eG16
#高敏感人士 #情緒敏感 #靈性敏感 #靛藍小孩 #超能力 #天生的 #天使光行者
=============主持介紹=============
Sharon
https://www.facebook.com/sharon.crystal2020
Samuel
https://www.instagram.com/be.an.orange/
https://www.instagram.com/mr.wujai/
Bonita
https://www.instagram.com/mymemory.mylord/
![post-title](https://i.ytimg.com/vi/6hM7qb7znkA/hqdefault.jpg)
瞓覺有好多夢瞓醒之後記得好清楚 在 #瞓覺有好多夢瞓醒之後記得好清楚 - अन्वेषण गर्नुहोस् | Facebook 的推薦與評價
點解叫冧冧豬? 因為我地鍾意冧下你、滋養你、喚醒你!. 「靈性冧冧豬」首次LIVE. 主題:「你係高敏一族嗎?」 日期: … थप हेर्नुहोस्. ... <看更多>